Read BORANA BIBLE – KITAABA WAAQA 1 Korintho 12 Bible Online

1 Korintho 12 - BORANA BIBLE – KITAABA WAAQA bible

1 Korintho 12

¹Amma waan kenniti Lubbu ta isani na gaafatani anini aka isani waan isii ka d'ugaa baratani fed'a, oboleyaani.

²Isani imbeetani, aka gaafa isani Waaqa imbeenne, wonti harkaani boch'ani, ta woma imbaane, isani mohatte kara ira isani gorsite.

³Hubachu maltani aka nami Lubbuuni Waaqaa deemtuni tokoleeni dandae Yeso inabaare, ammalle nami tokoleeni dandae Yesoni Aabbo injed'u, yo Lubbuuni Qulqullooni isaani deemtu male.

⁴ Wonti Lubbuuni namaa kennitu aka heddu jirti, ammo Lubbu tokoti namaa kenna.

⁵Kara hedduti ka woiini hojatani jira, ammo Aabbo tokocha hojatani.

⁶Humna hedduti ta woiini hojatani jira, ammo Waaqa toko ch'allati humna woiini hojatani nama ch'ufaa kenna.

⁷Nama ch'ufaa beesisa Lubbu toko kennani, aka woli wo bahu.

⁸Lubbuuni nama toko dubbi qalbi kenniti, ammo nama d'ibi Lubbumaani suni dubbi hubacha kennitiifi.

⁹Lubbuuni nama toko d'ugefacha kennite, ka d'ibi ch'irruma kennitiifi;

¹⁰toko jabeenna inni waan mamatiini tolchu kennite, ka d'ibi jabeenna dubbi Waaqatiini dubbatu kennitiifi; ammalle nama d'ibi jabeenna inni kenniti Lubbu iraa d'ufteefi ta iraa ind'ufiini himu kennitiifi. Nama toko jabeenna afaani d'ibi dubbatu kennite, ka d'ibi qalbi afaani suni deebisu kennitiifi.

¹¹Ammo Lubbu takatiti waan kana ch'ufa tolcha; isiini akuma feetu nama ch'ufa kenni aka aka kenniti.

¹² Wonti akanatiifi Kristoni aka nafa toko jira, ka mita heddu qabu; inni nafa toko ch'alla, ato mita heddu qabaatele.

¹³Akasuma nu ch'ufa, Yahudifi gosa d'ibile, tisseefi balchale, ya Lubbuuni nafa tokocha kanati nu batifte, ammalle nuu ch'ufa ya Lubbu taka quufsani.

¹⁴Nafi mita toko ch'alla inqabu ammo mita heddu qaba.

¹⁵Yo sila miili, Anini harkaaniti, tanaafi mita nafaatiniti ufiini jed'e, sunini mita tahu ind'owartu.

¹⁶Yo sila gurri, Anini ilaaniti, tanaafi anini mita nafaatiniti ufiini jed'e, tunini mita nafa tahu ind'owartu.

¹⁷Yo sila nafi ch'ufti ila ch'allaa taate, maanti wo d'agaya? Yokhaani yo sila gurra ch'alla taate, maanti wo suufa?

¹⁸Ammo Waaqi mita ch'ufa, aka fed'u, nafa ke naqe.

¹⁹Yo nafi ch'ufti mita toko tahe nafi wo jira?

²⁰D'uguma mita hedduti jira, ammo nafi taka.

²¹Tanaafi ilti dandeete mataani, Anini si imfed'u injettu. Yokhaani mataani miilaani, Anini si imfed'u injed'u.

²²Diqole akasi intaatu; mita lalaaftu nafa keenna male, nu dandeenne injiraannu,

²³mita nu womanu inseenne guddo qorqoranna; ammalle mita guddo imid'aanne guddo jabeesina.

²⁴Mita tamiti mid'aaguma guddo infeene! Waaqi mita nafa keenna, aka dansa wolti naqe uume, aka mitaani ulfinna feetu ulfinna argatu.

²⁵Tanaafi nafi keenna gargari qooda inqabu, ammo mitaani ch'ufti woli qorqoratti.

²⁶Yo mitaani toko d'ukubde, nafi ch'ufti ind'ukubsata; yo mita toko ulfeesani, nafi ch'ufti gammada argata.

²⁷Tanaafi isaniini ch'ufti nafa Kristoti, nami ch'ufti mita isaati.

²⁸ Gumi keesaleti Waaqi ya nama ch'ufa fulla ufi kenneefi: qaraa fiit'e ergattu, ta lameeso raagoota, ta sadeeso barsiiftu; duuba jara waan mama tolchuufi ka d'ukuba fayyisufi ka nama qarqaarufi ka nama dura deemuufi jara afaani d'ibiini dubbatu.

²⁹Nami ch'ufti ergattu wo taate? Yokhaani raagoota wo taate? Yokhaani barsiiftu wo taate? Nami ch'ufti jabeenna waan mamatiini tolchu wo qaba?

³⁰Yokhaani waan fayyad'abaani fayyisu wo qaba? Yokhaani waan afaani d'ibiini dubbatu wo qaba? Yokhaani waan qalbi afaani suniini deebisu wo qaba? Hiyyo.

³¹Tanaafi garaa keesani waan jabdu ira keyad'a. Ammo wonti waan kana ch'ufa ira jabdu kara kana.