Read BORANA BIBLE – KITAABA WAAQA Jaallaboota 11 Bible Online

Jaallaboota 11 - BORANA BIBLE – KITAABA WAAQA bible

Jaallaboota 11

¹Yefthani nami janni Gileadi ilma sharmut'aati. Abbaani isaa Gileadini

²ilmaani d'ibile ka niitiini isaa d'alte, qaba; ilmaani tunini gugurdannaani Yeftha worra isaani keesaa baafte waan jetteeni waan tokole aabbo ira ind'aaltu, atini ilma haad'a d'ibiiti.

³Yefthani baqate lafa Tobuti gale. Achiti jara algala tokooni wolargatani woliini yaani.

⁴Eege bulti heddu worri Amoni worra Israeliti duule.

⁵Jennaani jaaroleeni Gileadi d'at'e Yeftha lafa Tobu keesaa fuute,

⁶waan jetteeni, kooti, abba duula nu tahi, aka nu worra Amoni haanu.

⁷Ammo Yefthani waan jed'eeni, Isani qara na jibbitani, worra abba kiyya keesaa na imbaamne? Amma ka gaargala qabdani, maafi nati d'uftani?

⁸Jaaroleeni waan isaani jette — wonti nu siti dachaanufi aka atini nu woliini deemte worra Amoni haane, atileeni worra Gileadi gudda iti taatu.

⁹Yefthani waan worrani jed'e, yoyu isani worrati na galchitani, nu worra Amoni suni haane, AABBO Waaqi nu dabsachiise, duuba anini gudda keesaani taha.

¹⁰Worri waan jed'eeni, Hataatuti, nu ya ee jenne, AABBO Waaqi d'uga teenna.

¹¹Duuba Yefthani jaarole Gileadi gula gale, biyyiti isa ulfeesiti gudda tolfate. Yefthani dubbi qara Mispati jed'e taani ch'ufa ira deebie AABBO Waaqa durati jed'e.

¹²Jennaani Yefthani nama gara hayyu Amoni erge waan jed'e, Wonti atini nu quufa d'abde mani? Atini maanifi lafa teenna haate?

¹³Hayyuuni Amoni waan worra Yefthani erge sunini jed'e, Gaafa worri Israeli lafa Misiri keesaa bahe, worri lafa tiyya haga galaana Arnoniti fuud'e galaana Yabokitifi ka Yordaniti d'aabe fud'ate. Amma lafa suni nagayaani nuu deebisa.

¹⁴Yefthani ammalle worra inni erge kaani gara hayyu Amoni deebise waan jed'eeni,

¹⁵Yefthani waan jed'u, Aki worri Israeli lafa Moabutifi yokhaani lafa Amoni fud'ate d'uganiti.

¹⁶Aki isii akana; gaafa worri Israeli lafa Misiri keesaa bahe, worri lafa aloo ta gamooji keesa godaane, galaana Diima taake Kadeshini bahe.

¹⁷Duuba nama gara hayyu Edomu ergani, si kad'anna, lafa tante keesa nu dabarsi jed'ani. Ammo hayyuuni Edomu sunini worra jala dide. Worri hayyu Moabule kad'annaani innileeni dide. Tanaafi worri Israeli Kadeshumati hafe.

¹⁸Jennaani worri lafa aloo ta gamooji keesa godaane, lafa Edomutifi lafa Moabu ira mare. Moabu moga ilaborutiini bahani gama galaana Arnoniti qubatani, ammo galaana Arnoni intaakine, waan inni seera lafa Moabu ira bahufi.

¹⁹Jennaani worri Israeli nama Sihoni hayyu Amori ka Heshboni tauti erge waan jed'aniini, Nu si kad'anna, lafa tante keesa lafa teennati nu dabarsi.

²⁰Ammo Sihonini dide nama isaa ch'ufa duula wolti baase, Yahasiti naannaani, worra Israeli had'ani.

