Read BORANA BIBLE – KITAABA WAAQA 2 Makabayo 4 Bible Online

2 Makabayo 4 - BORANA BIBLE – KITAABA WAAQA bible

2 Makabayo 4

¹Ammo Simionini (ka qara waan isaa maqa d'aani Hapolonio waan beese iti hime akasini gaargala gosa Yahuditini d'ufe) waan Onialle d'ara dubbate waan jed'e, Nami Heliodoro had'e gaargala nutini d'ufe isuma jed'e.

²Inni soda male Onia himate nami kunini serikala garagalchu fed'a jed'e. Ammo Oniani beese Yerusalemu kenne Mana Waaqale qorqorate, ammalle seera keennale guddo jabeese.

³Apolonioni ilmi Menesteo guddaani lafa Koele-Shamu, ch'ubbu Simionini tolche ch'ufa keesa wahelcheefi, jennaani nami Simionini morku aka male huji suniti jabaate, duuba eege nami toko ka inni guddo d'ugefatu nama heddu ijeese. Oniani aka lafti hammaate gaargali guddaani lafa d'ufe arginaani,

⁴

⁵gara hayyu d'aqe aka nama gosa isaa himatuuniti ammo aka waan dansa gosa Yahuditi tolchu, worra keesafi alale.

⁶Inni aka qarqaarsa hayyu male nami dandae nagayaani woliini inteenne ka Simionileeni hameenna isaa suni inlakimne arge.

⁷ Eege hayyu Selenkino doonaani Antiokoni ka Epifane jed'ani, hayyu tahe, Yasonini oboleesi Onia kara dabaatini, qaallicha gudda tahe.

⁸Inni gara hayyu d'aqe waan jed'eeni anini qarsi kilo kuma kud'ani lama sii kenne taka tanale, kilo kuma lamaafi d'ibba torba sii baasa jed'eeni.

⁹Yasonini ammalle qarsi kilo kuma shani d'ibi yo atini gudda fulla iti tabatani ta kaimi utaalchafi taba aka heddu iti baratu na tolchite, ammalle worra Yerusalemule aka anini worra nama dira Antioko tolchu na tolchite sii keenna.

¹⁰Hayyuuni ee, jennaani Yasonini akuma Qaallicha Gudda taheeni finna worra Yerusalemu jijire, aka ka worra Griki tolche.

¹¹ Inni qarqaarsa duri Yohanani hayyoota Shamu iraa gosa Yahuditi d'ufeeni balleese (Yohanani sunini abba Eupolemo ka eege lafa Rumi d'aqe nagaya dubbate wold'ageetini d'ufe). Yasonini ammalle aada ta teenna Yahudi balleese, aada haraa ta seerani woli ind'anne ga d'ufe.

¹²Inni maro tokotu d'aatu gaara Mana Waaqati fulla iti tabatani jaare, achiti kaimi keenna dadansa aka aada lafa Griki gula waan dogomsu barsiisani.

¹³Maro Yasonini, namichi Waaqa imbeenne ka kara dabaatini Qaallicha Gudda ufi tolche, aka male hammate nama ch'ufa ira ch'ubbu tolcheefi biyyiti ch'ufti finnafi aada Griki jaalate gula baate.

¹⁴Akanani qaaloleeni huji ufi ta woyyuma iti laafte guutu didde. Worri huji Mana Waaqa lakise sorio baasu dide akuma taba jala qabatanini worri orie taba aadani teenna seertu duude.

¹⁵Worri waan ababooti worra jabeesitu lakise, guddinna kara taba worra Griki kanaani argatani ch'alla owise.

¹⁶Maro waan kanatifi gaargali guddaani worra qabate, wonti akanatiifi gosuma worri finna worraa jaalate aada worra gula yaauti gargale nyaapa worrati tahe worra dabse.

¹⁷Seera Waaqa lakisitini waan hamtu toko akuma isani waan arma jalati t'aafani kana keesati argitani.

¹⁸Gaafa toko ka hayyichilleeni dira Tiro d'ufe aka taba eegi ganna shani ch'ufa artiti tolchani daawatu,

¹⁹namichi hamani Yasoni jed'ani kaani, nama Yerusalemuti d'alate ka worra Antioko tolchani kaani haga gari gara dira Tiro erge, aka worri kilo kuma kud'ani ta qarsi ta waaqa d'ara ka Herekalo jed'ani sorio baasani geesu. Ammo worri ergani sunileeni waan beeseni hagasi geetu suni, sorio malte ind'ugefanne,

²⁰duuba beese qara sorio Herekalo baasani suni fuud'ani hobolo nyaapani had'anini jaarani.

²¹Apolonio ilma Menesteo lafa Misiriti ergani aka inni guyya Felometo muudani hayyu tolchani achi jiraatu, Antiokoni aka Filometoni, finna lafa isaa jibbu d'agaye. Antiokoni aka lafti inni fidu hammatu arge guddo sodaate Yafa d'aqe achumani Yerusalemuti taake.

²²Achiti Yasonifi worri dira ifsee guurate fuula keesa isa d'ufe, gammade aka jaba isa ulfeese. Jennaani Antiokoni achi kae duula ufi woliini Fonike d'aqe.

²³Ganni sadi dabaraani, Yasonini Menelao oboleesa (Simioni ka waan isaa qara dubbatani) erge aka inni beese hayyuti geese ammalle aka dubbi jajabdu murani gaafatu.

²⁴Ammo Menelaoni hayyu dura d'umnaani, nama jajaba wo guutu ufi tolche, waan jed'eeni yo atini Qaallicha Gudda na tolchite anini qarsi kilo kuma kud'ani haga Yasonini sii kenne ira sii keenna.

