Read BORANA BIBLE – KITAABA WAAQA 1 Korintho 7 Bible Online

1 Korintho 7 - BORANA BIBLE – KITAABA WAAQA bible

1 Korintho 7

¹Amma maro waan isani t'aaftani dubbachu fed'a. Nami nad'eeni infuune sila waan dansa ya tolche.

²Ammo maro hameenni guddaani jiruufi, nami ch'ufti niiti ufi qabaachu male, nad'eeni ch'uftileeni d'iirsa ufi qabaachu malte.

³D'iirti ha huji ufi ta d'iirsa guutuuti, nad'eeni ha huji ufi ta uwa guutuuti, namu ch'ufti woli quufsu male.

⁴Niitiini abba nafa ufitiiniti, ammo d'iirsati abba nafa isiiti; akasuma d'iirsileeni abba nafa ufitiiniti, ammo niititi abba nafa isaati.

⁵Wolind'owatiina yo haga diqa toko, aka Waaqa kad'atani wold'agetani, ee woliini jettani male, ammo eegi suni huji teesani ta d'iirsaa nitii guuta, aka ufi qorqorti d'abdani akasiini ilaalacha Sheet'ana keesa imbuumne.

⁶Anini waan kana aka seera injenne ammo aka gorsa isaniini jed'a.

⁷Anini sila nama ch'ufa ka aka kiyya jiru fed'a; ammo nami ch'ufti kenniti Waaqi kenneefi qaba, nami toko kenniti tana qaba, ka lameeso kenniti d'ibi qaba.

⁸Anini amma waan kana maro worra nad'eeni inqamnetiifi nad'eeni d'iirsa inqamnee jed'a: sila yo akuma kiyya koba taani ira dansa.

⁹Ammo yo dandaani ufi ind'owarre yo fuud'ani ira dansa, fulla d'araa hamtuuni gubatani.

¹⁰Worra woli fuud'e anini seera toko tolcha; seeri kunini kiyyaaniti ammo ka Aabbooti. Niitiini d'iirsa qabdu d'iirsa jala bahu himmalle;

¹¹ammo yo baate ha koba ufi teetu yokhaani ha d'iirsaani wolti araaramani; d'iirsileeni niiti ufi lakisu himmalle.

¹²Worra d'ibiini anini waan jed'u (anati jed'e male, Aabbooniti): yo nami Kristiana toko niiti ind'ugefanne qabaate, duuba isiini isa woliini tau feete, inni niiti suni lakisu himmalle.

¹³Yo niiti Kristiana toko nami ind'ugefanne toko fuud'e, duuba inni isi woliini tau fed'e, isiini isa lakisu himmalle.

¹⁴Wonti akasitiifi d'iirsi ind'ugefanne niiti ufitiini qulqullaa, akasuma niiti ind'ugefanneleeni d'iirsa ufitiini qulqulloofti. Yo sila akasi intahiini ijoolleeni worraa aka ta worra Waaqa imbeenne taati; ammo amma ya qulqulloofte.

¹⁵Ammo yo ka ind'ugefanne suni wahela isaa ka d'ugefate lakisu fed'e, ha akasi tolchuuti. Yo akasi taate namichi Kristianatiifi yokhaani niitiini Kristianaleeni ha waan fed'ani tolchaniiti. Wonti akasitiifi Waaqi isanii nagayaani teetani fed'a.

¹⁶Ati niiti, d'iirsa kanke baaftuuti beeta? Yokhaani ati d'iirsa, niiti tante baafatuuti beeta?

¹⁷Nami ch'ufti kenniti Waaqi isaa kenne gula tau male, ammalle akuma gaafa Waaqi isa yaame jiru tau male. Seeri anini gumi ch'ufa barsiisu kana.

¹⁸Yo nami qabanqaba qaabate yaamicha Waaqa d'agaye, gadaanisa qabanqaba ufira balleesu himmalle; ammalle yo nami qabanqaba inqabatini yaamicha Waaqa d'agaye inni qabanqaba qabachu himmalle.

¹⁹Qabanqaba qabachafi qubacha d'abi woma keesa injiru, ammo seera Waaqa guutu malani.

