Read BORANA BIBLE – KITAABA WAAQA 2 Makabayo 9 Bible Online

2 Makabayo 9 - BORANA BIBLE – KITAABA WAAQA bible

2 Makabayo 9

¹Gaafasi Antiokoni lafa Ajemi keesa baqate deebiuti jira.

²Inni qara dira Persopoli jed'ani seene, mana waaqa iti kad'atani toko soqate dira qabu fed'e. Biyyiti woraana guurate Antioko haate duula isaa ch'eersite baqachiifte.

³Inni dira Ekbatanatini baanani waan duula Nikanotifi ka Timotheo tolchani iti himani.

⁴Inni guddo dallane, waan qara isa worri Ajemi dabsateefi Yahudi balleese akasini haalo suni baafachu fed'e. Tanaafi inni waan nama gaari isaa ka fardi hirkisu oofuni jed'e, Haga Yerusalemu geenuti diqole inejini. Inni aka male kiyyibe waan jed'e, Anini dira Yerusalemu balleese ireesa Yahudi ch'alla tolcha. Ammo inni aka qorsuma Waaqati deemu ufi imbeekhu.

⁵Ammo akuma inni dubbi suni buufateeni, Aabbo Waaqi, Waaqi Israeli ka waan ch'ufa argu, waan nami ingareeni aka hama isa d'ae, garaani aka male d'ukube hafuura baafachu d'owe —

⁶gaargali kunini gaargala nama kara ch'ubbutini nama heddu gaargalche male!

⁷Ammo wonti sunileeni kiyyibu isa ind'oware inni haga qarale ira kiyyibe, gugubate Yahudi balleese jed'e namicha gaari oofulleeni aka male gaari gussi jed'e. Duuba akasini gaari keesa d'aqate aka hama lafa d'ae, nafi isaa ch'ufti wo tahe.

⁸Duuba nami qara waan dandae d'awa baariini d'au d'owe ufi sehe, ammalle kiyyibe haga dabre waan gaareenile misana ira kaye biimu ufi sehe, ammo ato inni imbeekatini lafaani d'aani wosasani fuud'ani, akanani jabeenna Waaqa nami ch'ufti arge.

⁹Namicha dabdicha Waaqa imbeenne kana nafi isaa ch'ich'ite raamae, aka male d'ukubaani gaargale. Maro aja nafa isaatifi duuli ch'ufti isa jibbe,

¹⁰nami tokoleeni isati d'iate baachu dad'abe. Nami amma akana tahe kunini reefu waan urjile d'aqabe qabu ufi sehe.

¹¹Antiokoni maro d'ukubi halkani guyya gaargalchufi ufi jibbaate duuba eege herege kiyyiba ufi kaani lakise, d'ukuba suni Aabbo Waaqati itini d'ufe isa gaargalche.

¹²Jennaani eege aja ufi taani obsu dad'amnaani waan jed'e, Nami ch'ufti Waaqa jalati bulu male, Waaqani qit'e ufi tolchu himmalle.

¹³Hagi Aabbo Waaqi namicha hama Antioko jed'ani kana nahu ya dabre, ammo inni Waaqa kad'ate waan jed'e,

¹⁴Anini duri dira Yerusalemu balleese, dira qulqullo suni awaala Yahudi tolche jed'e, ammo amma worri dira suni ha akuma fed'u fidamu.

¹⁵Anini qara reefa Yahuditifi ka ilmaani worrale alati jisse bineensafi allaati nyaachisa jed'e, wonti akanatiifi anini qara waan worri awaala male inseenne. Ammo amma tana anini ya, Ee jed'e aka worri akuma worra dira Atheni bulu.

¹⁶Anini duri Mana Waaqa saame miha woyyuma keesa guurad'e, ammo amma tana, waan heddu bite, miha miha duri kaani ira mimid'aagatini guute beese sorio baasanile tiyyuma baasa.

¹⁷Tana malele aninileeni gosa Yahuditi gale, fulla ch'ufa deeme guddinna Waaqa odeesa.

¹⁸Antiokoni maro Waaqi gaargala isaa maleeni iti d'ufefi, d'ukubi hafuura baafachu d'owe ufi jibbaate, jennaani tatabe tana Yahudi t'aafe.

¹⁹Anini hayyu Antiokoni gosa, Yahudi ch'ufa ta lafa anini fidu ch'ufa keesaa gurra qabdu, nagaya isani fuud'a isani fafayya?

²⁰Daimi keesani urgaa wolgula yaatu. Wonti anini abdad'u Waaquma.

²¹Ammalle anini gammada guddaani aka isani naa saalftani naa naatani qaabad'a. Anini ato lafa Ajemiti galu guddo fayya d'abe tanaafi, aka lafti tiyya finna dansa argatu herege.

²²Anini aka fayya d'aba kana fayyu ufi injibbanne guddo abdi qaba aka fayyu.

²³Ammo aka abbaani kiyya duri hojja galaana Frati taake nyaapa had'u d'aqu ch'ufa nama huji iti lakisu fohatu qaabad'a.

²⁴Wonti inni akasi tolcheefi aka hojja wonti insehatini galtu yokhaani oduuni hamtuni d'uftu nami inni fidu insodaanne. Wonti akasitifi worri aka nami lafa fidu jiru imbeekha.

²⁵Ammalle anini imbeekha aka nama lafa d'aatu lafa tiyya jirtu fidu, ch'ufti hojja ch'ufa tae waan gabaa eegu imbeekha. Wonti anini ilma kiyya Antioko fohad'e aka inni hayyuma nara fuud'u tolcheefi suni. Anini maro heddu hojja arda galaana Fratitini ilaboru d'aqu, isa harka keesaniti lakise, qorqorad'a isanini jed'a. (Anini dubbi amma armati t'aafani tanale ya isaa t'aafe.)

²⁶Anini amma tana isani ch'ufa inkad'ad'a, aka isani waan anini isanifi lafa teesani tolchele qaabatani, ammalle anaafi ilma kiyyale akuma qara kaani jaalatani.

²⁷Anini inabdad'a aka inni akuma kiyya nama ch'ufa naasufi qajeelumaani fidu.

²⁸Duuba akanani namichi dabdichi harka d'iiga, ka Waaqa arabse, gaargaluma duri nama d'ibi gaargalche kaani argate lafa nyaapa ta gaareeni keesati aka hama due.

²⁹Jaali isaa guddaani toko ka Filipo jed'ani, reefa isaa fuud'e worratini gale; ammo waan inni ilma Antioko sodaatefi gara hayyu Misiri ka Tolomayo Filometo jed'ani d'aqe.