Read BORANA BIBLE – KITAABA WAAQA 1 Korintho 4 Bible Online

1 Korintho 4 - BORANA BIBLE – KITAABA WAAQA bible

1 Korintho 4

¹Aka hojattu Kristo ta waan d'ossa Waaqa qorqorattu nu herega.

²Wonti nama woi qorqoratu iraa fed'ani aka inni waan abba ufi guutu.

³Anini yo isani na qortanile iyaalu, yokhaani yo nami d'ibiini na qorule.

⁴Qalbiini tiyya qulqullo, taatule anini, wollaala inqabu ufiini injed'u. Nami na qoru Aabbo.

⁵Tanaafi ato hojjaani ingahiini nama tokole inqorina. Qorsumaani muumme gaafa Aabbooni mullatu taati. Inni waan d'ossaniifi herega garaa nama ch'ufa diidati baasa. Gaafasi nami ch'ufti faaru inni argachu male Waaqa ira argata.

⁶Maro teesaniifi, oboleyaani, anini waan kana ch'ufa anaafi Apolo fakeese. Fakeenna kana anini aka isani dubbi ta, Aka dansa aada gula yaa jettu hubattaniifi jed'e. Isaniini tokoleeni nama toko tuffattani ka d'ibi inulfeesiina.

⁷Eentu nama d'ibi ira si guddise? Waaqati waan atini qabdu ch'ufa si kenneeyu? Yoosi, maafi ufi guddifta, aka waan waan atini qabdu ch'ufa tolaa sii inkenniini?

⁸Amma waan feetani ch'ufa inqabdani! Isani amma dureeyi! Ya hayyoota taatani, ato nu hayyu tahu d'ibaannele! Anini sila guddo fed'a, yo isani d'uguma hayyoota taatani, aka nuleeni isani woliini hayyu taanu.

⁹Mala kiyya, Waaqi ya nuu ergattuti fulla gadii kenne, aka nama ijeechati murani diidati ijeesani, aka malaikafi nami ch'ufti nu daawatu.

¹⁰Maro Kristotiifi nu daalle; ammo isani Kristo keesa qaro! Nu lalaafo, ammo isani jajabo! Nu tuffatani ammo isani ulfeesani!

¹¹Ammumatanale nu beelaa d'eebu qamna; daarale inqamna; nu d'aanani; fulla ch'ufa yayaane,

¹² huji hojanna aka ufi bulchinu. Nama nu abaaru nu ineebimna; hojja nu gaargalchani nu inoobsina.

¹³Hojja nu arabsani afaani dansa dubbanna. Nu huura lafa tana fakaanna; nu t'uri lafaati, haga arrale.

¹⁴Anini waan kana aka isani ch'eersu int'aamne, ammo aka ijoolle tiyya ta anini jaalad'u isani gorsu fed'a.

¹⁵Wonti akanatiifi ato barsiiftu kunki kunki ta waan Kristo isani barsiiftu qabattanile abbaani keesani toko ch'alla. Jireenna keesani ka Kristo Yeso keesati anini abba keesani, waan anini Odu Dansaani isanii d'ufeeniifi.

¹⁶ Tanaafi, anini isani kad'ad'a, aka kiyya taha.

¹⁷Maro waan kanatifi anini Timotheo isaniti erga. Inni ilma kiyya Aabbo keesa, ka anini guddo jaalad'e d'ugefad'u. Inni daandi anini jireenna kiyya hareesa Kristo keesa gula deemu isaniti hima, ta anini gumi lafa ch'ufa barsiisu.

¹⁸Isaniini gari la ufi guddiftani, waan anini imaltu gara keesani d'ufu inseetani.

¹⁹Yo Aabbooni jed'e ammo, anini d'iotu fulla teesani d'ufa, gaafasi waan worri ufi guddisu kunini dandae tolchu ilaala, waan worri afaaniini jed'u ch'allaaniti.

²⁰Wonti akasitiifi Finni Waaqa dubbi afaani ch'allaaniti, ammo ka jabeenna.

²¹Kami feetani: Licho isaniini d'aanuuni d'ufa mo garaa jaalalatiifi ka laanatiini d'ufa?