²⁰Nami ch'ufti ha akuma gaafa Waaqi isa yaame jiru tauuti.

²¹Gaafa Waaqi si yaame, atini tisse? Iyaaliini; ammo yo balchooma argatte, fud'ad'u.

²²Wonti akasitiifi tisseeni Aabbooni yaame ya balcha taate; akasuma nami balchaani ka Aabbooni yaame tisse isaa taha.

²³Waaqi gatiini isani bitate; tanaafi tissele nama intahiina.

²⁴Oboleyaani, nami ch'ufti ha akuma gaafa duri yaamani jiru Waaqa woliini tahuuti.

²⁵Amma waan uwaafi d'iira ka woli infuud'iini ka isani, nati t'aaftani: wonti isaani ka Aabbooni nati hime injirtu, ammo aka nama naasu Aabbootiini d'ugefachu malani jed'a.

²⁶Yo gaargala ammatana lafa jiru herenne sila dansa yo nami ch'ufti akuma amma jiru kana tae.

²⁷Amma niiti qabda? Yoosi ufi jala imbaasiini. Amma niiti inqabduyu? Yoosi niiti imfud'iini.

²⁸Ammo yo dubra fuute daba intolchine; ammalle yo dubra fuud'ani, isiini daba intolchine. Ammo anini gaargala guyya ch'ufa ka jari kunini argatu isani lagu fed'a.

²⁹Wonti anini jechu fed'u tana, oboleyaani: hojjaani alati inhamne. Armaa achi worri nad'eeni qabu aka nama nad'eeni inqamne ha tahuuti;

³⁰worri bohu aka nama lalala inqamne ha tahuuti; worri koblu aka nama gammada inqamne ha tahuuti; worri woi bitatu aka waan wonti bitani suni ka worraa intahiini ha tahuuti;

³¹worri wo gurguru aka waan woma ira inqamne ha yauti. Wonti akanatiifi lafti tunini aka jirtu kanati guddo inturtu.

³²Anini isanii woi yaaddani imfed'u. Nami nad'eeni inqamne waan huji Aabbo herega, waan inni Aabbo gammachiisu fed'uufi;

³³ammo nami niiti qabu waan lafaa herega maro inni niiti ufi gammachiisu fed'uufi;

³⁴tanaafi moga lama gula isa hirkisani. Niitiini d'iirsa inqamne yokhaani intalti dubra huji Aabbo hereddi, maro isiini nafafi lubbu ufi Aabbo kennu feetuufi. Ammo niitiini d'iirsa qabdu waan lafa hereddi, maro isiini d'iirsa ufi gammachiisu feetuufi.

³⁵Anini waan kana maro isani qarqaaru fed'uufi jed'a. Anini woma isani d'owu imfed'u. Ammo aka isani waan qajeelatiifi ka fullaa tolchitani, huji Aabbo garaa tokooni hojattani fed'a.

³⁶Waan nama wolkad'ate, ammo eege wolfuud'u dide, ka isani nati t'aaftani, ani akana jed'a; yo namichi intala fuud'u fed'u d'araani isaa ta intala suni guddo jabdu taate, inni intala suni iraa ufi d'owu dad'abe intala suni ha fuud'u.

³⁷Ammo yo namichi, ka nami tokoleeni ind'owiini, intala fuud'u dide; yo inni d'araa nafa ufi d'owu dandae, waan tolchu malani garaa ufi keesati kutate, yo fuud'u didele womaniti.

³⁸Tanaafi nami intala suni fuud'u waan fullaa tolcha, ammo ka fuud'u didu waan hagasi ira qajeela tolcha.

³⁹Niitiini d'iirsa qabdu, haga d'iirsi jiru nami d'ibiini isi infuud'iini ammo yo d'iirsi due, ha nami isiini feetu fuud'uuti; taatule fuud'i sunini fuud'a Kristiana tau male.

⁴⁰Ammo sila ira isii jirti, yo isiini d'iirsa male teete. Wonti anini heregu tana, anileeni waan Lubbu Waaqaa qabu ufi seha.