Read BORANA BIBLE – KITAABA WAAQA Qaabacha Seera 29 Bible Online

Qaabacha Seera 29 - BORANA BIBLE – KITAABA WAAQA bible

Qaabacha Seera 29

¹Tunini dubbi wold'aqisa ta AABBO Waaqi Musani, lafa Moabu keesati, worra Israeliti himi jed'e; dubbini wold'aqisa tunini dubbi AABBO Waaqi gaara Sinaiti dubbateniti ta d'ibi.

²Musani worra Israeli ch'ufa wolti yaame waan jed'eeni, Isani ila teesaniini waan AABBO Waaqi hayyu Misiritiifi hojattu isaatiifi lafa isaa ch'ufu tolche ya agartani.

³Ammalle gaargala hamafi akheekhafi waan mama jabdu AABBO Waaqi tolche, ya agartani.

⁴Ammo haga arrale AABBO Waaqi qalbi wo hubattufi, ila waagartuufi, gurra wo d'agauule isanii inkennine.

⁵Haga ganna afurtama AABBO Waaqi lafa aloo ta gamooji keesa isani dura deeme, woya teesanifi kobeeni teesanileeni taka inch'ich'inne.

⁶Isani taka qit'a nyaatani daad'ifi yokhaani farso ind'unne, ammo AABBO Waaqi liqimsa isanii kenne, aka inni Waaqa keesani ufi isani beesise.

⁷Ammalle gaafa nu armaani baane, hayyu Sioni ka lafa Heshbonitifi hayyu Ogu ka lafa Bashani d'ufani nu had'ani. Ammo nu worra dabsanne,

⁸lafa worraa fud'anne, gosa Reubenitifi Gaditiifi ta Manase ta haga garitini gargari qoodanne.

⁹Tanaafi dubbi wold'aqisa tana jabeesa guuta, aka wonti isani tolchitani ch'ufti isanii toltu.

¹⁰Isaniini ch'ufti arra AABBO Waaqa keesani dura ejitani — worra gugurda mata gosatifi jaarole, d'iira,

¹¹nad'eeni, ijoolle, worra gosa d'ibi, ka isani keesa tae qoraani isani ch'abse bisaani isanii d'aqu.

¹²Wonti arra asi d'uftaniifi, aka wold'aqisa AABBO Waaqi keesani isanii woliini tolfatu fud'attani,

¹³aka AABBO Waaqi amma tana gumi ufii isani tolche, Waaqa keesani isani tahu, akuma inni isanifi ababoota teesani, Abrahamu, Isaaqofi Yakobooti kakhate.

¹⁴Nami AABBO Waaqi wold'aqisa kana woliini tolfate isani ch'allaniti.

¹⁵Inni nu ka arra arma fuula isaa dura d'umneefi, ilmaani teenna ta qara ind'alatini wold'aqisa woliini tolfata.

¹⁶Finna keenna ka lafa Misiritiifi ka lafa biyya, ta nu keesa godaanne d'umne, inqaabatani.

¹⁷Isani waan hamtu, ka worri mukhaafi d'akhaafi qarsiini boch'e mid'aase aka waaqa kad'atu, ya agartani.

¹⁸Eegad'a, aka nami arra arma eju tokoleeni uwa taanaani, d'iira taanaani, worra taanaani, gosa taanaani AABBO Waaqa keenna iraa gore, waaqa gosa d'ibii inkad'anne, yo akasi inni mukha olguddate, had'aafi mid'aani had'ao qabu fakaata.

¹⁹Eegad'a, aka nami arra arma jiru tokoleeni, ka dubbi wold'aqisa tana d'agaye garaa ufii keesa ufi sobe, Anini woma intahu, wonti kiyya ch'ufti naa tolti, ato anini mata jabaad'e hereguma kiyya gula deemele jed'u injirre. Heregi sunini isani ch'ufa dadaansafi hamamole akuma taka balleesa.

²⁰AABBO Waaqi nama akana kana inaraaramu ammo dallane aka ibida iti bobae, abaarsi kitaaba kana keesati t'aafani ch'ufti isa ira deebie, AABBO Waaqi maqa isaa lafa gubba balleesa.

²¹AABBO Waaqi, worra Israeli ch'ufa keesaa, koba isa baase, akheekha isa tolcha; ammalle gaargalafi abaarsa ch'ufa ka kitaaba seera Waaqa keesati t'aafani, itiini d'ufa.

²²Eegi tana ilmaani teesanifi nami gosa d'ibii ka lafa fagooti d'ufe, gaargalafi d'ipu ta AABBO Waaqi lafa teesanitiini d'ufe argani.

²³Oobruuni teesani adaala, ta d'akha daalachafi soodi ch'allaani gubba jiru. Woma tokole imbaaftu ya bade. Lafti teesani aka dira Sodomafi Gomorafi Admafi Seboimu taati, ka AABBO Waaqi, gaafa aka male dallane kaani balleese.

²⁴Duuba nami lafaa ch'ufti waan jed'u, Isi AABBO Waaqi maanifi lafa worra akana tolche? Inni maanifi akana aka hama suni dallana?

²⁵Duuba nami d'ibiini waan jed'u, wonti inni akasi taheefi, gumi AABBO Waaqati wold'aqisa qara Waaqa ababoota worra gaafa inni worra lafa Misiri keesa baase woliini tolfatani ch'abse.

²⁶Worri waaqa d'ibi, ka taka duri inkad'atiini durati gajed'e kad'ate, waaqa AABBO Waaqi inkad'atiina worrani jed'e.

²⁷Tanaafi AABBO Waaqi gumi isati dallane abaarsa kitaaba kana keesati t'aafani lafa isaanitiini d'ufe.

²⁸AABBO Waaqi aka taka inargini gugubate dallane, dallansuuni worra lafa isaani keesa baase lafa nyaapati balleese, fulla worri arrale jiru.

²⁹AABBO Waaqi waan isaa ka gari beekha d'osse; ammo wonti inni mullise teennafi ta ijoolle teennati, haga jiru jireenna. Tanaafi nu dubbi Seera kana guutuu male.