Read BORANA BIBLE – KITAABA WAAQA 2 Timotheo 4 Bible Online

2 Timotheo 4 - BORANA BIBLE – KITAABA WAAQA bible

2 Timotheo 4

¹Anini fuula Waaqatiifi ka Kristo Yeso, ka nama ch'ufa ka duefi ka jirule qoru durati si kad'ad'a: maro d'ufiisafi Finna isaatiifi,

²dubbi tana barsiisi, hojja ch'ufa odeesi, yo fed'anifi yo imfeenele namaa galchi, gorsi, jabeesi, obsaani barsiisi.

³Wonti akanatiifi hojjaani nami barsiisa d'uga gula indeemne ind'ufti, ammo fed'i ufi ch'alla gula yau, nami ch'ufti barsiiftu heddu barbaadata, ta waan worri d'agayu fed'u worrati odeesitu.

⁴D'uga ch'aqasu didani, odu d'ara gula deemani.

⁵Ammo atini hojja ch'ufa ufi qorqorachu malte; gaargala obsi, aka nama Odu Dansa barsiisu tahi, huji Waaqa ch'ufa guuti.

⁶Hojjaani sorio na baasani ya geete; hojjaani anini jireenna kana keesaa bahu ya geete.

⁷Anini ya haga dandau utaale, dogoomsu tiyya la hobaafad'e, d'ugefacha ya jabeese.

⁸Amma galata dabsachaati na eegata, ammo sure d'ugaa ta Aabbooni jaallabi d'ugaa guyya suni naa kennuti na eegata, na ch'allaaniti ammo worra jaalalaani d'ufiisa isaa eegu ch'ufa.

⁹Jabaad'u, hurrisi nati kooti.

¹⁰ Demani ya waan lafaa jaalate na lakise, Thesalonike d'aqe.

¹¹ Luka ch'allaani woliini jirra. Mariko barbaadi, woliini koota, inni huji na qarqaaru indandaa.

¹² Anini Tikiko gara Efeso erge.

¹³Yo d'uftu, kooti kiyya ka anini Troa keesa mana Karpoti lakise na kootiini; kitaaba ch'ufaani kooti, keesuma tatabe gogaa.

¹⁴ Iskandani, ka tumtu, waan hamtu na tolche; Aabbooni waan inni na tolche isa tolchiinna.

¹⁵Ufira isa eegi, inni guddo d'aamsa keenna dide.

¹⁶Gaafa anini guyya qara ufi dubbad'e, nami tokoleeni na inqarqaare; nami ch'ufti na biraa yae. Waaqi waan suni worrati inheregiini!

¹⁷Ammo Aabbooni na woliini tae naa jabeese, aka anini dubbi ch'ufa gosa d'ibileti odeesu; afaani nyeench'a keesaa naa baasani.

¹⁸Ammalle Aabbooni hameenna ch'ufa keesaa na baase, haga anini Finna isaa argad'uuti na qorqorata. Guddinni ammafi hegerile ka isaa tahinna! Amini.

¹⁹ Anini nagaya Priskafi Akila d'aama, worra Onesiforole.

²⁰ Erastoni Korinthoti hafe, anini Trofimo Miletoti lakise, waan inni fayya d'abeefi.

²¹Jabaad'u, bulti qabanna duraa kooti. Eubulofi Pudefi Linofi Klaudiafi oboleyaani ch'ufti nagaya isanii d'aamani.

²²Aabbooni lubbu tante woliini tahinna. Eebitileeni isani ch'ufa woliini tahinna.