Read BORANA BIBLE – KITAABA WAAQA 1 Makabayo 4 Bible Online

1 Makabayo 4 - BORANA BIBLE – KITAABA WAAQA bible

1 Makabayo 4

¹Gorgiani askarti miilaani yaatu nama kuma shanitifi askarti farda ta kuma toko, ta ch'ufti teetutifi jara maneeni jajabdu Yerusalemu keesa tau, nama kara isa garsiisule tolfate halkanini kae duule. Inni qara aka askarti Yahudi tasa had'u malate,

³ammo Yudani mala isaa suni beekate askarti ufi fud'ate duula askarti hayyu Emau had'u d'aqe,

⁴ka Gorgiafi askartini isaa ala jirtu.

⁵Gorgiafi jari isaa fulla bulto duula Yuda halkani suni banaani nama tokole keesa d'abani waan Yudafi jari isaa worra dura baqatu sehani gaareeni keesa worra barbaadani.

⁶Diirama lafti bariinani Yudafi jari isaa nami kuma sadi diida keesa mullate, ammo worri woraana jaba worra gau inqabu.

⁷Worri duula gosa d'ibi gudda ka miha lola gudda qabu ka ammalle akasumaani had'iisa beekhu ka ammalle askartini farda marsitu arge.

⁸Ammo Yudani waan jara ufitini jed'e, Guddinna duula worra womatu indarina yokhaani yo worri isani had'ulle ind'eetina.

⁹Aka ababoota teenna gaafa hayyuuni Misiritifi askartini isaa worra reebde Galaana Diimati baasani qaabad'a!

¹⁰Koota amma Aabbo Waaqa naasu kad'anna, aka inni wold'aqisa ababoota teenna woliini tolfate qaabate duula nyaapa kana yo nu haanu daara baasu.

¹¹Duuba akasini gochiti d'ibiini ch'ufti aka gochiti Israeli Waaqa worra qarqaare baasu qabdu beetu.

¹²Nyaapi kaani Yudafi jara isaa ka lola kurfefate arginaani

¹³worrileeni bulto ufi keesa had'iisa yae. Jennaani Yudafi jari isaa magalata d'ae

¹⁴nyaapa kaani had'e, nyaapi kaani gargari bitinae diidati baqate,

¹⁵duuba nama oriu dad'abe ch'ufa fit'ani. Worri Israeli nyaapa haga Gazarafi diida Idumeatifi dira Ashdoditifi ka Jammia reebe. Nami nyaapa ka worri gaafasi fit'e nama kuma sadii.

¹⁶Yudafi askartini isaa reebu nyaapati dachaani jennaani,

¹⁷inni waan jara isaatini jed'e, Waan saamtaniti insabdaina, Gorgiafi duuli isaa gaareeni tana keesa jira lola d'ibiti nu eegate tanaafi garaa jabaanne had'u malle. Yo iraa debine waan saamu feetani ch'ufa aka dansa saamtani.

¹⁸

¹⁹Akuma Yudani dubbi tana buufateeni dooyaani nyaapa ta gaara gubba jirtu gaara gubba worra gadi ilaalte aka askarti worraa taani dabsatani baqate agarte.

²⁰Ammalle aara arginaani aka bulto worraa gubani beekhaani.

²¹Waan suni ch'ufa arginaani lubbuuni d'ufte ammalle aka duuli Yuda lola kurfefate diida keesa ch'iisu hubannaani

²²lafa Filistiati baqatani.

²³Jennaani Yudani deebie bulto nyaapa soqate, inni worqifi qarsi muumme inqamneefi woya buleefi bule diimtufi waan dadansa d'ibile guurate.

²⁴Yahudini bulto ufiti dachanaani faaru tana d'aate: Aabbo Waaqa faarsu malani naasuni isaa haga jiru jireenna teeti.

²⁵Akanani worri Israeli guyya suni nyaapa ufi aka male dabsate.

²⁶Duuli gosa d'ibi kaani ka baqate gara Lisia d'aqe waan tahe ch'ufa iti odeese.

²⁷Lisiani odu suni d'ageennaani aka male rifate laalefate, wonti akanatiifi worri aka hayyuuni jed'e worra Israeli indabsanne.

²⁸Ganna ganna suniti aanu, askarti miilani yaatu ta guddo had'iisa beetu nama kuma jatamatifi askarti farda nama kuma shani ka worri ch'ufti teetu farda fud'ate askarti Yahudi had'u d'aqe.

²⁹Worri Idumea taake Beth-Suri qubate. Yudaleeni nama kuma kud'ani fud'ate worra fuula keesa d'ufe.

³⁰ Yudani irre duula nyaapa arginaani Waaqa kad'ate waan jed'e, Nu si faarsina ee qarqaarsa Israeli. Atini harka hojattu tante Dauditini namicha gudda haga arba gau kaani dabsate, ammalle atini duula Filisti ch'ufa harka Yonathani ilma Saulotifi kaimticha miha isaa ka lola baatuti kennite.

³¹Amma tana akasuma gochiti tante ta Israeli ha nyaapa ufi dabsatu. Nyaapa suni ka askarti miilatifi ta fardatini tae ufi koorsu ch'eersi.

