Read BORANA BIBLE – KITAABA WAAQA 1 Korintho 10 Bible Online

1 Korintho 10 - BORANA BIBLE – KITAABA WAAQA bible

1 Korintho 10

¹Anini aka isani waan ababoota teenna ta Musa gula yaate taate qabatani fed'a, oboleyaani. Gaafasi dumansi worra ch'ufa qorqorate, worri ch'ufti galaana Shamu nagayaani taake.

²Dumansafi bisaani keesaleti worra Musa gula yau jed'ani, worra batisani.

³Worri ch'ufti qit'a mama suni nyaate

⁴bisaani mama sunuma d'uge; wonti akanatiifi d'akha mama ka worra gula deeme keesaa bisaani d'ugani; d'akhaani suni Kristo.

⁵Ammo taatule Waaqi worrati dalane, reefi worraa lafa aloo ch'ufa keesa firfirfame.

⁶Wonti kunini ch'ufti akheekha nuu taati, aka nu akuma worraa waan hamtu ind'araane,

⁷yokhaani aka nu akuma worraa waan harkaani boch'ani inkad'anne, akuma t'aafiini jettu, Biyyiti teteete nyaate d'udde kaate sirbite,

⁸nu algalooma tolchu himmalle aka worri gari tolche, guyya tokooni nami kunki diddami sadii raawate.

⁹Aabbole lalaachu himmalle, aka worri nami gari tolche, duuba bofi ide worra balleese.

¹⁰Yokhaani gungumu himmalle, aka worri nami gari tolche, duuba Malaikaani Dua worra balleesite.

¹¹Wonti kunini ch'ufti aka nama d'ibi akheekha taatuufi taate, ammalle aka nu gorsanifi t'aafani. Wonti akanatiifi nu bara muummeeni d'iaate keesa jirra.

¹²Nami waan eju ufi sehu ha ufi eegatuuti aka injinne.

¹³Ilaalachaani namati d'uftu woma qara lafa jiraati. Ammo Waaqi kakhu ufi jabeesa. Inni ilaalacha isani ira hafu indandeenne isaniti inllakisu. Ammo hojja isani ilaalatani, inni jabeenna isani obsitani keesaa batani isanii kenna.

¹⁴Tanaafi jaalaani tiyya, waan harkaani boch'ani inkad'atiina, biraa fagaad'a.

¹⁵Anini aka waan isani nama qalbi qabu isaniti dubbad'a; waan anini jed'u herega.

¹⁶Hojja mudunu eeba ta Waaqaa galata deebimnuuni d'unnu, d'iiga Kristo qoodachuuti injirru? Hojja qit'a ch'absine nyaannu, nafa Kristo qoodachuuti injirru?

¹⁷Waan qit'aani toko ch'allaani jiruufi, nuuni ch'ufti, ato heddu taanele, nafa toko; wonti akanatiifi qit'a toko qoodanna.

¹⁸Gosa Israeli qaabad'a; worri waan sorio baasani nyaatu huji fulla sorio iti qalani inqoodata.

¹⁹Anini maani jechu jira? Waan harkaani boch'aniifi sagaleeni isii baasani woma keesa jirtu jechu jira?

²⁰Hiyyo! Wonti anini jechu jiru, sorio worri Waaqa imbeenna qalu Waaqaa imbaasani ammo jinnii baasani. Anini isani wahela jinni taatani imfed'u.

²¹Mudunu Aabbootiifi ta jinni keesaa d'ugu indandeetani; sagale Aabbootiifi ta jinni wolti nyaachu indandeetani.

²²Yokhaani Aabbo qot'isisu feena? Waan nu isa ira jajabo

²³Nami gari, Wonti ch'ufti nu halaala jed'a; ammo wonti suni ch'ufti isanii dansaaniti. Wonti ch'ufti nu halaala jed'ani, ammo wonti ch'ufti inqarqaartu.

²⁴Nami tokoleeni waan ufi ch'alla yaalu himmalle, ammo waan nama d'ibile yaalu male.

²⁵Fooni gabaya keesati gurgurani ch'ufa nyaad'a, sodaattani nama tokole ingaafatiina.

²⁶Akuma t'aafiini jettu, Lafafi wonti keesa jira ch'ufti ta Aabbooti.

²⁷Yo nami Kristo ind'ugefanne mana ufiti isani yaame d'aqu feetani, waan isani dura kayani ch'ufa nyaad'a, gaafi male.

²⁸Ammo yo nami toko, Sagale tana ya waan harkaani boch'ani baasani isaniini jed'e inyaatiina, maro nama waan suni isaniini jed'eetifi maro herega namaatiifi,

²⁹anini herega keesani imbaanu, ammo herega isaa baana. Nami gari waan jed'u anini maafi waan fed'u herega nama dibiti jed'e lakisa?

³⁰Eegi anini sagale tiyyaafi galata Waaqaa deebise nyaad'e, nami tokoleeni maafi waan hamtu naani jed'a?

³¹Duuba waan tolchitani ch'ufa, yo nyaattani d'uuddanile, maro guddinna Waaqaatiifi tolcha.

³²Yahudifi gosa d'ibiifi gumi Waaqaa ingufachiisina.

³³Akuma anini tolchu tolcha: waan tolchu ch'ufaani anini nama gammachiisu fed'a, waan dansooma tiyya inheregu, ammo dansooma nama ch'ufa herega, aka nami ch'ufti baafamu.