Read BORANA BIBLE – KITAABA WAAQA Rumi 14 Bible Online

Rumi 14 - BORANA BIBLE – KITAABA WAAQA bible

Rumi 14

¹ Nama d'ugefacha laaftu qabu indidiina, ammo waan inni jed'u imorminaani.

²D'ugefachaani nama toko waan ch'ufa isa inyaachifti ammo nami d'ugefacha laaftu qabu sagaluma laaftu nyaata.

³Nami waan ch'ufa nyaatu nama waan ch'ufa inyaanne intufatiini; ammalle nami sagale laaftu ch'alla nyaatu nama waan ch'ufa nyaatu intufatiini; wonti akanatiifi Waaqi ya isa ee jed'e fud'ate.

⁴Atini eennu kana ka hojattu nama d'ibi qortu? Abba isaa ch'allati jabeennaafi laafinna isaa beekha. Inni injabaata, maro Aabbooni dandae isa jabeesuufi.

⁵Nami gari waan guyyaani gari ka d'ibi ira jiru seha, ammo ka gari guyya ch'ufa haga taka seha. Nami ch'ufti aka dansa herega ufi jabeesu male.

⁶Nami guyya toko jaba sehu maro Aabbootiifi seha; nami waan ch'ufa nyaatuleeni maro Aabbootiifi nyaata, waan inni ato sagale suni inyaatini Waaqa galata deebisuufi. Nami sagale gari nyaachu diduleeni maro Aabbootiifi dida, innileeni Waaqa galata deebisaafi.

⁷Nami ufuma jiraatu injiru, ammalle nami ufuma duu injiru; yo jiraanne Aabboofi jiraanna,

⁸yo doonele, Aabboofi doona. Yo jiraanneefi yo doonele duuba nu ka Aabbooti.

⁹Wonti akanatiifi Kristoni aka nama jiruufi ka duele abba tahuufi due kae.

¹⁰ Tanaafi atini maafi oboleesa kanke qorta? Yokhaani atini maafi oboleesa kanke tuffatta? Nuuni ch'ufti fuula Waaqa dura ejanna, aka inni nu qoru.

¹¹ Wonti akanatiifi t'aafiini waan jettu, Aabbooni waan jed'u, Waaqi anuma, namale ka d'ibiini injiru, ammalle nami ch'ufti na durati jilbifate aka anini Waaqa hima.

¹²Tanaafi nuuni ch'ufti waan tolchine Waaqa durati himachu malle.

¹³Tanaafi duuba, woli qoriiti lakimna. Fulla isii waan kana kutannaa: waan oboleesa keenna gufachiise daba keesa buusa intolchinu.

¹⁴Beekhi anini Aabbo Yeso beekhu aka wonti tokoleeni t'uri inqamne nati hima; ammo yo nami waan wonti toko t'uri qabdu sehe, isaa t'uri qabdi.

¹⁵Yo wonti atini nyaatuu oboleesa kanke d'ukubsite, jaalalti si keesa injirtu. Sagaleeni atini nyaattu nama Kristoni duefi imballeesini!

¹⁶Wonti atini waan dansa seetu maqa hama inhoratiini.

¹⁷Wonti akanatiifi Finni Waaqa waan nyaatani d'uganiiniti, ammo d'ugaafi nagayafi gammada Lubbuuni Qulqullooni namaa kennitu.

¹⁸Nami kara kana gula Kristo hojatu Waaqa gammachiise namale quufsa.

¹⁹Tanaafi nu hojja ch'ufa waan nagaya nu kennaafi ta woli jabeesiti barbaadu malle.

²⁰Sagalee jettani waan Waaqi tolche iyakina. Sagale gosa ch'ufa nyaachu malani, ammo sagale nama d'ibi daba keesa buuftu nyaachu himmalle.

²¹Wonti qajeela aka foonifi daad'iifi waan d'ibi ta oboleesa kanke daba keesa buuftu lagatani.

²²Aada waan kana ta d'ugefattu ufiifi Waaqa ch'allati d'ofad'u. Ayyaana nama suni ka yo waan garaani isaa jaalatu tolche wollaala ufiiti imurre!

²³Ammo yo inni waan nyaatu garaa tokooni inyaanne, Waaqi wollaala iti mura, hojja inni nyaatu, maro d'ugefachaani waan inni tolche suni bira injirreefi. Wonti d'ugefachaani bira injirre ch'ufti daba.