²⁵Dubbi suni gula Menelaoni tatabe isaa Qaallicha Gudda tolchitu hayyu ira fud'ate Yerusalemuti gale. Ammo woni qaalluni argatu tokoleeni injirtu; inni miira hama qaba yoosu namati gargale bineensa hama tahe nama dabsa.

²⁶Akanani Yasonini ka oboleesa ufi huji Qaallicha Gudda dabse ira fud'ate, amma haadani lafa Amoni geesani.

²⁷Menelaoni Qaallicha Gudda tahe, ammo beese hayyuuni sii baase jed'eeni taani d'owate.

²⁸Ammo hatatu Sostratoni guddaani askarti maneeni jajabdu Yerusalemu beese suni baasi jed'eeni isa lubbe, wonti akasitifi nami beese akasi suni guuru isuma.

²⁹Menelaoni oboleesa isaa Lesimako haga ala jiru huji suni iti lakise, Sostratoleeni askarti isaa harka Krate ka gudda askarti Kipro ta bitaniti lakise.

³⁰Ato dubbini tunini jirtu, biyyiti dira Tarsotifi ka Maloo hayyuti gargalte, wonti akanatiifi isati garayyu isaa Antiokisii dira suni kenne.

³¹Duuba hayyuuni namicha gudda hojattu isaa toko ka Androniko jed'ani huji harka isaati lakise dira suni d'aqe aka lafa nagaya tolchu.

³²Menelaoni qoomni tana argannaani miha worqi ka Mana Waaqa ka Yerusalemu keesa guure, Androniko kenne. Inni qara miha suni ka gari dira Tirotifi dira d'ibii d'aatu suni jiruti gurgure.

³³Oniani dubbi tana d'ageennaani baqate Mana Waaqa toko ka dira Dafini ka d'aatu Antiokia jirutini bahe, Menelao himate hameenna isaa diidati gadi baase,

³⁴ jennaani Menelaoni d'ossaani Androniko sosobe Onia ijeesi jed'eeni. Duuba Andronikoni gara Onia d'aqe sosobe lubbu si baasa jed'eeni, ato Oniani isa d'ugefachulle baate Andronikoni, isa sosobe Mana Waaqa bira fageese ijeese.

³⁵Maro Onia kara dabaatini ijeesanifi, Yahudini ch'allaani inlalefanne ammo gochiti d'ibileeni aka hama laalefate.

³⁶Duuba hayyuuni gara arda Kilikiati deebinani Yahudini dira Antiokia keesa jirtu gara isaa d'at'e, nu ijeecha fayyuma tana nama woma iyakini ijeesani tana diqole inquumne. Nami gosa d'ibileeni akuma kana waan hamtu suni ira laalefate.

³⁷Hayyu Antiokoni guddo laalefate, qaroomafi obsa gudda Oniani gaafa jiru qabu qaabannaani bohe.

³⁸Antiokoni guddo dallane woya hayyuma Androniko ira baase, qulla isa d'aabe, dira keesa dabarse fulla Onia iti ijeesani taaniti geese, namicha harka d'iiga suni ijeese. Aki Aabbo Waaqi gaargala isaa male suni isaa kenne sunuma.

³⁹Jennaani Lesimakoni qarqaarsa oboleesa isaa Menelaotini maro heddu Mana Waaqa ka Yerusalemu saame miha worqi guurate itini d'aabate, dubbini tunini lafa ch'ufa qabate jennaani biyyiti Lesimakoti dallante iti kaate.

⁴⁰Eege biyya suni dad'abani jennaani Lesimakoni nama kuma sadii ka woraana qabu had'a jed'eeni iti erge. Guddaani jara woraana suni jaarsa daallicha Aurano jed'ani toko.

⁴¹Yahudini d'aatu Mana Waaqa jirtu, waan tahe kana arginaani d'akhaafi jirma mukha guurate, hagi tokoleeni daara lafa ch'iiftu fuute Lesimakofi jara isa mudamsiisu suni hate,

⁴²jara Lesimako ka gari fit'e, heddule madeesite, ka hafulleeni kae baqate. Namicha Lesimako jed'ani ka Mana Waaqa saame sunile d'aatuma Mana Waaqa fulla beese iti olkayaniti ijeesani.

⁴³Maro dubbi tanatifi Menelao himatani qorsumatini d'ufani,

⁴⁴hayyichi dira Tiro d'umnaani worri Yerusalemu nama sadi ka Menelao himatu iti erge.

⁴⁵Menelaoni aka dubbini iti jabaatu arginaani, aka jala bau Tolomayo ilma Dorimene gumbeese hayyu naa d'aqi jed'eeni.

⁴⁶Duuba Tolomayoni, hayyuuni me, kooti diqo na bira eji jed'eeni, aka waan nama qilleensa fud'atu diidati gadi yaani, jennaani, artumati sosobe herega isaa gargalche,

⁴⁷Menelaoni woma iyakine galakisi jed'eeni. Duuba akasini Menelao ato inni waan heddu balleesele gadi d'iisani, ammo worra sadeeni kaani ka sila nami aada womaatu inqamneleeni, woma iti murre ijeecha iti murani.

⁴⁸Jari sadeeni sunini Yerusalemufi nama isaatifi miha woyyuma ka Mana Waaqa keesa guuratani dubbate. Ammo worra suni yoosu kara dabaatini fit'ani.

⁴⁹Ammo nami dira Tiro ka gari, aka waan hamtu suni jibbu garsiisu jara suni aka dansa awaale.

⁵⁰Menelaoni maro sabdooma nama finna lafa harka qabutifi huji ufiti hafe. Inni hamachuma hammate nyaapa hama gosa ufiti tahe.