Read BORANA BIBLE – KITAABA WAAQA Matayo 14 Bible Online

Matayo 14 - BORANA BIBLE – KITAABA WAAQA bible

Matayo 14

¹Hayyu Herode, bara suni, waan Yeso d'agaye, waan tissele ufitiini jed'e,

²Nami kunini Yohana nama batisu; inni ya duisa keesaa kae; maro waan kanatifi waan mama kana tolcha.

³ Wonti akanatiifi Herodeni duri Yohana qabe hid'aansa keesa kaye, maro Herodia, niiti Filipo, oboleesa isaa.

⁴Yohanani waan Herodeni jed'e, Aki atini niiti oboleesa keti barattu fullaaniti.

⁵Herodeni Yohana ijeesu fed'e, ammo biyya sodaate, waan biyyiti Yohana raaga seetefi.

⁶Ammo guyyaani qaabacha d'aloota Herode geennaani, intalti Herodia biyya durati sirbite Herode gammachiifte.

⁷Tanaafi Herodeni kakhate, Waan atini feetu ch'ufa sii kenna jed'eeni.

⁸Haati mala d'oofteefi, isiini d'at'e waan jette, Mata Yohana nama batisu qori gubba kayi naa kenni jetteeni.

⁹Herodeni lalefate, ammo maro kakhu isaatiifi ammalle maro keessuma isaatiifi, Kennaafi jed'e.

¹⁰Jennaani nama mana hid'aansati erge, Mata Yohana iraa kuta jed'e.

¹¹Mata isaa qori gubba kayani intalati kennani, isiini gara haad'a geesite.

¹²Jari Yohana d'ufe reefa fuud'e awaale, d'aqe Yesoti hime.

¹³Yesoni waan kana d'ageennaani achi kae hobolo keesa seene fulla nami injirre d'aqe. Ammo biyyiti gara inni jiru d'ageennaani dira keesa miilaani isa hordofte.

¹⁴Inni alati baanaani nama heddu arge, naheefi nama fayyad'abe fayyise.

¹⁵Lafti galgaloomnaani jari Yeso gara isaa d'ufe waan jed'eeni, Fullaani tunini lafa alooti, aduuni ya d'iite, biyya galchi, ha yaani ollowaani keesa deemani sagale bitatani.

¹⁶Yesoni waan jed'eeni, Worri yau himmalle; isanumaani waan worri nyaatu kennaafi.

¹⁷Worri, Nu qit'a shanifi qurt'umi lama ch'alla arma qamna jed'eeni.

¹⁸Jennaani inni waan jed'eeni, Arma natiini koota.

¹⁹Duuba, Buuyo ira tataa biyyaani jed'e, qit'a shanifi qurt'umi lamaani taani guure, gubba olmillate, Waaqa galata deebise, duuba ch'ach'abse, qit'a kaani jara ufiti kenne; worri biyya qoode.

²⁰Worri ch'ufti nyaate quufe. Duuba hamba dadu kud'ani lama wolti guurani.

²¹Nad'eeni ijoolle male, nami nyaate haga kunki shaniti.

²²Jennaani Yesoni jara ufitiini, Hobolo keesa duuda galaana taaka jed'eeni, ufi isati biyya galche.

²³Eegi biyya galche, koba ufi gaara kore aka Waaqa kad'atu. Lafti galgaloomnaanile kobuma ufi tae;

²⁴ammo hojja suni hobolooni yayu jiddu galaana geete, d'awaani oli gadi hobolo dadarbite, bubbeeni duddaduuba d'iibde.

²⁵Baraaqa Yesoni bisaani gubba deeme fulla worraa d'ufe.

²⁶Ammo jari isaa Yeso galaana gubba deemu arginaani rifate, Ekhera jed'ani sodaatani iyani.

²⁷Ammo hojuma suni Yesoni worrati dubbate waan jed'eeni, Garaa jabaad'a, ana insodaatiina.

²⁸Jennaani Petroni waan jed'eeni, Aabbo, yo d'uguma si taate, Bisaani gubba deemi kooti naani jed'i.

²⁹Yesoni, Kooti jed'eeni. Duuba Petroni hobolo keesaa bahe, bisaani gubba gara Yeso d'aqe.

³⁰Ammo bubbe arginaani sodaate, ka diquma bisaani keesa illit'iini iye, Aabbo, na qabi jed'e.

³¹Hojuma suni Yesoni harka diriirfate isa qabe waan jed'eeni, D'ugefachaani tante diqo! Maafi sodaatte?

³²Worri lachu hobolo keesa seennaani bubbeeni ch'allifte.

³³Jari hobolo keesa jiru isa guddise waan jed'e, D'uguma atini Ilma Waaqaati.

³⁴Galaana taakinaani lafa Genesareti d'ufani.

³⁵Worri lafa suni Yeso hubannaani reera suniti d'aamsa ergani nama d'ukuba qabu ch'ufaa isatiini d'ufani.

³⁶Aka handaara woya isaa tuqani isa kad'atani; jennaani nami tuqe ch'ufti fayye.