Read BORANA BIBLE – KITAABA WAAQA Ebrania 5 Bible Online

Ebrania 5 - BORANA BIBLE – KITAABA WAAQA bible

Ebrania 5

¹Qaallu gudda jiddu nama keesaa fohatani, aka maro namatiifi Waaqa hojatu. Inni waan Waaqaa baasaniifi sorio ta daba baaftu baasa.

²Nama daallefi ka wollaala tolchu obse gorsu dandaa, waan innileeni laafinna qabuufi.

³Maro waan kanatifi inni, maro daba gumi ch'allaaniti, ammo maro daba ufile sorio qallu male.

⁴ Nami guddinna kana ufiini imfud'atu, ammo Waaqati yaama, akuma duri Haruni yaamani.

⁵ Akasuma Kristoni guddinna kana ufi fud'ate qaallu gudda ufi intolchine, ammo Waaqi waan isaani jed'e, Atini Ilma kiyya, anini arra ya abbaa sii tahe.

⁶ Fulla d'ibileti inni waan jed'e, Atini qaallu haga hegerile jiru taata, aada qaalluma ta Melkizedeki gula.

⁷ Gaafa lafa jiru, Yesoni qonqo guddofi imimaaniini aka male Waaqa kad'ate, ka dandae duisa keesaa isa baasu. Waan inni Waaqa sodaateefi Waaqi isa d'agaye.

⁸Ammo, ato Ilma Waaqa tahele, inni kara gaargalatiini Waaqa guutu barate.

⁹Inni qit'oomnaani, abba baafama hegeri ka nama isa saalfatu ch'ufaa tahe,

¹⁰Waaqi qaallu gudda isa tolche, aada qaalluma Melkizedeki gula.

¹¹Waan hedduti jira, ta sila nu dubbi tana irati jennu, ammo guddo jabaatti, aka isaniti himnu, waan isani guddo mata jabaattaniifi.

¹² Isani hojja tana jara nama barsiisu tahu maltani, ufiiftu nama waan qara ta dubbi Waaqa isani barsiisu feetani. Isani harma hod'u maltani, sagale jabdu indandeettani.

¹³Wonti akanatiifi nami harma hod'u ammalle ijoolle, d'arafi d'uga gargari imbeekhu.

¹⁴Ammo sagaleeni jajabduuni ta nama gugurdati, ka hubacha argate waan dansaafi hamtu gargari beekhu.