Read BORANA BIBLE – KITAABA WAAQA Yoshua 10 Bible Online

Yoshua 10 - BORANA BIBLE – KITAABA WAAQA bible

Yoshua 10

¹Hayyuuni Yerusalemu, ka Adon-Zedeki jed'ani, aka Yoshuani dira Ai dabsate, akuma inni Yerikofi hayyu isaa tolche, hayyu Ai ijeese dira sunile balleese d'agaye. Ammalle aka worri Gibeoni nagaya worra Israeli woliini tolfatani woliini taani d'agaye.

²Worri Yerusalemu akasi d'ageennaani guddo sodaate; wonti akanatiifi diri Gibeoni haga dira hayyu qabu ka taatefu gudda. Inni dira Ai ira jira, ammalle worri isaaleeni worra jajaba, waan lola guddo beekhu.

³Jennaani Adon-Zedekini hayyuuni Yerusalemu d'aamsa kana Hohamu hayyu Hebronitifi Piramu, hayyu Yarmuthifiti Yafia, hayyu Lakishitifi Debiri, hayyu Egloniti erge waan jed'e,

⁴Koota na qarqaara, Gibeoni haana, waan worri Gibeoni Yoshuafi worra Israeli nagaya woliini tolfatanifi.

⁵Hayyooti shanani Amori tunini — hayyooti ta Yerusalemu, Hebroni, Yarmuthi, Laishifi Egloni — askarti worraa woltini d'ufte goli woli taate, Gibeoni marsite haate.

⁶Worri Gibeoni qonqo Yoshua, ka Gilgali jiruti erge waan jed'eeni, Aabbo nu illakisini, kooti hurrisi nu qarqaari, nu baasi! Hayyooti Amori ch'ufti ta lafa gaareeni, yayu goli wolii baate nu haate.

⁷Jennaani Yoshuafi askartini isaa ch'ufti, ta jajannilleeni ch'ufti sunuma Gilgali kaate.

⁸AABBO Waaqi waan Yoshuani jed'e, Worra diqole insodaatiina. Anini worra yayu harka keetiti kenne worri tokoleeni ka si dura eju injiru.

⁹Halkani suni Yoshuafi askartini isaa Gilgali kaate, yaa bulte, worra Amori d'ufte tassa haate.

¹⁰AABBO Waaqi worra Amori worra Israeli durati mudamsiise lubbu naqe. Duuba worri Israeli lafa Gibeoniti worra hobaase, haga kaarra gaara, worra gusse haga Azekafi Makedatini baase.

¹¹Ato worri Amori kaarra gaara suni askarti Israeli baqatu, AABBO Waaqi bokaya d'akhaa gugurdaani roobu iti roobe. Ato bokeeni sunini inch'aamini worri Azekani bahe. Bokai d'akhaa suni nama worri Israeli ijeese ira ijeese.

¹²Guyya AABBO Waaqi worra Israeli worra Amori dabsachise, Yoshuani AABBO Waaqaani dubbate, worra Israeli ch'ufa durati waan jed'eeni, Adu Gibeoniti ejad'u: Jia atileeni bale Iyaloniti ejad'u.

¹³Aduuni ejate, jiileeni chochou dide haga gochiti Israeli nyaapa ufi dabsatu, Dubbi tana kitaaba Yashari keesati int'aamne? Aduuni haga guyya toko ka ind'iini qajeelte gubba ejite.

¹⁴Taka guyyaani akasi artini duubaafi artini duraleeti intaane, ka AABBO Waaqi jecha nama ch'aqase. Gaafasi AABBO Waaqi worra Israeliti kalche!

¹⁵Eegi waan suni Yoshuafi askartini isaa Gilgaliti dachaate.

¹⁶Ammo hayyooti Amori shanani taani baqatte, goda toko ka makeda jed'ani d'okhachuti jirti.

¹⁷Duuba waan Yoshuani jed'ani, Hayyooti shanani taani ya mullate goda toko ka makeda keesati d'okhachuti jirti.

¹⁸Jennaani Yoshuani waan jed'e, D'akhaye gugurdo afaani goda suniti gangalcha. Nama eegule iti tolcha;

¹⁹ammo isani artiti inhafina, nyaapa keesani dudda duubani reeba had'a; dira isaani seenu d'owa. AABBO Waaqi keesani yayu worra harka keesaniti kenne.

²⁰Duuba Yoshuafi worri Israeli nyaapa suni ituma kaani hobaasani daara baasani ammo hataatuti, worri ka gari baqate dira seene achiti lubbu bahe.

