Read BORANA BIBLE – KITAABA WAAQA Yohana 12 Bible Online

Yohana 12 - BORANA BIBLE – KITAABA WAAQA bible

Yohana 12

¹Guyya jaa jila Pasaka durati, Yesoni Bethania d'ufe, fulla Lazaroni ka inni duisa keesaa kaase jiru.

²Achiti sagale d'aabaniifi, Marthani isa gololchite; Lazaroni Yeso woliini tae sagale nyaate.

³Jennaani Mariamuni kiila toko ka d'ad'a qayya dansa qabu, ka gati guddo, fuute miila Yeso dibde, rifeensa mata ufiitini iraa haat'e. Urgaani d'ad'a suni mana suni ch'ufa qabatte.

⁴Duuba jara Yeso keesa, nami toko ka Yuda Iskariote jed'ani, ka isa gurguru fed'u, waan jed'eeni,

⁵D'ad'a qayya kana maafi shilingi kunki sadi gurgurani hiyyeeyii inqoonne?

⁶Inni dubbi tana naasu hiyyeeyitiifi injenne, ammo waan inni hattu tahe, hori subbati naqani guuratuufi jed'e.

⁷Yeso waan jed'e, Isi lakisi, isiini waan kana ha haga na awaalaniti olkeetuuti.

⁸Hiyyeeyi guyya ch'ufa wolumaani jirtani, ammo anini guyya ch'ufa isani woliini injiru.

⁹Yahudiini hedduuni aka inni achi jiru d'ageennaani, Yeso ch'alla ilaalu ind'umne, ammo aka Lazaro, ka inni duisa keesaa kaase, argitu d'ufte.

¹⁰Tanaafi qaaloleeni gugurdooni aka Lazarole ijeeftu mariatte.

¹¹Maro isatiifi Yahudiini hedduuni d'ufte Yeso d'ugefatte.

¹²Boriyya, gumiini guddooni ta jila d'ufte, aka Yesoni Yerusalemu d'ufu d'ageennaani,

¹³damele meet'i guuratte, fuula keesa isa d'ufte, ch'aarte, waan jette Waaqa faarsa, nama maqa abbootiini d'ufu Waaqi ha eebisu! Hayyu Israeli Waaqi ha eebisu.

¹⁴Yesoni bukhura harre arginaani yaabate, akuma t'aafiini jettu,

¹⁵ Insodaatini, dira Sioni! Ilaali, hayyuuni kanke bukhura harre yaabate gara kanke d'ufu jira.

¹⁶Waan kana jari isaa gaafasi inhubanne; ammo eegi Yesoni guddinna ufiitini gubbaati gale, aka t'aafiini tuni waan isaa dubbate, ammalle aka waan kana isaa tolchani qaabatani.

¹⁷Gumiini ta gaafa inni Lazaro awaala keesaa yaame duisa keesaa kaase isa woliini jirtu taani waan gaafasi agarte ch'ufa odeesite.

¹⁸Wonti biyyiti fuula keesa isa yaateefi waan akheekha inni tolche d'ageeteefi.

¹⁹Duuba Farisayooni waan woliini jette, Ilaala, aka isani woma indandeenne, biyyiti ch'ufti la isa gula yaate.

²⁰Nami gari ka aka Waaqa kad'atu jila d'aqe gosa Grikiiti.

²¹Jari kunini gara Filipo d'ufe (inni nama Bethsaida ka Galilaya) isa kad'ate waan jed'eeni, Aabbo, sila Yeso argu feena.

²²Filiponi gara Andarea d'aqe isati hime, Andareafi Filiponi Yesoti himu d'aqani.

²³Yesoni waan jed'eeni, Guyyaani Ilmi Nama guddinna argatu ya d'ufe.

²⁴D'uguma waan anini isaniini jed'u, yo gumani dargaye toko lafa bue shame male, kobuma ufi taa, ammo yo shame biqile mid'aani heddu baasa.

²⁵ Nami lubbu ufi jaalatu ind'aba; nami lubbu ufi jibbu, lafa tana keesati, jireenna hegeritiifi lubbu ufi olkeyata.

