Read BORANA BIBLE – KITAABA WAAQA 2 Petro 3 Bible Online

2 Petro 3 - BORANA BIBLE – KITAABA WAAQA bible

2 Petro 3

¹Jaalaani tiyya, tatabeeni lameeso ta anini isanii t'aafe tana. Tatabe tana lachu keesati anini ya herega dansa isanii kennu fed'e, waan kana isani qaabsiise.

²Dubbi raagooti qulqullooni duri jetteefi ammalle seera Aabboofi Qarqaarsi harka ergattu isatiini isanii kenne qaabad'a.

³ Qaraa fiit'e, hubachu maltani, aka guyya eege, nami gari ka d'araa nafa ufi ch'alla fed'u, gadi d'ufu. Isani koblani

⁴waan jed'ani, Inni Ind'ufa jed'eeyu? Amma meeti? Ababooti teenna duri doote, ammo wonti ch'ufti haga lafa uumani akuma takaakaa jirti! jed'ani.

⁵ Worri suni ato beekhu, waan kana dida: duri Waaqi dubbannaani lafafi gubba uumani. Lafa suni bisaani keesaafi bisaaniini uumani,

⁶ammalle bisaani lolatiini lafti duri badde.

⁷Ammo lafafi gubba amma jirtu tana ya olkayani, dubbuma Waaqa suniini, aka ibidaani balleesani. Inni guyya nama daba ch'ufa qorani balleesaniifi olkaye.

⁸ Ammo waan kana inded'ina, jaalaani tiyya! Waaqa durati guyya tokofi ganni kunki tokoleeni haguma taka.

⁹Aabbooni kakhu ufi inuma guuta, aka nami gari sehuniti. Ammo inni guddo isani obsa; wonti akanatiifi inni nama tokole ka badu imfed'u, ammo nama ch'ufa ka daba iraa deebiu fed'a.

¹⁰ Ammo Guyyaani Aabbo aka hattu d'ufa. Guyya suni gubbaani iyana guddooni badde, wonti gubba jira ch'ufti gubatte hobaate, lafafi wonti isi keesa jira ch'ufti imbaddi.

¹¹Maro wonti kunini ch'ufti akana badduufi, isani nama akami tahu maltani? Jireenni keesani ch'ufti ha qulqullae Waaqa durati qit'au,

¹²ato Guyya Waaqaa eeddanu, jabaad'a aka Guyyaani suni hurrise d'ufu — Guyya gubbaani gubatte badde, wonti gubba jira ch'ufti bat'e baddu.

¹³ Ammo nu waan Waaqi nuu kakhate lafa hareetifi gubba hareeti d'ugani guutamte teenne eeganna.

¹⁴Tanaafi jaalaani tiyya, ato guyya suni eeddanu, jabaad'a aka fuula Waaqa durati qit'oomtani, wollaala male nagayaani isa woliini teetani.

¹⁵Aka obsi Aabbo keenna baafama nu tahu qaabad'a, akuma oboleesi keenna Pauloni qalbi Waaqi isaa keenneeni isaanii t'aafe.

¹⁶Wonti inni tatabe ufi ch'ufa keesati t'aafu tana. Waan jajabduti tatabe isaa keesa jira, ka nami woma imbeenneefi lalaafaani aka d'ara himu, akuma worri waan t'aafi qulqullo keesa t'aafani ka gari tolche, akanaani ufi balleesu.

¹⁷Ammo isani, jaalaani tiyya, waan kana qaraa beetani. Ufi tissa duuba, aka wollaali nama Seera inguunne isani balleese teesuma teesani dansa ind'amne.

¹⁸Ammo eebafi hubacha Aabbo Qarqaarsa keenna Yeso Kristo keesa guddad'a. Guddinni ka isaati, ammafi hegerile! Amini.