Read BORANA BIBLE – KITAABA WAAQA 2 Makabayo 6 Bible Online

2 Makabayo 6 - BORANA BIBLE – KITAABA WAAQA bible

2 Makabayo 6

¹Ato guddo inturinu hayyichi jaarsa worra Atheni toko Yahuditi erge, waan jed'eeni, Yahudi d'aqi aadafi seera ababoota isii ka worri gula yau lakisisi.

²Inni ammalle Mana Waaqa isaani t'ureese, mana suni maqa waaqa Zeu jed'ani ka gaara Olimpia ira tautini yaame. Mana waaqa ka gaara Gerezimu ira jiru, mana Zeu waaqa keesuma bulchu, akuma biyyiti achi teetu isa kad'ate.

³Dabi worra dabsani guddate obsu dad'abani.

⁴Worri gosa d'ibii Mana Waaqa seene, farso keesati d'uge huji daba ch'ufa achiti tolche, sharmut'ale achi keesati rafeeni. Waan sila Mana Waaqatini seenu himmalini ch'ufa artini d'ufani,

⁵sorio, aadani teenna infeene mesa irati guurani.

⁶Nami dandae aada Sabato intolfatu yokhaani jila d'ibile intolfatu yokhaani anini Yahudile jechu indandau.

⁷Jila ch'ufa guyya d'aloota hayyu qaabatani, Yahudi irreeni, marrumani hori sorio waaqa baasani nyaachisani, ammalle guyya jila waaqa daad'i ka Dioniso jed'ani ch'ufa waan aka gaale marsani mata ira naqanifi ch'ororsani yaasani.

⁸Dubbi Tolomayo gula dira Griki ka d'aatu suni jiru ch'ufa keesati, Yahudi marrumani hori sorio nyaachisani;

⁹Yahudi aada Griki keesati bullu dide ch'ufa fit'a jed'ani, wonti kunini ch'ufti aka gaargali hamani worra qabate garsiifti.

¹⁰Fakeenna guyya toko nad'eeni lama ilmaani isiiti qabanqaba qamnaani, qaqabani ilmaani isii qomati hid'aani hid'aniifi dira keesa marsani, duuba eege naabo dira ira darbani lafati gadi, d'id'isani.

¹¹ Guyya tokole qonqo Filipoti ergani waan jed'anini, Yahudini gari d'ossaani goda d'aatu tana toko keesati wolti baate aada Sabato tolfachuti jirti. Filiponi worra had'e, ch'ufa ibidaani gube hobaase. Yahudini sunini nyaapa suni ufira ind'oware, wonti akanatiifi aada Sabato jabeesiti.

¹²Anini nama kitaaba kana soomu ch'ufa, yo odu akana hamtu tana soomtani rifatani garaa inlaafina, wonti akanatiifi Aabbo Waaqi gumi ufi balleesiti akana tolchuti injiru, ammo qajeelchitifi akasi tolchuti jira.

¹³Nami hojja nami waan hamtu tolchu hojuma suni d'aane nama suni qajeelchu, nama nama suni jaalatu.

¹⁴Aabbo Waaqi aka gosa d'ibi tolchu nu intolchu. Inni haga worri ch'ubbame keesa dabruti inuma obsa,

¹⁵ammo nu hojuma ch'ubbu diqo toko tolchinu nu gaargalcha.

¹⁶Duuba akanani Aabbo Waaqi nu gumi isaa hojja ch'ufa nuu naha. Inni ato d'aane nu qajeelchele lafa nu imbuusu.

¹⁷Wonti anini dubbi tana jed'eefi aka isiini wo nama qaabsiiftu. Amma dubbuma qara harka qamnuti deebina.

¹⁸ Jaarsa toko ka Eleazari jed'ani, ka waan Seera nama barsiisu, ka guddo gurra qabuti jira. Duuba afaani isaa irreeni gargari qabani fooni booyye keesa kayani.

¹⁹Ammo inni fulla ch'eeraani deemu ana gurraani duuti ira naa jira jed'e, fooni kaani tufe, garaa jabaate fulla iti nama d'aanani gaargalchani d'aqe. Akanani inni aka nami ch'ufti garaa jabaate lubbu ufi jibbaate, sagale aada worra gula lagatani, didu agarsiise.

²¹Jari huji sorio suni harka qabu haguma duriiti jaallowani Eleazari, maro jaalooma isaani sunifi worri waan qofaati Eleazarini jed'e, Fooni atini aada gula nyaachu malteeni kooti duuba aka si inijeemne nama fooni booyye nyaatu ufi tolchi nyaad'i.

²³Ammo Eleazari ka jaare arrae fulla gae, garaa kutate dubbuma jaarsa malte dubbate, inni haguma d'alate Seera Waaqa qulqullo jabeese gula deeme. Duuba inni waan worraani jed'e, Armumati amuma tana na ijeesa.

²⁴D'arti akana tunini jaarsa aka kiyya kana infaakatu. Hegeri kaimi hedduuni waan anini ganna sagaltamati d'ugefacha tiyya mormad'u seha.

²⁵Yo anini nama fooni kana nyaad'u ufi tolche akasini ufi geegese, wonti sunini ch'eerafi gurra hamani nati d'ufte kaima hedule balleesite kara iraa gorsiti.

²⁶Amma tana waan isani na tolchitani jala bau indandau, ammo ato due jiraad'ele eesati dandae Aabbo Waaqa gudda jala baha.

²⁷Hojja amma tana aka d'iira due, aka lubbu d'eerinni naa male sunini garsiise,

²⁸kaimale akheekha dansa tahe, aka worri aadafi Seera keenna qulqullo jed'e duu male garsiisu. Akuma inni dubbi tana buufateeni fulla iti nama gaargalchani taaniti geesani.

²⁹Worrumani reefu isaa dubbatu kaani isati gargale, wonini ya marate jed'e tuffate.

³⁰Isa aka hama d'aanani ch'ichu gae jennaani, ooe waan jed'e, Aabbo Waaqi beekha ufi qulqullooni aka anini dandae gaargala hama akana kanafi dualle jala bau imbeekha, ammalle aka anini soda isaati jed'e gaargala akana kana ch'ufa gammadaani fud'ad'ule imbeekha.

³¹Duuba akanani Eleazarini due, ammo ha taatu, dooti inni due suni akheekha dansa jannooma namaa taate kaima ch'allaa intaane, gosa isaa ch'ufaa taate.