Read BORANA BIBLE – KITAABA WAAQA 1 Thesalonike 3 Bible Online

1 Thesalonike 3 - BORANA BIBLE – KITAABA WAAQA bible

1 Thesalonike 3

¹ Obsu dad'amnaani nu aka Athene keesa koba teennu buufanne,

²oboleesa keenna Timotheo, ka nu woliini Waaqa hojate Odu Dansa ta Kristo odeesu ergine. Nu isa ergine, aka inni isani jabeese d'ugefacha teesani qarqaaru,

³aka isaniini tokoleeni maro ilaalachatiifi ilaalaamne. Isani imbeetani aka gaargali akana kunini fed'i Waaqa.

⁴Wonti akanatiifi, ato isani woliini jirru, aka nu gaargalchani durati isaniti himne; aka isani beetani wonti sunini ya taate.

⁵Maro waan kanatifi anini obsu dad'abe Timotheo erge, D'aqi, d'ugefacha worra suni ilaali jed'eeni, aka Sheet'ani isani ilaalate, hujiini teenna ch'ufti lafati inhamne!

⁶ Timotheoni amma ya fulla teesani nuti deebie, ya Odu Dansa ta d'ugefachaafi jaalala teesani nutiini gale. Inni ya aka isani hojja ch'ufa waan keenna dansa hereddani nuti hime, ammalle akuma nu isani argu feenu isanileeni nu argu feetani.

⁷Tanaafi gaargalafi lalefacha teenna ch'ufa keesati ya maro teesaniifi garaa jabaanne, oboleyaani teenna. D'ugefacha teesaniti nu jabeese;

⁸wonti akanatiifi yo isani jireenna keesani keesati Aabbo keesa jabaattani nu injiraanna.

⁹Ammatana maro teesaniifi galata Waaqa deebisu indandeenna. Nu galata Waaqaa deebimna waan isanii jenne gammada arganeefi.

¹⁰Nu halkani guyya garaa keenna ch'ufaani kad'anna, aka nu woli agarre waan d'ugefachaani teesani feetu isanii kenninu.

¹¹Waaqa Abba keennafi Aabbo Yesoni kara nu hariinna, aka nu gara keesani d'umnu!

¹²Aabbooni jaalala isani woli jaalattani nama d'ibile jallattani isanii guddisiina, akuma nuleeni isani jaalannu.

¹³Kara kanaani inni garaa isani jabeese, fuula Waaqafi Abba keenna durati qit'ooftani qulqullo taatani, gaafa Aabbo Yesoni jara isa d'ugefatu ch'ufa woliini d'ufu.