Read BORANA BIBLE – KITAABA WAAQA Yohana 14 Bible Online

Yohana 14 - BORANA BIBLE – KITAABA WAAQA bible

Yohana 14

¹Garaa keesani keesa ingaargaliina. Waaqa d'ugefad'a, akasuma nale d'ugefad'a.

²Mana Abba kiyya keesa fulla hedduti jira, yo injirre sila isaniti hima. Anini deeme fulla isanii mid'aasa.

³Yo anini deeme fulla isanii mid'aase, deebie d'ufe fulla tiyyati isani geesa, aka fulla ani jiru suni isanileeni arti teetani.

⁴Gara ani deemule kara la barattani jed'e.

⁵Tomasoni waan jed'eeni, Gara atini deemtu imbeennu, akamiini karaa beena?

⁶Yesoni waan jed'eeni, Karaani ana, d'ugaafi jireennileeni ana; nami tokoleeni gara Abba ind'aqu, anaani d'aqu male.

⁷Ato sila na beetani, Abba kiyyale imbeetani; armaa achi isa beetani ammalle ya isa argitani jed'e.

⁸Filiponi waan jed'eeni, Aabbo, Abba nu agarsiisi, nu inquumna.

⁹Yesoni waan jed'eeni, Ila Filipo, nu guyya heddu woliini teenne, ammalle na imbaranne? Nami na arge Abbaale la arge. Atini akami, Abba nu agarsiisi jetta?

¹⁰Isii Filipo, aka anini Abba keesa jiru, Abbaaleeni na keesa jiru ind'ugefanne? Dubbini anini isaniini jed'u yaada kiyyaani injed'u. Ammo Abba na keesa jiruti huji ufi tolfata.

¹¹Aka anini Abba keesa jiru, ammalle aka Abbaani na keesa jiru, d'ugefad'a; yo akasi ind'ugefanne, maruma hujitiifi na d'ugefad'a.

¹²D'uguma waan anini isaniini jed'u, nami na d'ugefatu, huji anini tolchu innileeni intolcha, ta hagana ira jirtule intolcha, waan anini gara Abba kiyya galufi.

¹³Waan isani maqa kiyyaani kad'atani ch'ufa ani intolcha, aka guddinni Abbaa Ilma keesaa mullatu.

¹⁴Yo isani maqa kiyyaani waan tokole kad'atani, anini intolcha.

¹⁵Yo na jaalatani, seera kiyya inguutani.

¹⁶Duuba anini Abba kad'ad'a, aka qarqaarsa d'ibi isanii ergu, aka inni haga hegeri isani woliini tau.

¹⁷Inni Lubbu d'uga, ka nami lafa dandae inarganne, waan isa ingarre yokhaani isa imbeenneefi. Ammo isani imbeetani, waan inni isani woliini tae, isani keesa haga hegeri tauufi.

¹⁸Anini hiyyuma keesati isani illakisu; anini isaniti deebia.

¹⁹Eegi bulti diqo nami lafa deebie na inargu, ammo isani na agartani, waan anini jiruufi isanileeni injiraattani.

²⁰Guyya suni aka anini Abba keesa jiru, ka akuma anini isani keesa jiru ka isanileeni na keesa jirtani beetani.

²¹Nami seera kiyya fud'ate guutu na jaalata. Nama na jaalatu Abbaani kiyyaleeni injaalata; anileeni isa jaalad'e isa ufi beesisa.

²²Yudani (ka Iskariotetiniti) kaani d'ibiini waan jed'eeni, Aabbo akami ufi nu beesifte nama lafa ufi imbeesisiini?

²³Yesoni waan jed'eeni, Yo nami na jaalate dubbi tiyya guuta, Abbaani kiyyaleeni isa jaalata, ammalle nu isati d'umne fulla isaa teenna.

²⁴Nami na injaalanne dubbi tiyya inguutu. Dubbini isani d'ageetani tiyyaaniti, ammo ta Abba na ergeti.

²⁵Waan kana anini, yayu isaniti hime ato nu wolumaani jirru.

²⁶Ammo nami isani jabeesu, ka Lubbu Qulqullo jed'ani, ka Abbaani maqa kiyyaani ergu, waan ch'ufa isani barsiise waan anini isaniini jed'e ch'ufa isani qaabsiisa.

²⁷Nagayaani taa, nagayaa kiyya isanii kenna, aki anini isanii kennu aka nami lafa woli kennuniti, garaa keesani keesa gaargaltani insodaatiina.

²⁸Aka anini, Deeme isaniti deebia jed'e, la d'ageetani. Yo na jaalattani sila ingammaddani, waan anini gara Abba kiyya deemuufi. Wonti akanatiifi Abbaani kiyya nara gudda.

²⁹Anini ya isaniti hime, ato guyyaani ingahiini, aka yo guyyaani suni gahe d'ugefattani.

³⁰Armaa achi anini guddo isaniini indubbad'u, wonti akanatiifi hayyuuni lafa tana d'ufuti jira, inni jabeenna womatu ka woiini na tolchu inqabu.

³¹Ammo nami lafaa aka anini Abba jaalad'u beekhu male, tanaafi anini waan ch'ufa akuma inni tolchi naani jed'e tolcha. kaa armaa nu yaasa.