Read BORANA BIBLE – KITAABA WAAQA 2 Makabayo 7 Bible Online

2 Makabayo 7 - BORANA BIBLE – KITAABA WAAQA bible

2 Makabayo 7

¹ Gaafa tokole niiti Yahudi tokofi ilmaani isii ta d'iira nama torba qaqabani, hayyutini d'ufani jennaani hayyuuni lichooni d'aane irreeni fooni booyye nyaachise.

²Jennaani ilmaani suni keesa toko waan jed'e, Amma hojja fooni kana nu nyaachifte maani jala argata? Nu fulla aada ababoota teenna lakimnu duati ira nuu jira.

³Hayyichi waan suni d'ageennaani aka male dallane, eelefi qori sibiila gugurdo owisa aka ibida diimesa jed'e.

⁴Jennaani hojuma suni owisani, duuba waan jara ufitini jed'e, Gurba dubbate suni araba ira kuta mata isale goga iraa qala harkafi miilale, ila haad'afi oboleyaani isaa jaani taani durati iraa ch'ira.

⁵Eegi gurba kaani gargari ch'irani, ka hafuuri ch'allaani keesa jiru. Hayyichi waan biyyaani jed'e, Fuud'a eele suni keesati wot'ala jed'e, aari eele taani keesa kae, jennaani haad'afi oboleyaani isaa taani garaa woljabeesani, aka dua insodaanne kutatani waan jed'ani,

⁶Aabbo Waaqi nu ilaale gaargala keenna kana arguti jira, Musani gaafa sirba t'aafe, nama Aabbo Waaqa lakisu wollaala iti mure waan jed'e Aabbo Waaqi nama isaa hojatu innaha.

⁷Gurba qara kaani akasini ijeemnaani, askartini taani gurba lameeso rifeensa iraa bubuqifte goga mata ira qalte iti tabate waan jetteeni, amma booyye tana nyaata mo, nu harkafi miila sira toktokooni ch'iru feeta?

⁸Inni afaani iti d'alateeni, waan jed'e, Hiyo anini innyaad'u. Tanaafi askartini akuma oboleesa isaa ka qara kaani gaargalchite isale gaargalchite,

⁹inni ch'ichu gae, jennaani waan hayyichaani jed'e, Dabdicha nama qaqalu, atini nu fit'a ammo hayyichi lafafi gubba, duisa keesaa nu baase, jireenna hegeri nu keenna, waan nu Seera isaa guunnefi.

¹⁰Askartini gurba sadeesole akuma ilmaani taani tolchite iti tabate, araba kanke gadi baafad'i jennaani inni hurrise gadi baafate, harkale garaa jabaate worra dura qaqabate,

¹¹aka d'iira waan jed'e, Waaqumati harka kana naa kenne ammo Seeri isaati harka kana ira naa jira, ammalle anini ind'ugefad'a aka Waaqi taka tana naa deebisu.

¹²Hayyichafi jari isa woliini jiru kaani aka gurbaani kunini gaargala obse garaa jabaate arginaani guddo ira mamani.

¹³Inni doonaani askartini gurba afreesole akuma kaani gaargalchite.

¹⁴Ammo inni ch'ichu gae jennaani waan jed'e, Anini ka harka keesani keesati due guddo gammada, wonti akanatiifi nu aka Waaqi duisa keesa nu kaasu ind'ugefanna, ammo atini yo doote deebite inkaatu!

¹⁵Askartini gurba shaneeso ingaargalchiti fuunaani,

¹⁶Inni hayyu fuula keesa laale waan jed'eeni, Atini ato nama lubbu qabule taate irre waan feetuni nu tolchitu qabda. Ammo waan Waaqi gumi teenna lafa buuse insehini.

¹⁷Eeguma eegi waan Waaqi siifi d'aloota kankele tolchu inuma agarta.

¹⁸Jennaani gurba jaeeso gadiini d'ufani inni ch'ichu geennaani waan jed'e, Ufi insobini, nu maro Waaqa keennati ch'ubbamneefi gaargala kana argachuti jira. Wonti hamtuni kunini ch'ufti sunifi nu qabati.

¹⁹Waan atini Waaqani morkite gaargala isaa jala baatu diqole inoobjatini.

²⁰Haati guddo ilmaanile ch'ufa ira nama mamsiifti, akanaafi duuba isiini nama sila guddo qabatani. Ato ilmaani isii torbaani ta guyya tokooni fit'ani agartele, isiini waan Aabbo Waaqa heregatufi obsite.

