Read BORANA BIBLE – KITAABA WAAQA 2 Korintho 2 Bible Online

2 Korintho 2 - BORANA BIBLE – KITAABA WAAQA bible

2 Korintho 2

¹Tanaafi anini waan kana kutad'e: iti deebie fulla teesani d'ufe isani ilaalefachiisu.

²Wonti akanatiifi yo anini isani lalefachiise, eennuti na gammachiisa, worruma anini lalefachiise suni male?

³Maro waan kanatifi anini tatabe taani isanii t'aafe, aka yo anini fulla teesani d'ufe, worri sila na gammachiisu na ilaalefachiimne. Anini imbeekha, aka yo anini gammada qabaad'e isanileeni gammada argattani.

⁴Anini garaa hamaani tatabe isanii t'aafe, imimaani guddoleeni, aka isani lalefachiisuuniti ammo aka jaalala tiyya guddo isani garsiisu.

⁵Yo nami tokoleeni nama lalefachiise inni na ilaalefachiimne ammo isani lalefachiise; yokhaani inni isani keesa nama gari lalefachiise, taatule dubbi tana owisu imfed'u.

⁶Aki isani nami hedduuni nama kana akana gaargalchitani ingeeti.

⁷Ammo isani ammatana isaa araaramtani jabeesu maltani, aka inni guddo lalefate ufi injibaanne.

⁸Aka isani aka dansa isa jaalattani isa beesisu maltani.

⁹Maro waan kanatifi anini tatabe taani isaniti t'aafe: aka isani ilaalad'e, ammalle aka isani barsiisa tiyya gula yaatani hubachu fed'e.

¹⁰Yo isani nama tokoo araaramtani anileeni ya isaa araarame. Hojja anini namaa araaramu, yo anini d'uguma nama araarame, anini maro teesaniifi araarama fuula Kristo durati,

¹¹aka Sheet'ani nu indabsanne; wonti akanatiifi nu malte isaa imbeenna.

¹² Anini aka Odu Dansa Kristo odeesu Troani bahe, jennaani aka Aabbooni kara huji naa bane arge.

¹³Ammo waan oboleesa keenna Tito achiti inargiiniifi anini guddo lalefad'e. Tanaafi anini biyyaani Nagayati jed'e, Makedonia d'aqe.

¹⁴Ammo galati Waaqa imbadiini! Yo nu Kristo keesa jirru, Waaqi hojja ch'ufa aka nama Kristoni boojie dabsachaani galchu nu yaasa. Aka urgaa qayyaa ka fulla ch'ufaa yaatu, Waaqi nama ch'ufati Kristo nuuni mullisa.

¹⁵Wonti akasitiifi nu aka urgaa qayya ka Kristoni Waaqaa aarse duuba worra baafamufi ka baduleti aaru fakaanna.

¹⁶Worra badu ajaani tuni inijeefti; worra baafamu urgaani tunini injireesiti. Eentu huji tana tolchu dandaa re?

¹⁷Nu aka worra dubbi Waaqaatiini daldalu injirru; ammo maro Waaqi nu ergeefi, nu aka nama d'uga dubbanna fuula isaa durati, aka hojattu Kristo.