Read BORANA BIBLE – KITAABA WAAQA 2 Korintho 7 Bible Online

2 Korintho 7 - BORANA BIBLE – KITAABA WAAQA bible

2 Korintho 7

¹Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle.

²Garaa keesani keesati fulla nuu mid'aasa. Nu wollaala namutu intolchine, namu imballeesine, yokhaani woma nama ira imfud'anne.

³Anini waan kana aka wollaala isaniti muru injed'u; akuma anini qara jed'e, waan nu guddo isani jaalannuufi nu hojja ch'ufa woliini jirra, yo jirruufi yo doonele.

⁴Anini guddo waan keesani beekha, maro teesaniifi ufi koorsa! Gaargala keenna ch'ufa keesati anini garaa illaafu ammo gammadaani qilit'ama.

⁵ Eegi Makedoniani baanele nafi keenna boqota inarganne. Fulla ch'ufa gaargalafi woldidiisafi sodati jira garaa keenna keesa.

⁶Ammo Waaqi, ka worra garaa laafu jabeesu, nu jabeese Tito nuti arge.

⁷D'ufiisa isaa ch'allaaniti, ammo inni aka isani isa jabeesitani nuti odeese. Ammalle inni aka isani guddo na argu feetaniifi aka isani maro tiyya lalefatanifi ammalle aka isani kurfo jirtani aka na qarqaartani nati hime, tanaafi anini guddo gammade.

⁸Ato tatabeeni tiyya ta qara isani lalefachiiftele, anini waan t'aafeefi ingaabu. Yo sila aka tatabeeni suni haga diqa toko ch'alla isani lalefachiifte arge ufii gaaba.

⁹Ammo amma anini ingammada, maro isani lalefachiiseeniti, ammo maro lalefachaani teesani daandi teesani iraa isani gorsiteefi. Lalefacha suni Waaqati hujiini hojate, ammo nu woma isani intolchine.

¹⁰Lalefacha Waaqi hujiini hojate suniti garaa keesani gaargalche baafama isanii kenne, maro waan sunitiifi nu ufi ingaabinu! Ammo lalefachaani nama duisaani d'ufti.

¹¹Waan Waaqi lalefacha teesani tolche ilaala: isani jabaattani ufi dubbattani, dalantani, rifattani, na hereddani, owitani aka d'uga tolchani barbaaddani! Dubbi tana ch'ufa keesa aka nama wollaala inqamne ufi mulliftani.

¹²Tanaafi ato anini tatabe suni t'aafele, anini maro nama wollaala tolcheefi maro nama wollaala iti tolchanifile int'aamne. Ammo woni anini t'aafeefi aka fuula Waaqa durati aka isani nu jaalattani diideese agarsiisu.

¹³Maro waan kanatifi nu garaa jabaanne. Nu garaa ch'alla injabaanne; ammo gammada Tito arginaani guddo ufile gammanne; isani ch'ufti Tito qarqaartani gammachiiftani.

¹⁴Anini guddo waan keesani isati odeese, isanileeni na inch'eersine. Nu hojja ch'ufa ya d'uga isaniti dubbanne. Akasuma wonti nu Titoni jenne ya d'uga taate.

¹⁵Jaalalti inni isani jaalatu ya iti daramte duuba, yo inni aka isaniini ch'ufti kurfo jirtani qaabate, aka isani sodaafi naasuuni isa fud'attani.

¹⁶Anini guddo gammada waan anini dandae garaa tokooni isani heregad'uufi.