³²Worra sodaachisi, irre worri kooruni suni balleesi, badii worra eegatu tana worri ha ira hollatuti.

³³Nu si jaalanne si kad'anna tanaafi nyaapa keenna nu dabsachiisi aka nu sirbine si faarsinu.

³⁴Had'iisa wolti kaani, had'iisa suni keesati askarti Lisia nama kuma shani fit'ani.

³⁵Lisiani aka duula isaa dabsatani ammalle aka Yudafi jari isaa aka male garaa jabaate lubbu jibbaate aka d'iira had'u arginaani, kae gara Antiokia deebie. Achiti inni askarti gari bitate aka duula gudda muumme inqamneni Yudeati deebiu heregate.

³⁶Yudafi oboleyaani isaa waan jette, Nu nyaapa keenna ya dabsanne koota Yerusalemu d'aanne Mana Waaqa, qulqulleesine eebimna.

³⁷Duuba duula ch'ufa wolti baasani gaara Sioni d'aqani.

³⁸Achiti worri Mana Waaqa ka bade ona tahe, mesa sorio irati baasani ka t'ureesani fullo naabo isaa ta gubani, qae isaa ta raasa taate badde ammalle maneeni qaalole ta ch'ach'absani arge.

³⁹Duuba lalefatani aka male bohani woya ufi tatarsasani daara matati ufi naqani

⁴⁰lafati gogombifamani ch'iisani. Magalata d'aani, jennaani nami ch'ufti Aabbo Waaqati bohe.

⁴¹Jennaani Yudani askarti isaa ta gari yaame, Beena jara maneeni jajabdu keesa jiru had'a jed'e, ufi Mana Waaqa qulqulleesiti hafe.

⁴²Inni qaalole wo beetu ta Seera Waaqa jabeesitu fohate,

⁴³worri d'aqe Mana Waaqa qulqulleese ammalle d'akhaaye t'ureesani taani guure fulla huura iti haraniti jisse.

⁴⁴Worri waan mesa sorio irati baasani ka nyaapi t'ureese kaani wolgaafate, eege ch'ach'absiti buufate, aka inni fulluma ufiti hafe akheekha ch'eera worraa intaane. Duuba mesa suni ch'absani bulleesani,

⁴⁵

⁴⁶d'akhaaye isaa gaara Mana Waaqa gubbati tuulani, haga raagi waan isa tolchu malani namati himu d'ufuti.

⁴⁷ Duuba worri d'akha imboch'ini guure, aada Seera Musa gula waan sorio irati baasani kama aka kaani jaare.

⁴⁸Worri Mana Waaqa keesafi alale mid'aase qaefi naabo isaale eebise.

⁴⁹Ammalle worri miha Mana Waaqa haraa mid'aase waan ifseeni ira ejitufi waan hit'aani irati aarsanifi, mesa qit'a Waaqa baasani ira kayani Mana Waaqatini d'ufe.

⁵⁰Worri hit'aana aarse ifse waan ifseeni ira ejitu irati bobeese, akanani Mani Waaqa ifse horate!

⁵¹Ammalle qit'a mesa ira kayani, golla fafannisani huji ch'ufa hobaasani.

⁵² Guyyaani diddami shaneeso ka jia sagaleeso ka Kislevu jed'ani ganna 148 wogaa guyya worri gosa d'ibi mesa sorio Aabbo Waaqa irati baasani t'ureese. Guyyuma suni waan aka mesa haareti mid'aasani kaani irati sorio baasani aada Seera Musa gula kirarifi bilbila d'aanani sirbani mesa suni eebisani.

⁵³

⁵⁴

⁵⁵Nami ch'ufti gadi jejed'e Aabbo Waaqa ka dabsacha worraa kenne faarse.

⁵⁶Haga guyya saddeeti ch'ufa worri jila mesa sunini eebisani tolfate, sorio gubanifi sorio wold'ageetitifi waan galataa Waaqa baasanile baase.

⁵⁷Worri Mana Waaqa fuula dura, ruufa worqitifi wonte worqitini barreese ch'okhe, balbalafi maneeni qaalole jaare balbala iti mid'aase.

⁵⁸Duuba akanani Yahudini ch'eera duri gochiti d'ibiini itini d'ufte ufira balleesite jila guddo tolfate.

⁵⁹Jennaani Yudafi oboleyaani isaatifi gumiini Israeli ch'ufti woligalani aka ganna ch'ufa guyya diddami shaneeso ka jia Kislevu jed'aniti iti keeyatani guyya saddeeti jila eeba mesa sorio Waaqa irati baasani gammadafi qilit'amani tolfatani buufatani.

⁶⁰Jennaani naabo d'ed'eertufi doofi d'ed'eertu gaara Sionitini marsani d'akhaani jaarani, aka akasini nyaapi deebie fulla suni ira sirbe int'ureesine.

⁶¹Yudani askarti Mana Waaqaa eedu achi kaye, dira Bethsurille jabeese jaare aka worri Israeli mana jaba nyaapani ufira d'owani ka lafa Idumeati fuula deefatu qabu.