Read BORANA BIBLE – KITAABA WAAQA 2 Korintho 11 Bible Online

2 Korintho 11 - BORANA BIBLE – KITAABA WAAQA bible

2 Korintho 11

¹Yo anini diqo daalle tahele naa obsa, anini isani kad'ad'a.

²Anini maro teesaniifi hinaafa akuma Waaqi maro teesani hinaafu; wonti akanatiifi isani intala game ta anini nama toko ch'alla kenne fakaattani; nami sunileeni Kristo.

³ Anini insodaad'a; hegeri qalbiini teesani hamaatte jaalala Kristo qulqullo lakiftani — akuma bofi Hawai malteeni sobe.

⁴Isani nama d'ufe waan Kristo d'ibi isaniti hasau ch'ufa imfud'attani, ka nu isaniti hasoomneniti; ammalle isani lubbufi odu d'ibi ta Lubbufi Odu Dansa nu isaniti odeesine imfakaanne fud'attani.

⁵Waan ani sehu, anini worra ergattu ufiini jed'u suni kara tokoleeni maand'aniti!

⁶Anini hegeri guddo dubbachu imbeekhu, ammo hubacha inuma qaba; waan kana nu ya maro ch'ufaafi kara ch'ufaani isaniti himne.

⁷Anini gaafa Odu Dansa ta Waaqa isaniti odeese woma tokole isani ira imfud'anne; anini ufi diqeese aka isani guddisu. Waan kana anini wollaala tolche?

⁸Gaafa anini jiddu teesani hojad'e, gumi fulla d'ibiti hori na baase. Anini worra dura wo fud'ad'e isaniini qarqaare.

⁹ Gaafa isani woliini jiru, anini yo hori fed'ele, isani ingaargalchine; wonti akanatiifi oboleyaani Makedonia d'ufte waan anini fed'u ch'ufa naa kennite. Akuma duri tolche hegerile intolcha: Anini haguma jiru baa ulfo isaniti imfahu!

¹⁰D'uga Kristotiini kakhad'a, haga anini lafa Akaya tana keesa jiru nami tokoleeni dandae dubbi tiyya tana ind'aareesu.

¹¹Anini maafi waan kana jed'a? Maro anini isani injaalanneefi? Aka anini isani jaalad'u Waaqileeni imbeekha!

¹²Anini waan amma tolchu kana dura deeme tolchu fed'a, aka ergattuuni d'ibiini taani qoomni argatte, Aka keesani hojanna jette ufi inodeesine.

¹³Worri sunini ergattu d'ugatiiniti, worri ergattu d'ara, ta waan huji ufi d'ara dubbate ergattu Kristo ta d'uga ufi fakeesitu.

¹⁴Dubbini tuni mama inqabdu! Sheet'anileeni ufi jijire ergattu ifsaa ufi tolchu indandaa!

¹⁵Tanaafi yo ergattuuni isaa ufi jijirte ergattu d'uga ufi tolchitele waan diqole jabaatatiiniti. Gaafa muumme waan worraa male argatani.

¹⁶Anini dubbi tana ammalle iti deebie jed'a: nami tokoleeni daalle na insehiini. Ammo yo na seetanile, akuma daalle na fud'ad'a, aka anini waan diqo toko ta ufiini guddisu argad'u.

¹⁷Wonti anini amma dubbad'u kunini waan Aabbooni fed'uniti; waan ufi guddisiiti kana anini aka daalle dubbachu jira.

¹⁸Ammo maro nami hedduuni waan lafatiifi ufi guddisuufi anileeni akasi tolchu male.

¹⁹Isani guddo qalbi qabdani, tanaafi waan daalleeni jed'u dubbi male obsitani!

²⁰Nama isani mohatuufi ka isani koofisufi ka t'urura keesa isani buusufi ka isani tuffatufi ka isani d'abanaasu ch'ufa inu obsitani.

²¹Yo ch'eerale taate: nu waan akasi tolchu sodaanne! Ammo yo nami ufi guddisu dandae — aka daalle dubbad'a beekha — anileeni ufi guddisu indandaa.

²²Yo worri Ebrania taate, anileeni Ebrania. Yo worri gosa Israeli taate, anileeni gosa Israeliti. Yo worri ilmaani Abrahamu taate, anileeni ilma Abrahamuti.

²³Worri hojattu Kristoti? Aka maraata dubbad'a — ammo anini hojattu Kristo ka worra ira jiru. Anini ya worra ira hojad'e, ya worra ira na hid'ani, ya worra ira na d'aanani, ya worra ira duisati d'iaad'e.

²⁴ Guyya shani Yahudiini maro sodomi sagali lichooni na d'aante;

²⁵ Rumiini maro sadi uleeni na d'aante, maro toko d'akhaani na d'oosani; maro sadi hobolooni naani ch'ach'abde, gaafa toko guyya tokofi halkani toko bisaani keesa bule.

²⁶ Imaltu tiyya heddu keesati ya lubbu arge, maro bisaanitifi hattule; gosa tiyya ta Yahuditiifi gochiti d'ibileeni ya lubbu na nat'e; diraafi raasafi Galaanafi jaallani d'ara biraleeti ya lubbu arge.

²⁷Hojja ch'ufa huji hojad'e gaargale; maro heddu hiriiba d'abe; ya beelae d'eebod'e; maro heddu sagalefi daofi woya fed'u d'abe.

²⁸Waan d'ibi lafuma d'aabi, guyya ch'ufa baa ulfo qaba, hujiini gumi Waaqa ch'ufti na gubba jirti.

²⁹Yo nami toko laafe, anileeni ya laafe; yo nami toko daba keesa buu, anini ilaalefad'a.

³⁰Yo anini ufi guddisu male, waan laafinna kiyya agarsiisufi ufi guddisa.

³¹Maqaani Waaqa Abbaani Aabo keenna Yeso Kristo ha eebifamuuti, aka anini inkiyyimne inni imbeekha.

³²Gaafa anini Damaski jiru, jaallabi hayyu Areta jala hojatu askarti kara dira keesa naqe, aka na qabdu.

³³Ammo dadu keesa na kayani, qaa girgidaa keesaani lafa na buusani, jennaani kae baqad'e.