Read BORANA BIBLE – KITAABA WAAQA Galatia 5 Bible Online

Galatia 5 - BORANA BIBLE – KITAABA WAAQA bible

Galatia 5

¹Nu balchooma inqamna, Kristoni ya balcha nu tolche! Aka balcha ejaanja, iti deebitani tisse intahiina.

²Ch'aqasa! Anini, Pauloni, waan kana isaniti hima: yo isani qabanqaba qabattani, Kristoni woma isanii imbahu.

³Waan kana anini jabeesu fed'a, aka nama qabanqaba qabatu ch'ufati himu: nami suni Seera ch'ufa gula deemu male.

⁴Isani, worri Seeraani aka d'uga hereganiifi feetani, la Kristo iraa ufi kuttani. Isani eeba Waaqa ira ala jirtani.

⁵Nu inhereganna aka Waaqi d'uga nuu heregu; nu waan kana eeganna, jabeenna Lubbu Waaqa ta d'ugefacha teenna keesa hojattu suniini.

⁶Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu.

⁷Isani qara waan dansa tolchitani! Eentu d'ugaa guutu isani d'owe? Inni akamiini isani sobate?

⁸Waaqi ka isani yaame akasi intolchine.

⁹ Bukho diqo tokoti sagale guddo bukheesa jed'ani.

¹⁰Ammo anini guddo Aabbo keesa isani d'ugefad'a, aka isani waan d'ibi inherenne; ammalle nama isani gaargalchu, abba fed'u taanaanile, Waaqi ingaargalcha.

¹¹Ammo oboleyaani tiyya, yo anini Qabanqaba qabachu maltani jed'e barsiise, maafi ammalle na gaargalchani?

¹²Yo sila worri isani gaargalchu ufi kolaase ira dansayu!

¹³Oboleyaani tiyya, isani aka balchaa taataniifi isani yaamani. Ammo d'araani nafa keesani balchooma dabsatte isani imohatiini. Ammo jaalalti woli isani hojachiisiina.

¹⁴ Seeri ch'ufti Seera kana keesa jira: nama ch'ufa aka ufi jaalattu jaalad'u.

¹⁵Ammo yo isani aka bineensa taatani wolhaatani, eegad'a, yokhaani wolballeesitani.

¹⁶Wonti anini jed'u tana: Lubbuuni ha isani qajeelchituuti, d'araani nafa keesani isani imohatiini.

¹⁷ Wonti nafi keenna fed'u waan Lubbuuni feetuuniti; waan Lubbuuni feetule nafi imfed'u: worri wolii nyaapa, tanaafi waan tolchu feetani dandeetani intolchitani.

¹⁸Yo Lubbuuni isani qajeelchite Seera jala injirtani.

¹⁹Wonti nafi fed'u diiduma teeti: wolbaraachafi t'urifi huji hamtu;

²⁰falfalumafi waan harkaani boch'ani kad'atani. Nami nyaapa wolti tahe wolhad'e, wolqot'isani, wolti dalanani, ufo tahani, gargari woli qoodani,

²¹wolmorkani, farso d'ugani machaani, wolballeesani, waan hamamtu akana heddu tolchani. Anini amma isani gorsa akuma duri tolche: nami waan akana kana tolchu Finna Waaqa inargatu.

²²Ammo Lubbuuni jaalalafa, qilit'amafa, nagayafa, obsafa, naasufa, d'uga gula deemitifa, dansoomafa,

²³ufi diqeesitifi ufi qorqoracha d'alti. Wonti kuni tokoleeni seera inqabdu.

²⁴Worri Kristo Yeso gula yau ya nafa ufi ijeese, d'araafi fed'i isaa ch'ufa woliini.

²⁵Lubbuuni ya jireenna nuu kennite; jireenna keennale qajeelchu malte.

²⁶Nu ufi saadu himmalle, woldalansiisu himmalle yokhaani wolqot'isule himmalle.