Read BORANA BIBLE – KITAABA WAAQA 1 Thesalonike 2 Bible Online

1 Thesalonike 2 - BORANA BIBLE – KITAABA WAAQA bible

1 Thesalonike 2

¹Isaniyu imbeetani, oboleyaani teenna, aka imaltuuni nu gara keesani d'anne guddo wo baate.

² Isaniyu imbeetani, aka Filipi keesati nu d'aanani nu arabsani, ato fulla teesani Thesalonike ind'ufiini. Ammo Waaqi keenna jabeenna nuu kenne, aka Odu Dansa ta gara isaati d'ufte isaniti hasau insodaanne, ato nami hedduuni didele.

³Wonti akanatiifi woni nu isani kad'annu wollaalafi d'araa hamtuufi sobisa tokole inqabdu.

⁴Ammo nu hojja ch'ufa aka Waaqi fed'u hasoomna, maro inni nu jaalate Odu Dansa nuu kenneefi. Nu nama gammachiisu imfeenu, ammo Waaqa ka herega garaa keenna ilaalu gammachiisu feena.

⁵Isani imbeetani, aka nu hasaa namaani sosomnuuni ind'ufiini, yokhaani sabdooma keenna hasaani ind'ossine Waaqaati d'uga teenna!

⁶Nu nama nu faarsu, isanifi nama d'ibile imbarbaanne,

⁷ato aka ergattu Kristo nu waan feenu sila dandeenne isani ira barbaannele. Ammo nu gaafa isani woliini jirru guddo isani qorqoranne, akuma haati ijoolle ufi qorqorattu.

⁸Maro jaalala nu isani jaalanneefi, nu kurfo jirra aka Odu Dansa ta Waaqa ch'alla isanii kenninuuniti, ammo aka jireenna keennale isanii kenninu. Nu guddo isani jaalanne!

⁹Aka nu gaargalaani hojanne isani inqaabattaniiyu? Nu halkani guyya hojanne aka, ato Odu Dansa ta Waaqa hasoomnu, isani ingaargalchine.

¹⁰Isani nu d'uga, Waaqileeni nu d'uga: adabi keenna isani worra d'ugefateti qulqullo qajeela, wollaalale inqabu.

¹¹Isani imbeetani, nu isani ch'ufa akuma abbaani ilmaani ufi heregu herenne.

¹²Isani jabeesine, isani qarqaare, jireenna Waaqa isani yaame finnafi jabeenna isaa isanii qoodu gammachiisu, keesa taa jenne.

¹³Ammalle maro waan kanatifi nu hojja ch'ufa galata Waaqa deebimna. Gaafa nu dubbi Waaqa isanii d'umneeni, isani aka dubbini suni ta namatiini, ammo d'uguma dubbi Waaqaa ch'aqaftani d'ugefattani. Waaqi jiddu isani worra d'ugefate hojachu jira.

¹⁴ Isanileeni, oboleyaani tiyya, akuma gumiini Waaqa ta Kristo, Yeso, ta Yudea keesa jirtu taate, taatani. Akuma worri lafa teesani isani gaargalche, akuma suni worrale Yahudiini

¹⁵ ta Aabbo Yesofi raagoota ijeefte nule d'ibde worrale gaargalchite. Guddo Waaqa dalansiisani! Nama ch'ufa guddo jibbani!

¹⁶Worri dubbi baafama namaa kennitu aka gosa d'ibiti hasoomnu nu d'owu fed'e. Dabi worri guyya ch'ufa tolchu la ammatana muumme bahe. Amma eege dalansuuni Waaqa ya worra d'aqabde.

¹⁷Ammo oboleyaani, gaafa nu diqo toko gargari baane heregaani gargari imbaane ammo nafaani gargari baane guddo ch'ekhoofne sila isani argu feene!

¹⁸Gara keesani deebiu feene. Anini Pauloni maro heddu deebiu fed'e, ammo Sheet'anati nu d'owe.

¹⁹Taatule abdi teennaafi gammada keennafi wonti nu fuula Aabbo Yeso durati, yo inni deebiu, ufi guddimnuufi isanumaaniti?

²⁰Guddinnaafi gammachuuni teenna isani!