Read BORANA BIBLE – KITAABA WAAQA 1 Korintho 13 Bible Online

1 Korintho 13 - BORANA BIBLE – KITAABA WAAQA bible

1 Korintho 13

¹Ato anini dandae afaani gosa ch'ufatiifi afaani malaikale dubbad'e, ammo jaalala inqamne, dubbini tiyya iyana bilbilatiifi qonqo dibele fakaatti.

² Ato anini guddo hasau beekhe, qalbi ch'ufa qabaad'e waan d'ossani ch'ufa beekhe d'ugefacha gaara buqiftu qabaad'e, ammo jaalala inqamne, anini woma keesa injiru.

³Yo anini waan qabu ch'ufa biyyaa kenne, Nafa kiyyale guba jed'e, ammo jaalala inqamne woma naa imbaatu.

⁴Jaalalti wo obsite namaa naati; jaalalti inqotiftu, ufi insaadu, ufi inguddiftu;

⁵jaalalti miira guddinna, ufooniti, hure indalantu; jaalalti hameenna namati inhereddu;

⁶hameenna namati ingammaddu, ammo d'ugaati gammaddi.

⁷Jaalalti ufi injibaattu: d'ugefachaafi abdifi obsi isii muumme inqabu.

⁸Jaalalti haga jiru jireennale teeti. Dubbi Waaqa indubbatani ammo wonti suni hagu inteetu; afaani d'ibi inuma dubbatani ammo yoosu hobaani; hubachaani injirti ammo indabarti.

⁹Wonti akanatiifi hubachaani teenna qit'eniti, dubbini Waaqa ta nu odeesinuleeni qit'eniti;

¹⁰ammo yo wonti qit'e d'ufte, ta qit'e intahiini imbaddi.

¹¹Gaafa anini ijoolle hasaa kiyyafi herega kiyyafi hubachaani tiyya ta ijoolleeti ammo amma anini nama gudda, waan ijoolluma la keesaa bahe.

¹²Wonti nu amma agarru kunini fakeenna dawiti keesaa ka aka dansa imullanne fakaatti; ammo gaafasi aka dansa wolagarra. Wonti anini amma tana beekhu qit'eniti; ammo gaafasi qit'oofti, akuma Waaqi naani beekhu qit'oofti.

¹³Duuba ammatana wonti kunini sadeenu inteeti: d'ugefachaafi abdifi jaalala; ammo ta waan ch'ufa ira jirtu jaalala.