Read BORANA BIBLE – KITAABA WAAQA Efeso 3 Bible Online

Efeso 3 - BORANA BIBLE – KITAABA WAAQA bible

Efeso 3

¹Maro waan kanatifi anini Pauloni, ka maro Kristo Yesotiifi hid'ani, isani gosa d'ibiti Waaqa kad'ad'a.

²D'uguma, isani ya d'ageetani, aka Waaqi eeba isatiini huji tana naa kenne, aka isanii jed'e hojad'u.

³Waaqi herega isaa ka d'ossa nati mullise na beesise. Anini waan kana ya diqo toko t'aafe,

⁴ yo waan anini t'aafe soomtani, aka anini waan d'ossa ka Kristo barad'e inargitani.

⁵Duri waan d'ossa kana namati inhimani, ammo amma Waaqi ya Lubbu ufitiini ergattu ufi qulqullofi raagootati mullise.

⁶Wonti d'ossani tana: maro Odu Dansatiifi gochiti d'ibileeni, akuma Yahudiini argatte, eeba Waaqa argatti; worri ch'ufti mita nafa tokoti, kakhu Waaqi Kristo Yeso keesati tolchele inargata.

⁷Waaqi eeba ufitiini hojattu Odu Dansa na tolche, eeba suni jabeenna huji ufitiini naa kenne.

⁸Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

⁹ammalle aka nami ch'ufti mala Waaqa ka d'ossani amma guutani argu. Waaqi, ka waan ch'ufa uume, duri mala ufi d'ofate,

¹⁰aka hojja tana, gumi Waaqaatiini, hayyoota malaika fakaattufi jabeenni gubba jiru ch'ufti qalbi Waaqa ta aka aka jirtu baratu.

¹¹Waaqi herega ufi ka hegeri gula waan kana tolche, ka inni Kristo Yeso Aabbo keennaani guute.

¹²Isa keesa waan nu isaa d'ugefanneefi, fuula Waaqa dura d'ufu indandeenna, ch'eerafi soda male.

¹³Tanaafi anini isani kad'ad'a, waan anini maro teesaniifi gaargaleefi ufi injibaatiina; wonti kuni ch'ufti isanii olaanti.

¹⁴Maro waan kanatifi anini Aabbo durati jilbifad'a,

¹⁵inni abba worra ch'ufa, ka nami lafafi gubba jiruleeni maqa d'ugaa ira argatu.

¹⁶Anini Waaqa kad'ad'a, aka inni durooma guddinna ufitiini jabeenna Lubbu Qulqullo ta garaa keesani jabeesitu isanii kennu,

¹⁷aka Kristoni, garaa keesani keesati qubatu, maro d'ugefachatiifi. Anini inkad'ad'a, aka hiddafi yayabi keesani jaalala keesa tau,

¹⁸ammalle aka isani, gumi Waaqa woliini, hubacha jaalala Kristo argatani, aka jaalalati suni fulla ch'ufa geetu, ballinnafi d'eerinnafi gadi qilumale ch'ufa keesa.

¹⁹Ee, aka jaalala isaa barattani ato nami dandae ch'ufa imbarannele akanaani qit'ooma Waaqaatiini guutamtani.

²⁰Gara isa, ka dandae waan nu kad'annu ira nuu kennu yokhaani waan nu herennule ira, maro jabeenna nu keesa hojatuufi:

²¹gara Waaqa, gumifi Kristo Yeso keesa, guddinni ha tahuuti, haga d'aloota ch'ufa, ammafi hegerile! Amini.