Read BORANA BIBLE – KITAABA WAAQA Qaabacha Seera 17 Bible Online

Qaabacha Seera 17 - BORANA BIBLE – KITAABA WAAQA bible

Qaabacha Seera 17

¹AABBO Waaqa keesani loonifi ree ka aabo qabu qaltani sorio imbaasinafi AABBO Waaqi hori akasi suni guddo jibba.

²Yo isani keesa, yokhaani dira keesani ka AABBO Waaqi isanii kenne keesa, nami d'iiratifi ka uwale, taanaani ka AABBO Waaqa durati daba tolche jiraate, ka ammalle waaqa d'ibi, yokhaani adu yokhaani jia yokhaani urji, ka anini qara seere, hojatte kad'ate akasiini wold'aqisa isaa ch'abse.

⁴Yo dubbi akasi suni d'ageetani, aka dansaa qorad'a. Yo dubbini hamtuni akasi sunini, ka Israeli keesati taate, mirkama taate,

⁵duuba nama waan hamtu suniini d'ufe dira keesaa baasa, d'akhaani d'aana ijeesa.

⁶Ammo hojja nami lamafi sadi aka inni hameenna suni keesa jiru hime yo suni ch'alla isaa ijeesu malani; ammo dubbi nama toko gula isaa ijeesu himmalle.

⁷Worri qara isa hime sunini ha qara d'akhaani d'aanuti. Duuba akanaani hameenna akasi suni ufi keesaa baatfani.

⁸Yo hegeri dubbini gari jajabaatte jaarole dabsatte, dubbini aka hori irati woli mormanifa, yokhaani ta nafa woli madeesanifa, yokhaani danufi beekha woli ijeesanifa yo dubbini sunini dubbi akasi suni taate, fulla AABBO Waaqi fohate, ta isa iti kad'atani, d'aqa,

⁹dubbi suni qaalole gosa Lawitifi jaallaba hojja suni dubbi muruti himad'a, ha worri laale muruti.

¹⁰Yo worri artiti dubbi laale mure, Waan worri isaniini jed'e tolcha.

¹¹Dubbi worra fud'ad'a, gula deema, diqole mirgaafi bita iraa ingorina.

¹²Nama dubbi iti murani fud'achu didi mata ufiti deeme, qaallu huji AABBO Waaqa harka qabuufi jaallabale ch'aqasu didu ha ijeesani; duuba akanaani hameenna akasi suni worra Israeli keesaa baaftani.

¹³Duuba nami ch'ufti akasi d'agaye sodaate, deebie mataa ufiti indeemne.

¹⁴Eegi isani lafa AABBO Waaqi keesani isani kennu fud'attani iti qubattani, nu hayyu aka gosa d'ibi feena jettani,

¹⁵Nama AABBO Waaqi keesani fohate fohattani hayyu tolfattani, nami sunini ha nama gosa teesani tahuti: keessuma hayyu intolfatina.

¹⁶Inni farda heddu inqabaatiini, yokhaani namale lafa Misiriti erge farda imbitatiini; wonti akanatiifi AABBO Waaqi qara, deebitani, achi ind'aqina ya isaniini jed'e.

¹⁷Ammalle hayyuuni nad'eeni heddu infuud'iini, wonti akanatiifi yo inni akasi tahe ya AABBO Waaqa iraa gore: ammalle inni qarsifi worqiini ufi induroomsiini.

¹⁸Hojja inni hayyu tahe, inni ha seera AABBO Waaqa, ka kitaaba qaaloleeni Lawi harkaa qabdu, keesa jiru, kitaaba d'ibiti t'aafuti.

¹⁹Inni ha kitaaba suni ufi bira kaye haga jiru ch'ufa soomuti, aka akasiini inni aka AABBO Waaqa sodaatu barate, waan keesati t'aafani ch'ufa garaa tokooni guutu.

²⁰Tunini herega hegeri inni waan nama d'ibi iraani jiru ufi sehu keesati ijeefte ammalle seera Waaqale ch'absu d'owarti. Duuba inni ganna heddu huji suni keesa tae, ilmaani isaaleeni haga d'aloota hedduu worra Israeli fiddi.