²⁶Nami sila na hojatu ha na gula d'ufu; fulla anini jiru hojattuuni tiyyaleeni jirti jira. Nama na hojatule Abbaani kiyya inguddisa.

²⁷Garaani kiyya ammatana herega gaargala qaba anini maani jed'a? Aabbo, gaargala kana keesaa na baasi jed'a? Hiyyo. Ammo maro gaargala kanatifi anini guyya kana gahe.

²⁸Aabbo, maqa kanke guddisi! jed'a. Jennaani qonqooni toko gubbaa d'ufte waan jette, Anini yayu guddise, ammalle iti deebie guddisa jette.

²⁹Gumiini ta achi ejaanjitu waan jette, Waaqi ya mandie. Ta gari, Malaikati isaani dubbate jette.

³⁰Ammo Yesoni waan jed'e, Qonqooni tuni maro tiyyaafi ind'umne, ammo maro teesaniifi d'ufte.

³¹Ammatana qorsumaati lafa tana jira; ammatana gudda lafa tana balleesani.

³²Anileeni, yo lafa tana oli na fuud'ani, nama ch'ufa ufiti hirkisa.

³³Wonti inni waan kana jed'eefi aka duisa inni duu garsiisu.

³⁴ Gumiini waan jetteeni, Nu yayu Seera keesati soomne aka Kristoni haga hegeri tau. Atini akami Ilma Nama lafa tana olfuud'u malani jette re? Ilmi Nama kunini eennu kana?

³⁵Yesoni waan jed'eeni, Ifsaani haga diqa toko ch'alla isani woliini jira; ato ifsa qabdanu yaa, aka dukanti isani ind'aqamne. Nami dukana keesa deemu gara deemu imbeekhu.

³⁶Ato ifsa qabdanu, ifsa suni d'ugefad'a, aka ilmaani ifsaa taatani. Yesoni waan kana dubbannaani kae worra duraa d'okhate.

³⁷Ammo ato inni akheekha heddu worra durati tolchele, worri isa ind'ugefanne,

³⁸ aka dubbini raagi Isayani dubbate guutamtu ta, Aabbo, eennuti d'aamsa keennaa d'ugefate? Jabeenni Aabbo eennuti mullate? jette.

³⁹Maro waan kanatifi d'ugefachu dad'abani, waan Isayani ammalle dubbate waan jed'e,

⁴⁰ Inni la ila worraa duuche, qalbi worra d'owe, aka worri ila ufiitini arge, qalbi ufitiini barate, gara ingalle, aka anini worra fayyisu.

⁴¹Wonti Isayani dubbi tana jed'eefi, waan inni guddinna isaa arge waan isaa dubbateefi.

⁴²Taatule nami gugurdaani hedduuni Yeso d'ugefate; ammo maro Farisayo sodaataniifi inhimanne aka mana Waaqa iti kad'atani seenu worra ind'owarre.

⁴³Wonti akanatiifi worri saadu Waaqa iraa ta namaa fed'a.

⁴⁴Yesoni qonqo olfud'ate waan jed'e, Nami na d'ugefatu, na ind'ugefatu, ammo ka na erge d'ugefata.

⁴⁵Nami na ilaalu ka na ergele ilaala.

⁴⁶Anini lafa tanati aka ifsa tahu d'ufe, aka nami na d'ugefatu dukana keesa inteenne.

⁴⁷Yo nami toko dubbi tiyya d'agaye inguunne, anini wollaala iti imuru. Wonti akanatiifi anini wollaala namati muru ind'umne, ammo nama baasu d'ufe.

⁴⁸Nami na dide dubbi tiyya imfud'anne, nama iti muru toko qaba. Dubbi anini jed'e suniti guyya muumme wollaala iti mura.

⁴⁹Anini yaada kiyyaani indubbanne, ammo Abba na ergeti seera nati kenne waan ani dubbad'uufi waan ani jed'u na jechisiisa.

⁵⁰Ammalle aka seeri isaa jireenna hegeri namaa kennu imbeekha. Wonti anini dubbad'u kuni waan Aabbooni, Dubbad'u naani jed'e.