Read BORANA BIBLE – KITAABA WAAQA 1 Thesalonike 1 Bible Online

1 Thesalonike 1 - BORANA BIBLE – KITAABA WAAQA bible

1 Thesalonike 1

¹ Paulofi Silwanofi Timotheoti tatabe tana gara gumi Thesalonike, ta Waaqa Abbatiifi Aabbo Yeso Kristoni taka taate t'aafa. Eebafi nagayi ha keesani tahu.

²Nu hojja ch'ufa maro teesaniifi Waaqaa galata deebimne kad'acha teenna keesa maqa keesani d'oomna.

³Wonti akanatiifi nu Waaqafi Abba keenna durati qaabanna, aka isani d'ugefacha teesani hujiini hojattani, aka jaalalti teesani huji guddo isani tolchisiifte, ammalle aka abdiini teesani Aabbo Yeso Kristo keesa jabdu.

⁴Nu imbeenna, oboleyaani teenna, aka Waaqi isani jaalate isani fohate, aka nama isaa taatani.

⁵Nu Odu Dansa afaani ch'allaani isanii ind'umneeni, ammo jabeennaafi Lubbu Qulqullofi d'uga malaikatini isanii d'umne. Aka nu gaafa isani woliini jiru teenne imbeetani; nu maro dansuma teesaniifi teenne.

⁶ Nuufi Aabbo ufi fakeesitani; ammo ato guddo gaargaltanile, gammada Lubbu Qulqullo iraa argataniini dubbi aka dansa fud'atani.

⁷Tanaafi isani jara d'ugefate ka Makedoniatiifi ka Akaya akheekha taatani.

⁸Wonti akanatiifi dubbini Aabbo isani ira baate, Makedoniafi Akaya ch'alla ingeenne ammo oduuni d'ugefacha isani Waaqa d'ugefattani ya fulla ch'ufa geete. Wonti nu jechu malle injirtu.

⁹Nami ch'ufti waan gaafa nu gara keesani d'umne, ka isani aka dansa nu bulchitani, dubbata, aka isani waan harkaani boch'ani lakiftani Waaqati deebitani, Waaqa d'uga ka jiru hojattani,

¹⁰Ilma isaa ka gubba gadi d'ufu eegattani, Ilma isaa Yeso, ka inni duisa keesaa kaase, dalansu Waaqa ta hegeri d'uftu duraa nu baasu.