Read BORANA BIBLE – KITAABA WAAQA Huji Ergattu 25 Bible Online

Huji Ergattu 25 - BORANA BIBLE – KITAABA WAAQA bible

Huji Ergattu 25

¹Guyya sadi lafa suni keesa teennaani Festoni Kaisaria kae Yerusalemu d'aqe.

²Qaalole gugurdofi Yahudiini waan Paulo isati hasoofte, isa kad'atte,

³aka inni worra qarqaare haga Yerusalemu nama erge Paulo fuud'u. Wonti akanatiifi Yahudiini qara aka kara keesati isa eegani ijeesani mariatte.

⁴Festoni waan jed'e, Paulo la Kaisaria keesati hid'ani, anileeni d'iotu achi d'aqa.

⁵Yo isani dandeetani, na woliini koota, aka nama kana himattani, yo inni hameenna tolche jed'e.

⁶Jennaani Festoni guyya saddeeti yokhaani kud'anfa worra woliini tae Kaisariati gadi bue. Boriyya barch'uma abba qorsuma ira tae Paulo yaama jed'e.

⁷Eegi inni d'ufe, Yahudiini Yerusalemu d'ufte isa bira ejatte waan jabdu hedduuni Paulo himatte, ammo waan tokole ta d'uga fakeesa d'abani.

⁸Pauloni ufii dubbate waan jed'e, Anini Seera tokole iyakine aada Yahuditiifi Mana Waaqatiifi hayyu Kaisari duraleti.

⁹Ammo waan Festoni Yahudi gammachiisu fed'eefi, waan Pauloni jed'e, aka anini Yerusalemu si geese achiti dubbi tante qoru feeta?

¹⁰Jennaani Pauloni waan jed'e, Anini barch'uma kora ka hayyu Kaisari dura ejad'a, fulla iti na qoru malani. Anini Yahudi dura woma iyakine, akuma atini beetu.

¹¹Yo anini wollaala qabaad'e yokhaani waan duu maleefi tolche, anini duisa indidu. Ammo yo wonti na himataniifi kunini injirre, nami tokoleeni dandae harka worrati na inkennu. Anini Kaisari kad'ad'a.

¹²Eegi Festoni worra kora ka isa woliini tauni dubbate, inni waan jed'e, Atini ya dubbi tiyya Kaisarini naa ga jette, fulla isaa inuma deemta.

¹³Eegi bulti diqo toko hayyu Agripafi Bernikeni Kaisaria d'ufani, aka Festo nagaya fuud'ani.

¹⁴Eegi worri guyya heddu achi tae, Festoni waan Paulo hayyuti hasae waan jed'eeni, Namicha tokoti jira, ka Felikini hid'aansa keesati lakise.

¹⁵Gaafa anini Yerusalemu jiru, qaalole gugurdofi jaaroleeni Yahudi waan isaa nati himte aka isa dubbi qorani wollaala iti murani feete.

¹⁶Ammo waan anini worraani jed'e, aki ato nama himataniifi worra isa himatu wolti ind'ufiini wollaala namati murani aada Rumitini, aka inni qoomni waan himataniini suni ufi dubbatuni argattu.

¹⁷Tanaafi eegi worri armati wolwoldae, anini diqole inture, ammo boriyya barch'uma kora ira tae, Nama suni natiini koota jed'e.

¹⁸Worri isa himatu olejanje, ammo aka anini qara sehe diqole inhimanne.

¹⁹Wonti worri wolmormu waan aada worraa toko, ammalle waan namicha due toko, ka Yeso jed'ani, ka Pauloni, Injira jed'u.

²⁰Maro anini gaafacha akana tana inquufiniifi, Paulo aka inni Yerusalemu deemu fed'u gaafad'e, aka achiti waan kana qorani.

²¹Ammo Pauloni aka kora Kaisari eegatu kad'ate. Jennaani anini, Isa qorqorad'a, haga anini Kaisariti isa erguuti jed'e.

²²Agripani waan Festoni jed'e, Anini sila nama kana d'agayu fed'a. Festoni, Bori isa d'ageeta jed'eeni.

²³Boriyya Agripafi Bernikeni woya hayyuma naqatani ulfinna guddaani shumootaafi jara gugurda dira suni woliini fulla dubbi iti d'agayani olduudani. Jennaani Festoni nama erge Paulo yaame gadini koota jed'e.

²⁴Festoni waan jed'e, Hayyu Agripafi worra arra arma nu woliini jirru: isani nama kana inargitani, ka gumiini Yahudi ch'ufti Yerusalemufi armaleti na kad'atte, Inni jiraachu himmalle jette iyite.

²⁵Ammo anini waan inni duu maleefi inargine, ammalle maro inni aka gara Kaisari deemu kad'ateefi, anini ya aka isa ergu buufad'e.

²⁶Ammo anini waan gara hayyu gudda t'aafu inqabu; tanaafi anini isani duraani d'ufe, keesuma si duraani, Ee hayyu Agripa, aka eegi nu isa qorre, anini sila waan t'aafu argad'u.

²⁷Aki nama hid'aansa keesa jiru ergani, ka waan isa himataniifi imbeesisiini, fullaaniti jed'e.