Read BORANA BIBLE – KITAABA WAAQA 1 Makabayo 15 Bible Online

1 Makabayo 15 - BORANA BIBLE – KITAABA WAAQA bible

1 Makabayo 15

¹Antiokoni ilmi hayyu Demetrio gaafa lafa Griki ta jiddu bisaani jiru tatabe tana Simioni qaallicha guddaafi ka ammalle gudda Yahuditifi gosa Yahudi ch'ufaleti erge:

²Anini hayyu Antiokoni Simioni, qaallicha gudda ka ammalle gudda Yahuditifi gosa Yahudile nagaya fuud'a.

³Akuma atini beetu jari hamamani toko yayu lafa ababoota teenna nu dabse irreeni fud'ate. Anini aka lafa suni deefad'e guddinna isiini qara qabdu kaaniti deebisu ya kutad'e. Anini askarti heddu bitad'e hobolo nyaapani had'ani kurfeese.

⁴Anini d'ufe lafa had'e, nama qara dira heddu balleese lafa aka ira gorse hobaasa.

⁵Tanaafi amma tana damoosaafi gibira duri hayyooti imbaasina isanini jette imbaasina jed'a.

⁶Anini lafa teesani keesati beese teesani mid'aafad'a isumaani wo bitad'a isanini jed'a.

⁷Dira Yerusalumutifi Mana Waaqa damoosa ira infuud'ani. Miha lola ka isani mid'aafatanifi, maneeni jajabduni isani jaartani amma iti qubatanileeni ch'ufti teesani taati.

⁸Tana male gati hayyu ta isani amma qabdani yokhaani ta taka tana fud'atanile arma achi haga jiru jireenna ya isanii lakisani.

⁹Akuma anini lafa tiyya deefad'uni, anini siifi gosa teetifi Mana Waaqale, ulfinna gudda lafti ch'ufti argitu kennafi.

¹⁰Ganna 174 Antiokoni lafa ababoota isaa d'ufe had'e, askartini hedduuni goli isaa taate, duuba akasini diqooni toko ch'allaani Trifo birati hafte.

¹¹Trifoni ka Antiokoni reebuti jiru, aka duuli isaa isa lakise gargali isa qabate arginaani dira Doori ka afaani baariiniti baqate.

¹³Jennaani Antiokoni askarti kuma d'ibbaafi diddamatifi askarti kuma saddeeti ta fardaani yaatu fud'ate dira Doori suni marse had'e.

¹⁴Inni hobolole fud'ate dira suni gama ch'ufaani marse lubbu naqe, nama tokole ka seene yokhaani keesa bau d'owe.

¹⁵ Jennaani Numeniofi jari isa woliini jiru tatabe hayyootafi lafa ch'ufati t'aafani tana fud'ate Rumi kae Yerusalemu d'ufe. Tatabeeni sunini akana jetti:

¹⁶Anini namichi guddaani lafa Rumi ka Lukio jed'ani, hayyu Tolomayo nagaya fuud'a.

¹⁷Jari jaallowanifi golini teenna ta Yahudi nuti ergite toko ya nuti d'ufe aka wold'ageeti duri nu woliini qamnu jabeesinu. Nami jara suni nuti erge qaallicha gudda Simioni jed'anifi gosa Yahudi ch'ufa,

¹⁸worri sunini wonte worqi ta ulfinni isii kilo d'ibba shanitini nuu d'ufe.

¹⁹Tanaafi nu amma hayyoota hedduufi lafa heddu tatabe iti t'aamna jenna, aka worri gosa Yahuditifi dira worratifi lafa worraa ch'ufa kara tokoleeni imballeesine. Worri ammalle Yahudi had'u himmalle yokhaani nama worra had'ulle goli tau himmalle.

²⁰Nu aka wonte worri nutini d'ufe fud'anne worrale nyaapa ira d'owaru ya ee jenne.

²¹Tanaafi yo nami hamani lafa Yuda keesa baqate lafa teennati d'eete, isani harka qaallicha gudda Simioniti kenna aka inni seera Yahudi gula gaargalchu.

