Read BORANA BIBLE – KITAABA WAAQA Yohana 21 Bible Online

Yohana 21 - BORANA BIBLE – KITAABA WAAQA bible

Yohana 21

¹Eegi waan kana Yesoni ammalle fulla galaana Tiberia jed'aniiniti jara ufiti ufi agarsiise. Aki inni ufi agarsiise akana.

²Simoni Petrofi Tomaso ka Laku jed'aniifi Nathanieli ka dira Kana ka lafa Galilayatiifi, ilmaani Zebedayotiifi jari isaa lama d'ibiini woliini jirani.

³ Simoni Petroni waan worraani jed'e, Anini qurt'umi guuru d'aqa. Worri waan jed'eeni, Nuleeni si gula yaana. Duuba worri kae, hobolo duude: ammo halkani suni woma tokole inarganne.

⁴Lafti bariinaani, Yeso moga galaana eju argani, ammo jari isaa aka inni Yeso inhubanne.

⁵Jennaani Yesoni waan jed'eeni, Isii d'iiro, waan nyaatani qabdu? Worri, Inqamnu jed'e.

⁶ Inni waan worraani jed'e, T'urura hobolo gama mirgati buusa, inargattani. Jennaani worri buuse, olfuud'u dad'abani, maro qurt'umiini heddu taateefi.

⁷Duuba namichi Yesoni jaalatu kaani waan Petroni jed'e, Nami sunini Aabbo! Simoni Petroni aka inni Aabbo d'ageennaani, woya ufi uyifate inni qara qulla galaana ke bue.

⁸Jari kaani t'urura qurt'umi miju hirkise, hobolo taani ke d'ufe. Qara lafa ira fago injirani, ammo malaafi ejata d'ibba toko ch'alla.

⁹Lafa godduni baanani ibida ch'ile qabu, qurt'umi ibida ira kayanifi, qit'ale argani.

¹⁰Yesoni waan worraani jed'e, Qurt'umi reefu qabdani armaani koota.

¹¹Duuba Simoni Petroni hobolo seene t'ururu qurt'umi gugurdo d'ibbaafi shantami sadi qabu mogati hirkise, ato qurt'umiini akasi heddu taatele t'ururaani inch'inne.

¹²Yesoni waan worraani jed'e, Koota buud'o baafad'a. Jara isaa keesa tokoleeni ka garaa jabaate, atini eennu jed'e gaafate injiru wonti akanatiifi worri aka inni Aabbo ya beekhe.

¹³Yesoni d'ufe, qit'a fuud'e worraati kenne; qurt'umile akasuma kenne.

¹⁴Kunini amma maro sadeeso ka Yesoni jara ufiti mullate, eegi duisa keesaa isa kaasani.

¹⁵Buud'o baafannaani, Yesoni waan Petroni jed'e, Simoni ilma Yohana, worra kana ira naa jaalatta? Petroni waan jed'eeni, Ee Aabbo, aka anini si fed'u atini imbeeta. Inni waan jed'e, Ilmoole hooliye tiyya nyaachisi.

¹⁶Maro lameeso inni waan jed'eeni, Simoni ilma Yohana, naa jaalatta? Inni waan jed'eeni, Ee Aabbo, aka anini si fed'u atini imbeeta. Inni waan jed'eeni, Hooliye tiyya tissi.

¹⁷Ammalle maro sadeeso Yesoni waan jed'eeni, Simoni ilma Yohana, Atini naa feeta? Petroni garaa ufi keesati lalefate waan inni maro sadeeso, Atini naa feeta? jed'eefi. Inni waan jed'eeni, Aabbo, atini waan ch'ufa imbeeta, aka anini si fed'u imbeeta. Yesoni waan jed'eeni, Hooliye tiyya nyaachisi.

¹⁸D'uguma, waan anini siini jed'u, Gaafa kaimooma keti mart'ifatte gara feetu deemte; ammo gaafa jaartu harka kanke d'eerefatte, nami d'ibiini si hid'e gara atini imfeene si geesa jed'e.

¹⁹(Wonti inni dubbi tana jed'eefi, aka duisa Petroni durana duuni Waaqa guddisu himu.) Akasi jennaani Yesoni, Na gula kooti jed'eeni.

²⁰Petroni garagale namicha Yesoni jaalatu ka Yeso gula deemu arge. (Namicha suni ka gaafa guyya eege Yesoni sagale jara ergattu isaa woliini nyaate, bobaa Yesoti hirkate Aabbo, eennu ka si gurguru? jed'e gaafate.)

²¹Petroni isa arginaani waan Yesoni jed'e, Aabbo, yoosi, nami kunini maani taha?

²²Yesoni waan jed'eeni yo anini isa haga anini deebiuti na eegu fed'e, atini maani iraa qabda? Iyaaliini anuma gula kooti.

²³Jechi sunini jara Yeso ch'ufa gahe, ammo worri inhubanne, waan nami suni indoone sehe. Ammo Yesoni inni induu injenne, ammo wonti inni jed'e yo anini aka inni haga anini d'ufuti na eegu fed'e atini maani iraa qabda?

²⁴Kunini nama waawaawaan kana d'ugeesu, ka waan kana t'aafe; aka dubbini isaa d'uga nu imbeenna.

²⁵Ammalle waan heddu d'ibiti jira ka Yesoni tolche. Yo sila ch'ufa t'aafani, mala kiyya, laftileeni kitaaba hagasi ch'ufa dandeete imfuutu.