²¹Isiini ato uwalle taate aka d'iira garaa jabaate ilmaani isii afaani isanitiini iti dubbate garaa jabeesite.

²²Anini aka isani saaba kiyya keesati uumamtani imbeekhu, nami jireennafi hafuura isani kenne yokhaani mita teesani ch'ufa wolti d'ad'aabe nafa tolche ananiti.

²³Nami akasi tolche Waaqa ka lafafi gubbaafi namaafi waan keesa jira ch'ufa uume. Waan isani Seera isa lubbu teesanile ira jaalatanifi inni naasu ufitini lubbuufi hafuura keesani isaniti deebisa.

²⁴Antiokoni waan niitini sunini isa goyeesite sehe, tanaafi haga dandau, aka gurba maand'icha sosobe aada ababoota isaa lakisisu tolche. Inni gurbaani waan jed'e, Anini hori gudda sii kenne nama gudda si tolche, ammalle aka jaala hayyu jed'ani si yaamani si tolcha.

²⁵Ammo gurbaani isa ch'aqasu dide, tanaafi Antiokoni haad'a yaame, waan jed'eeni gurba kana gorsi lubbu ufi baasi jed'iini.

²⁶Inni guddo sosobnaanini haati ee jette,

²⁷gurba ufiti gadi hiite afaani isaanitini waan jetteeni ilma kiyya naa nahi atini aka anini jia sagali garaati si baad'e ganna sadi si hoosise qaabad'i. Anini si qorqorad'e waan atini feetu haga arra sii keenne.

²⁸Tanaafi amma ilma kiyya si kad'ad'a lafafi gubba laali waan agartu ch'ufa heregi, ammalle aka Waaqi akuma nama uume waan kana ch'ufa woma iraa inuumini hubad'i.

²⁹Namicha nama qaqalu kana insodatini, garaa jabaad'i woma oboleyaani tante taate tahi aka taka tana gaafa nama due kaasani isani ch'ufa woliini argad'u.

³⁰Ato isiini teete dubbatu gurbaani waan hayyuuni jed'e, Atini maani teete eeda, anini jecha ke ya dide, anini Seera Musani ababoota teenna kenne ch'alla guuta.

³¹Atini daba aka ch'ufa gosa teennati ya malate, ammo harka Waaqa dandeete jala imbaatu.

³²D'uguma Aabbo Waaqi keenna, Waaqi jiru ya nuti dallane maro ch'ubbu teennatifi nu gaargalchuti jira aka akasini nu gorse nu qajeelchu. Ammo wonti kunini ch'ufti waan d'umatati, nu hojattuma isaati inni nuu araarama.

³⁴Ammo atini nama lafa keesa jiru ch'ufa ira karmura hama qulqullooma womaatu inqamne. Tanaafi teete ufi sobde nama gudda ufi seete gumi Waaqa ingaargalchini.

³⁵Karaani tokoleeni ka atini harka Waaqa jaba waan ch'ufa argu jala baatuni injiru.

³⁶Oboleyaani tiyya maro wold'aqisa Waaqa ch'absu didufi haga diqa toko gaargalte, ammo amma tana ya jireenna haga jiru jireenna argate. Ammo atini amma tana qorsuma Waaqa keesa seente wollaala siti murani gati ch'ubbu teeti argata.

³⁷Anini amma nafa kiyyafi lubbu tiyyale maro seera ababoota teennati jed'e akuma oboleyaani tiyya jibbaad'a. Ammo anini ammalle Waaqa kad'ad'a aka inni yoosu gumi ufiti nahe, sile gaargalche si balleese akasini atini aka inni ch'allaani Waaqa d'ugeesitu.

³⁸Anaafi oboleyaani tiyya nama eege ka dallansu Waaqa guddati jed'e gaargalu, ha taanu, gaargala inni d'uga gula gosa teennatini d'ufe.

³⁹Dubbini tuffi tunini aka male Antioko dallansiifte, duuba inni oboleyaani taanile ira gurba kana gaargalche.

⁴⁰Duuba akasini gurbaani sunini ka Aabbo Waaqa garaa tokooni d'ugefate, ka diqole d'ugefacha ufi ira inchochoini due.

⁴¹Eege qit'isu haad'a ijeesani.

⁴²Amma anini aka Yahudi gaargalchani maruma hori sorio nyaachisani ya isaniti odeese, hagi kunu inuma gaa.