²¹Ammo AABBO Waaqi Israeli worra Sihonitifi duula isaa ch'ufa harka worra Israeliti kenne. Jennaani worri Israeli lafa worra Amori, ka gaafasi arda suni jiru, ch'ufa fud'ate.

²²Lafti worri fud'ate tana: haga galaana Arnoniti bitaati fuud'ani Yaboki mirgati d'aabani, ammalle haga lafa gamooji ta ilaboruti fuud'ani, galaana Yordani ila aduti d'aabani.

²³Duuba nami worra Israeliti jed'e, worra Amori lafa worra keesaa baase, AABBO Waaqa Israeli.

²⁴Atini amma lafa suni deefachu feeta? Atini waan waaqi kanke Kemoshini si kenne ch'ufa fud'adi woliini tae nuleeni waan ch'ufa ka AABBO Waaqi keenna nu keennu fud'anne woliini teenna.

²⁵Atini waan Balaki, ilma Sipori, ka hayyu Moabu, ira jirtu ufi seeta? Inni taka Israeliini ya morke? Inni taka ya nu had'e?

²⁶Haga ganna d'ibba sadi ka worri Israeli Heshbonifi Areorifi dira d'aatu jirufi dira galaana Arnoni d'aatu jiru ch'ufa keesa qubate isani maafi haga suni ch'ufa lafa suni indeefatina?

²⁷Lakisi, anini taka waan tokole si duraa iyyakine; siti nu yaku jira, ka na haatu. Nami wolti nu laalu AABBO Waaqa, isumati ara nufi worra Amoni gargari baasa.

²⁸Ammo hayyuuni Amoni dubbi Yeftha iraa d'ufte tana womatu indarre.

²⁹Jennaani lubbuuni AABBO Waaqa Yeftha ira buute inni Gileadifi Manase keesa dabre, Mispa ta lafa Gileadi deebie Amoniti dabre.

³⁰Yefthaani AABBO Waaqa durati kakhate waan jed'eeni, Hojja atini worra Amoni harka kiyyati kennite,

³¹anini nama qara mana kiyya keesaa bahe yoyo tiyya d'ufe, hojja anini Amoni dabsad'e gale, gube sorio sii baasa.

³²Jennaani Yefthani galaana taake worra Amoni had'e, AABBO Waaqileeni isa dabsachiise.

³³Inni haga Aroeriti worra had'e arda Minithi dira diddama ka keesa jirufi haga Abel-Keramimu ch'ufa balleese hobaase hafu d'owe; akanaani worri Israeli worra Amoni dabsate.

³⁴Yefthani worra isaa ka Mispa jiru gallaani, intalti isaa takatiini ta inni isi male waan d'ibi ind'alini dibbe fud'ate sirbite yoyifachu fuula ke d'ufte.

³⁵Inni isi arginaani aka male laalefate, woya ufi tarsaase waan jed'e, Arra badi intala tiyya, atini maanifi onne na kuta! Maanifi nami na gaargalchu kunini si taha? Anini yayu kakhu jabdu Waaqa durati kakhad'e, dandae inch'absu!

³⁶Isiini waan jetteeni, Aabbo, waan AABBO Waaqati kakhate intolcha jette na tolchi, eegi AABBO Waaqi haalo nyaapa kanketi worra Amoni si bafachise.

³⁷Ammalle isiini waan abbaani jette, waan kana ch'alla naa tolchi, haga jia lama na lakisi, aka anini jaallowaani tiyya woliini lafa gaareeni keesa dedeeme, aka waan ato dubratu duufi bohu.

³⁸Inni eebisefi haga jia lama gad'iise. Isiini jaallowaani isi fud'atte, gaareeni korte, waan ato fuud'ani ilmaani ind'alini dootufi laalefatte bote.

³⁹Eegi jia lama abbaati deebite, inni waan kakhate guute isiini ato dubratu doote. Tunini worra Israeliti aada taate.

⁴⁰Aka dubriti ch'ufti ganna keesa bulti afuri intala Yeftha Gileaditi bootu.