Read BORANA BIBLE – KITAABA WAAQA Huji Ergattu 22 Bible Online

Huji Ergattu 22 - BORANA BIBLE – KITAABA WAAQA bible

Huji Ergattu 22

¹D'iiro, oboleyaani, abbooti, anini amma isani durati ufii dubbachu fed'a na ch'aqasa!

²Isa afaani Ebrania dubbatu d'ageennaani haga qarale ira ch'allisani. Duuba Pauloni waan jed'e.

³ Anini Yahudi, dira Tarso keesati d'alad'e, ka Kilikia keesa jiru, ammo anini dira kana keesa Gamalieli jalati guddad'e. Aada Seera ababoota teenna ch'ufa akuma d'ugaa na barsiisani kara Waaqaa owise iti jabaad'e, akuma isani guyya kana tolchuuti jirtani kana.

⁴ Ammalle anini nama Kara kana gula deemu haga duisa gaargalche, d'iirafi nad'eenile hid'e, mana hid'aansa keesa naqe.

⁵Qaallicha Guddafi jaaroleeni waan kanati naa d'uga. Anini tatabe worra ira argad'e, aka oboleyaani Yahudi ta Damaski jirtuti geesu; tanaafi anini achi d'aqe, aka nama Kara suni gula deemu hid'e Yerusalemutini d'ufu, aka achiti gaargalchani.

⁶Anini Damaskiti d'iaannaani, guyya gudda, adu saa jaa, ifsaani toko nati ifse.

⁷Anini lafati jige, qonqo toko d'agaye ta, Saulo, Saulo, maafi naa gaargalchita? naani jettu.

⁸Anini, Aabbo, atini eennu kana? jed'eeni. Inni waan naani jed'e, Anini Yeso Nazareti, kauma atini gaargalchuu jirtu.

⁹Worri na woliini jiru ifsa arge male, qonqo naani dubbattu ind'ageenne.

¹⁰Anini waan jed'e, Aabbo, anini maani tolchu male re? Aabbooni waan naani jed'e, Kai, Damaski d'aqi, waan atini tolchu malte achiti siti himani.

¹¹Maro ifsa sunitiifi anini lafa argu dad'abe; tanaafi waheli kiyya harka naa qabe dira na seensise.

¹²Namichi toko, ka Anania jed'ani, ka Seera Waaqa guutu, ka Yahudiini Damaski ch'ufti saade,

¹³nati d'ufe na bira eje, Aadda Saulo, lafa argi naani jed'e. Hojuma suni anini lafa arge isale arge.

¹⁴Inni waan naani jed'e, Waaqi ababoota teenna ya si fohate, aka atini fed'i isaa baratte Nama d'uga suni argite qonqo afaani isaa iraa d'ageetu.

¹⁵Atini d'uga isaa taata, aka waan agarteefi waan d'ageete nama ch'ufati himtu.

¹⁶Ammatana maani eedda? Kai, batifami, daba kanke d'iqad'u, maqa isaa yaamad'u naani jed'e.

¹⁷Eegi anini Yerusalemuti deebie, ato Mana Waaqaa keesa tae kad'ad'u, daayyaani wo arge.

¹⁸Anini Aabbooni, Hurrisi, Yerusalemu keesaa bahi, worri kuni dubbi tante ind'ugefatu naani jed'u d'agaye.

¹⁹Anini waan jed'eeni, Aabbo, worri aka anini maneeni Waaqa iti kad'atani ch'ufa keesati nama si d'ugefate hid'e d'aane imbeekha.

²⁰ Gaafa Stefano, ka d'uga teeti, maro teetifi ijeesani, anini bira eje duisa isaa ee jed'e woya worra isa ijeesele qorqorad'e jed'e.

²¹Inni waan naani jed'e, Kai, deemi, anini lafa fago gara gosa d'ibi si erga.

²²Haga inni dubbi tana jed'u ch'ufa ch'aqasani jennaani qonqo olfud'atani waan jed'ani, nama kana lafa tana keesa balleesa jiraachu himmalle.

²³Ato worri gohe woya hargufe biyye oli dadarbatanu,

²⁴guddaani askarti aka mana askartitiini Paulo d'ufani hime, ammalle aka lichooni isa d'aanani mure, aka inni waan worri Pauloti iyeefi beekhu.

²⁵D'aanicha isa hiinaani Pauloni, waan namicha isa bira ejuni jed'e, aki isani nama gosa Rumi ka wollaala iti imurini d'aantani fullaa?

²⁶Guddaani askarti akasi d'ageennaani d'aqe gudda ufiti hime waan jed'e, Atini maani tolchu feeta? Namichi kunini gosa Rumiti.

²⁷Guddaani askarti d'ufe waan Pauloni jed'e, Ila, atini gosa Rumiti? Pauloni, Ee jed'e.

²⁸Guddaani askarti waan jed'eeni, Anini hori gudda baase nama Rumi tahe. Pauloni waan jed'eeni, Ammo anini lafa suniti d'alad'e.

²⁹Jennaani jari sila isa himsisu maro tokotu isa biraa yae. Guddaani askartileeni, aka Pauloni ka inni sibiilaani hid'e gosa Rumi d'ageennaani sodaate.

³⁰Guddaani askarti waan Yahudiini Paulo himateefi beekhu fed'e, tanaafi boriyya inni haada Paulo iraa hiikhe, jaarole koraa wolwoldeesise, Paulo fuud'e jiddu worra ejachiise.