Read BORANA BIBLE – KITAABA WAAQA Huji Ergattu 4 Bible Online

Huji Ergattu 4 - BORANA BIBLE – KITAABA WAAQA bible

Huji Ergattu 4

¹Ato Petrofi Yohanani taani gumiini hasaanu, qaalolefi namicha gudda Mana Waaqatiifi Sadukayoni worrati d'ufani.

²Duuba Waan Petrofi Yohanani maro kaisa Yesotiifi, Nami due inkaa jed'ani barsiisaniifi,

³Petrofi Yohana qaqabani mana hid'aansa keesa kayani, waan lafti galgalooftefi haga boriyya achuma keesati lakisani.

⁴Taatule nami dubbi suni d'agaye hedduuni d'ugefate; nami d'iira ka d'ugefate haga kunki shani.

⁵Boriyya jara gugurda Yahuditiifi jaarolefi jari Seera beekhu Yerusalemu keesati,

⁶Anasi Qaallicha Guddafi Kayafafi Yohanafi Iskandafi worra d'ibi ka fiit'a Qaallicha Guddatini wolwoldaani.

⁷Petrofi Yohana jiddu worra keesa d'aabani waan jed'aniini, Humna tamiini yokhaani maqa eenutiini waan kana tolchitani?

⁸Jennaani Petroni Lubbu Qulqullooni guutamnaani waan worraani jed'e, Shumootaafi jaarole gosa Israeli,

⁹Yo isani guyya kana waan huji dansa ta nu tolchine, namicha naafa kana fayyimne nu qortani,

¹⁰isaniini ch'ufti beekhu maltani, ammalle gochiti Israeli ch'ufti hubachu malte, namichi kunini jabeenna maqa Yeso Kristo Nazareti, ka isani ijeeftani Waaqi duisa keesaa kaaseeni fayya ufitiini isani dura eja.

¹¹Yesoni kuni sunuma ka t'aafiini waan isaa dubbatte waan jettu, D'akhaani isani ijartuuni tuffattani ya d'akha jaba tahe.

¹²Bahisi isa ch'alla keesa jira, nami d'ibiini ka Waaqi namaa kenne lafa keesa injiru, ka nu dandeenne baanuuni.

¹³Jaaroleeni kora jannooma Petrofi Yohana arginaani, ammalle aka worri woma insoomiini hubannaani mamte, aka worri Yeso woliini tae beekhani.

¹⁴Waan dubbatani d'abani, maro namicha fayyisani kaani, ka Petrofi Yohana bira eju, arganifi.

¹⁵Tanaafi, Hasaa qamna, fulla korati yaa worraani jed'ani, wolmariatani waan woliini jed'ani,

¹⁶Worra kana maani tolchina? Nami Yerusalemu keesa jiru ch'ufti aka worri kuni waan mama kana tolche quba qaba, nu dandeenne imorminu.

¹⁷Ammo aka nama ch'ufa waan kana d'agayu d'owarru, koota, worrati seera, aka guyya d'ibi maqa kanaani nama imbarsiimne.

¹⁸Petrofi Yohana yaamani iti seeraani, aka maqa Yesotiini maro d'ibi nama imbarsiimne.

¹⁹Ammo worri waan jed'eeni, Isaniyu ilaala, dubbi teesani mo ta Waaqa ch'aqamna?

²⁰Wonti akanatiifi nu waan d'ageenne argine kana d'ossu indandeenu.

²¹Duuba kori kaani maro nami ch'ufti waan argeefi Waaqa faarseefi, waan worra tolchu d'abe iti seere galakise.

²²Namichi fayyisani kaani ganni isaa afurtama ira jira.

²³Eegi gallakisani, worri gumiti dachae, waan qaalole gugurdofi jaaroleeni worraani jette ch'ufa gumiti hasaani.

²⁴Duuba gumiini suni waan kana d'ageennaani, garaa tokooni Waaqa kad'ate waan jette, Aabbo gudda, atini Waaqa lafafi gubba uume galaanafi waan keesa jira ch'ufale uumte.

²⁵Atini afaani tisse tante, abba keenna Dauditini dubbatte waan jette, Gochiti d'ibiini maafi dalante, yokhaani biyyiti maafi ufumaa wo heredde?

²⁶Hayyooti lafa ch'ufa kurfefatte, jari lafa fidu wold'aqe, aka Aabboofi Kristo isaa ijeesani.

²⁷Dira kana keesati Herodefi Pontio Pilatoni gosa d'ibiifi gosa Israelitiini wold'aqani, aka Yeso, hojattu tante qulqullo, ta atini Kristo tolchite ijeesani.

²⁸Worri wold'aqe aka waan ch'ufa ka atini harka kanketiifi fed'i tantetiini qara buufatte tolchani.

²⁹Ammatana, Aabbo, dubbi worri nuuni sodaachiisu tana ch'aqasi, aka tisseleeni tante jabaatte soda male dubbi tante dubbattu tolchi.

³⁰Harka kanke d'eerefad'u, nama fayyisi, aka akheekha waan mama maqa Hojattu tante qulqullo Yesotiini tolchani.

³¹Eegi Waaqa kad'atani, fullaani worri iti kad'atu chochoote, worri ch'ufti Lubbu Qulqullooni guutame, soda male dubbi Waaqa dubbatani.

³²Gumiini d'ugefatte suni ch'ufti nama garaa tokotiifi qalbi tokoti. Nami tokoleeni waan qabuuni kiyya injenne, ammo waan qabani ch'ufa gargari qoodatani.

³³Jabeenna guddaani waan kaisa Aabbo Yeso odeesani, Waaqileeni guddise worra eebise.

³⁴Nami tokoleeni ka gaargala qabu worra keesa injiru. Nami oobru yokhaani mana qabu, ch'ufa gurgure, hori suni ch'ufa guure,

³⁵harka ergattuti kenna; duuba hori kaani nama ch'ufaa gargari qoodani.

³⁶Namichi toko ka Yusufu jed'ani, ka ergattuuni Barnaba jettuuni (Nama nama jabeesu jechu), ka gosa Lawi, ka lafa Kipro,

³⁷oobru ufi gurgure, hori suni d'ufeeni harka ergattuti kenne.