²²Lukioni tatabe akasi suni hayyu Demetrio, Atalle, Arathe, Arsakefi

²³lafa maqa isi arma jalati t'aafani tanaleeti erge; Sampsame, Sparta, Delo, Mindo, Sikyoni, Karia, Samo, Pamfilia, Likia, Halikanaso, Rodo, Faseli, Koside, Arado, Gotina, Nido, Kiprofi Kirene.

²⁴Tatabe akasi suni Qaallicha Gudda Simioniti ergani.

²⁵Hayyu Antiokoni maro lameeso Dori marse guyya heddu had'e. Inni waan ira ejaanjani dira had'ani, jaarate, akasini Trifofi jara isale, dira keesa bau d'owe.

²⁶Simionini askarti kuma lama filate qarqaarsa Antiokoti erge, ammalle qarsifi worqifi miha lola heddule ergeefi.

²⁷Ammo Antiokoni waan suni fud'achu dide, wold'ageeti qara Simionini woliini qabu balleese, nyaapa iti tahe.

²⁸Jennaani Antiokoni jaala isaa Athenobio Simioniti erge aka worri woli haasau. Inni waan Simionini jed'e, Atini Yafati Gazarafi maneeni jajabdu Yerusalemu, dira lafa anini duri fidu keesa jiru fud'ate keesa teeta.

²⁹Atini arda suni ch'ufa balleesite gaargala gudda lafatini d'ufte. Ammalle lafa anini fidu heddu nara fud'ate.

³⁰Amma tana dira atini fud'ate suni naa deebifte damoosa lafa, lafa Yudea intaini ira guurate ch'ufa naa deebisu malte.

³¹Yo atini waan suni tau baate, kilo qarsi ta kuma kud'ani torba naa kennite, ammalle kilo kuma kud'ani torba ta qarsi d'ibi, waan atini balleesiteefi damoosa na d'owate gati baasu malte. Yo atini waan kana guutu dide, nu d'umneti si haana.

³²Athenobioni, Yerusalemu d'ufe, waan dansa Simionini qabu, qori worqitifi ta qarsi ta keessumani isaa gololfatunifi waan guddo d'ibi inni qabule arginaani guddo madefate. Inni qonqo hayyu Simioniti himnaani,

³³Simionini waan jed'eeni, Nu taka lafa gosa d'ibi fud'anne waan nama irreeni insaamne. Amma nu lafa abbooti teenna ira d'aalle, ta nyaapi keenna qara dabaani nura fud'ate amma deefna.

³⁴Nu amma qoomni argannaani lafa nu duri d'aalle deefachu feena.

³⁵Dira Yafatifi ka Gazara ka isani keenna jettani, kana nu qarsi kilo kuma saditifi d'ibba afuri isanii kennine hambifachu feena, ato nami dira suni guddo gosa teenna balleesele. Athenobioni dubbi tokole isa gula injenne,

³⁶ammo ka dallansuni ijeefte kae hayyuti deebie. Inni waan Simioni jed'eefi, ammalle aka mani isaa waan dadansa qabuufi waan dadansa inni achiti arge ch'ufa iti himnaani hayyuuni guddo dallane.

³⁷Duuba gaafasi Trifoni hobolo seene dira Orthosiati baqate.

³⁸Hayyu Antiokoni Kendebayo gudda duula afaani galaana jiru ch'ufa tolche, askarti miilani yaatufi ta fardaani yaatule kenneefi,

³⁹Beeni Yudea had'i dira, Kedroni jaari, fullo isale balbala jabdu iti tolchi, aka atini gosa Yahudi haatu jed'ani. Hayyichi ufi reebu Trifo iti d'aabate.

⁴⁰Jennaani Kendebayoni Yamnia d'ufe Yudea had'e Yahudi gaargalche qaqabe fit'e.

⁴¹Inni dira Kedroni jaare askarti fardaani yaatufi ta miilaani yaatule arti kaaye aka isiini nama kara Yudea gula yau akuma hayyuuni jed'e haatu.