²¹Jennaani askartini ch'ufti nagayaani Makedati Yoshuati deebite. Nami lafa suni keesa jiru ka waan worra Israeli dubbatu tokoleeni injiru.

²²Jennaani Yoshuani waan jed'e goda suni d'akha afaani iraa gangalcha, hayyoota shanani suni natiini koota.

²³Duuba goda suni banani, hayyoota Yerusalemu, Hebroni, Yarmuthi, Lakishifi Egloni.

²⁴Yoshuatini gad'ufani. Jennaani Yoshuani askarti Israeli ch'ufa wolti yaame, waan worra gugurda askarti ka lola isa woliini yaeni jed'e, Koota miila keesanini qaach'era hayyoota tana ira ejaanjad'a. Jennaani worri d'ufe hayyoota suni qaach'era ira ejaanjate.

²⁵Duuba waan jara isaatini jed'e, Insodaatiina, garaa ilaafina: ammo garaa jabaad'a, wonti akanatiifi AABBO Waaqi akanuma nyaapa keesani ch'ufa tolcha.

²⁶Duuba Yoshuani hayyoota taani fit'e, mukha shani irati fafannise reefi worra haga galgala achi tae.

²⁷Aduuni d'iinaani Yoshuani biyyaani reefa worra guura jed'e, duuba reefa suni gadi buusani, goda worri qara keesati d'okhate kaani keesa jissani d'akhaye gugurdo afaani goda suniti gagalchani; d'akhayeeni sunini haga arrale achuma jirti.

²⁸Guyya suni Yoshuani dira Makedatifi hayyu isaale had'e, qabe, nama dira suni keesa jiru ch'ufa, haguma inni gahuni, fit'e hobaase. Ammalle akuma qara hayyu Yeriko tolche, hayyu Makedale tolche.

²⁹Eegi suni Yoshuafi askartini Israeli ch'ufti Makeda kaani Libna had'u d'aqani.

³⁰AABBO Waaqi dira kanafi hayyu isaale akuma kaani harka worra Israeliti kenne, worri nama tokole illakimne, ch'ufa fit'e. Akuma hayyu Yeriko tolchani kanale tolchani.

³¹Eegi suni Yoshuafi askartini isaa ch'ufti Libna kaate Lakishi d'at'e, marsite haate,

³²AABBO Waaqi Lakishi guyya lameeso harka worra Israeliti kenne. Akuma Libna tolche nama tokole illakimne, nama dira keesa jiru ch'ufa fit'ani.

³³Jennaani hayyuuni Gezeri, ka Haramu jed'ani dira Lakishi qarqaaru d'ufe, ammo Yoshuani isaafi worra isaa tokole inhambimne, ch'ufa fit'e.

³⁴Duuba Yoshuafi askartini isaa ch'ufti Lakishi kaate, Egloni d'at'e, marsite haate.

³⁵Worri guyyuma suni worra dabsate, nama ch'ufa fit'e, akuma qara worra Lakishi tolchani.

³⁶Eegi suni Yoshuafi askartini isaa ch'ufti Egloni kaate, dira Hebroni, ka kubile ira jiru iti korte haate

³⁷dabsate. Hayyufi nama dira suni keesa jiruufi ka d'aatu jirule ch'ufa fit'ani. Yoshuani dira suni, akuma qara dira Egloni tolche nama tokole bau d'owe fit'e, dirale balleese.

³⁸Jennaani Yoshuafi askartini isaa ch'ufti dira Debriti deebite haate.

³⁹Inni dira sunifi hayyu isaatiifi dira d'aatu suni jiru ch'ufa qabe, nama keesa jiru ch'ufa fit'e. Akuma inni Hebronifi Libnafi hayyu isaa tolche, akasuma Debrifi hayyu isaale tolche.

⁴⁰Akanaani Yoshuani lafa suni ch'ufa dabsate. Inni lafa gaareenitifi ta Negebutifi ta lafa golbootifi ta lafa gamoojile dabsate; inni tokole illakimne, ch'ufa fit'e, akuma AABBO Waaqi Israeli isaani jed'e kaani.

⁴¹Lafti Yoshuani dabsate haga lafa Kadesh-Barnea ejite Gazafi lafa Gosheni ch'ufa haga Gibeonileeti ejite.

⁴²Yoshuani hayyoota tana ch'ufafi lafa isaanile baruma toko dabsate, waan AABBO Waaqi Israeli, worra Israeliti kalcheefi.

⁴³Eegi suni Yoshuafi askartini isaa ch'ufti Gilgaliti dachaate.