Read BORANA BIBLE – KITAABA WAAQA 1 Yohona 3 Bible Online

1 Yohona 3 - BORANA BIBLE – KITAABA WAAQA bible

1 Yohona 3

¹ Haga Abbaani nuu jaalate ilaala! Jaalati isaa waan guddo, tanaafi ijoolle isaa nuuni jed'ani, nuleeni akasuma. Wonti nami lafa nu imbeenneefi waan Waaqale imbeenne.

²Jaallani tiyya, nu amma ijoolle Waaqati, ammo ammalle waan iti yaanu aka dansa imbeennu. Ammo waan kana imbeenna: Yo Kristoni mullate nu aka isaa taana waan nu aka inni jiru arginufi.

³Nami abdi tana Kristo keesa qabu ch'ufti akuma inni qulqullo ufile qulqullaa.

⁴Nami daba tolchu ch'ufti yayu seera Waaqa ch'abse, wonti akanatiifi daba tolchitini seera ch'absiiti.

⁵Isani imbeetani, Kristoni aka daba ch'ufa fud'atuufi d'ufe, ammo dabi isa keesa injiru.

⁶Tanaafi nami Kristo keesa tau sila daba intolchu; ammo nami daba tolchuma tolchu taka isa ingarre yokhaani isa imbeenne.

⁷Nami tokoleeni isani insobini, ijoolle! Nami waan qajeela tolchu ch'ufti nama d'ugaati, akuma Kristoni ka d'ugaa.

⁸Nami daba tolchu ka Sheet'anaati, waan Sheet'ani haguma duriiti daba tolchuufi. Ilmi Waaqaa aka huji Sheet'ana dabsatuufi d'ufe.

⁹Nami Waaqaani d'alate daba intolchu, waan jireenni Waaqa isa keesa taufi; ammalle inni dandae daba intolchu, maro inni Waaqaani d'alateefi.

¹⁰Maro waan kanatifi ijoolle Waaqatiifi ijoolleeni Sheet'ana gargari gorti: nami d'uga intolchine yokhaani ka oboleesa ufi injaalanne ch'ufti ka Waaqaatiiniti.

¹¹ D'aamsi isani haguma duriiti d'ageetani kana: aka nu ch'ufti woljaalachu malle.

¹² Aka Kaini tahu himmalle; inni goli Sheet'ana tahe, oboleesa ufi ijeese. Kaini maafi isa ijeese? Maro wonti oboleesi isaa tolche qajeela taate, ta inni tolche hameenna taateefi.

¹³Tanaafi himamiina, oboleyaani tiyya, yo nami lafaa isani jibbe.

¹⁴ Nu aka dua lakimne jireennati baane beenna; maro oboleyani teenna jaalannuufi waan kana beenna. Nami nama injaalanne duisa keesa jira.

¹⁵Nami oboleesa ufi jibbu ya nama ijeese; isani imbeetani aka nami nama ijeesu jireenna hegeri ufi keesa inqamne.

¹⁶Aki nu jaalala beennu kana: Kristoni jireenna ufi nuu baase. Nuleeni duuba jireenna keenna oboleyaani teenna baasu malle.

¹⁷Yo nami hori lafa tana qabaate ammalle oboleesa isaa ka gaargala qabu arge ammo garaa iti jabaate, inni akamiini, Waaqa jaalad'a ufiini jed'a?

¹⁸Ijoolle tiyya! Jaalalti teenna dubbi afaani ch'alla intahiini; ammo jaalala d'uga tahu malte, ta huji dansaani ufi mulliftu

¹⁹Kara kanaani nu aka d'uga keesa jirru ufi beenna. Kara kanaani Waaqa durati garaa ufi jabeesina.

²⁰Yo heregi keenna wollaala nuti mure nu aka Waaqi herega keenna ira gudda ka ammalle waan ch'ufa beekhu imbeenna.

²¹Tanaafi jaallani tiyya yo heregi keenna wollaala nuti imurini, nu Waaqa durati woma insodaannu.

²²Waan kad'annu ch'ufa isa ira inarganna, maro nu seera isaa guunne waan isa gammachiisa tolchinufi.

²³ Wonti inni fed'u tana: aka nu Ilma isaa Yeso Kristo d'ugefanne, aka Kristoni nuti hime woljaalannu.

²⁴Nami seera Waaqa gula deemu ch'ufti Waaqa keesa jira, Waaqileeni isa keesa jira. Kara kanaani aka Waaqi nu keesa jiru beenna, waan inni Lubbu ufi nuu kenneefi.