Read BORANA BIBLE – KITAABA WAAQA Galatia 3 Bible Online

Galatia 3 - BORANA BIBLE – KITAABA WAAQA bible

Galatia 3

¹Isani worri Galatia guddo daalle! Entu isani falfale? Aka Yeso Kristoni maskali gubbaa due! Isani ya iluma teesaniini agartani.

²Waan toko ch'alla nati hima: Seera guunnaani Lubbu Waaqa argatani mo, Odu Dansa d'ageetani d'ugefannaani argattani?

³Akami akana daallooftani? Qara Lubbu Waaqaatiini iti keyattani; akamiini jabeenna keesaniini hobaaftani?

⁴Wonti isani barattani tokoleeni woma isanii imbaane? D'uguma, ya wo isanii baate!

⁵Hojja Waaqi Lubbu ufi isanii kenne waan mama jiddu teesaniti tolchu, inni maro isani Seera guuttaniifi waan kana tolcha mo waan isani Odu Dansa d'ageetani d'ugefattaniifi tolcha?

⁶ Akuma t'aafiini waan Abrahamu dubbatte waan jettu: Inni Waaqa d'ugefannaani maro d'ugefacha isaatiifi Waaqi d'uga heregeefi.

⁷ Isani hubachu maltani aka worri d'ugefacha qabu ch'ufti d'aloota Abrahamu.

⁸ T'aafiini, aka Waaqi d'ugefachaani gosa d'ibi d'uga hereguufi duru argite, jennaani t'aafiini Odu Dansa duriyu Abrahamu barsiifte waan jette, Maro teetiifi Waaqi nama lafa jiru ch'ufa eebisa.

⁹Abrahamuni d'ugefateti eeba argate; tanaafi nama d'ugefatu ch'ufa akuma isaa eebisani.

¹⁰ Worri Seera guutiti heregatu ya abaarame. Wonti akanatiifi t'aafiini waan jettu, Nami waan Seera keesati t'aafani ch'ufa gula indeemne ya abaarame jetti.

¹¹Nama dandaani Seeraani, Waaqa durati, d'uga inhereganiifi, tuni dare inqabdu; wonti akanatiifi t'aafiini, Nami d'ugefachaani d'uga hereganiifi injiraata jetti.

¹²Ammo Seeri d'ugefacha imfed'u. Taatule akuma t'aafiini jettu, Nami waan Seeri jed'u ch'ufa guutu sunumaani jiraata jetti.

¹³ Ammo Kristoni, ufi abaarsa nu tahe, abaarsa Seeri nutiini d'ufu jala nu baase. Akuma t'aafiini jettu, Nami mukha irati fannisani ya abaarame.

¹⁴Wonti Kristoni waan kana tolcheefi aka eeba Waaqi Abrahamu kakhate, maro Yeso Kristotiifi gosa d'ibilee kennani, ammalle aka nuleeni maro d'ugefachatiifi Lubbu Waaqi kakhate arganu.

¹⁵Oboleyaani me, fakeenna kanaani hubad'a: Yo nami lama woi ira wold'aqe tatabe gubba t'aafani, nami tokoleeni dandae wold'aqisa suni inch'absu, yokhaani iti indaru.

¹⁶ Waaqi kakhu ufi Abrahamufi ilma isaati khakhate. Ilmaani isaa injettu, ammo Ilmuma kanke jetti, akasi jechaani nama toko ch'alla, Kristo, jechu.

¹⁷ Wonti anini jechu fed'u tana: Waaqi wold'aqisa tolche aka guutu kakhate. Seeri ka ganna d'ibba afuritifi sodoma eegi suni d'ufe dandae wold'aqisa balleesee kakhu Waaqa guutamu ind'owu.

¹⁸ Wonti akanatiifi yo d'aalti Seeraani taate, yoosi kakhuuni intaatu. Taatule Waaqi Abrahamuti kenne, waan inni isaati kakhateefi.

¹⁹Seera maafi kennani re? Aka wollaalaani agarsiisanifi iti darani ammalle Seeri haga ilmi Abrahamu ka iti kakhatani immullatini ch'alla jira. Seera amma nama jiddu jiru kana harka malaikatini nama kennani.

²⁰Ammo nama jiddu suni imfed'ani, yo nami toko ch'alla jiraate. Tokochi suni Waaqa.

²¹Wonti kunini aka Seeri khakhu Waaqaatiini morku agarsiifti? Hiyyo, akasiiniti! Wonti akanatiifi yo Seera nama jireesu namaa kennani, nama dandaani Seeraani d'uga hereganiifi.

²²Ammo t'aafiini, Lafti ch'ufti jabeenna dabaa jala jirti yayu jette, aka worri d'ugefatu galata worra Yeso Kristo d'ugefatuuti kakhatani argatu.

²³Ato hojjaani d'ugefacha ingahiini, Seeri nuu ch'ufa hid'e, haga d'ugefacha mullisaniti.

²⁴Tanaafi gaafasi Seera suniti nu qorqorate, aka haga Kristoni d'ufuuti nu barsiisu, aka d'ugefachaani d'uga nuu heregani.

²⁵Ammo amma d'ugefachaani ya d'ufte, nu barsiisa suni jala injirru.

²⁶Wonti akanatiifi maro d'ugefachatiifi isani Yeso Kristo keesa ilmaani Waaqa taatani.

²⁷Isaniini ch'ufti ka Kristo keesati batisani ya Kristo aka woya uyifattani.

²⁸Tanaafi Yahudifi gochiti d'ibileeni takuma tisseefi balchaleeni takuma, d'iirafi nad'eenileeni takuma; Kristo Yeso keesati nami ch'ufti taka.

²⁹Yo isani ka Kristo taatani, isani d'aloota Abrahamuti, waan Waaqi kakhate inargattani.