Read BORANA BIBLE – KITAABA WAAQA Jaallaboota 20 Bible Online

Jaallaboota 20 - BORANA BIBLE – KITAABA WAAQA bible

Jaallaboota 20

¹Worri Israeli, haguma Dani mirgaa bahe Beersheba bitaati d'aabe, lafa Gileadi, ta ilaboru woliini, yaamicha kana d'agaye, haguma gahuni, Mispati AABBO Waaqa durati wolti bahe.

²Worri gugurdaani gosa Israeli ch'ufti woltibahisa gumiini Waaqa wolti baate keesa jira, ammalle askarti nama kuma d'ibba afuri ka miilaani yauti gumi tana keesa jira.

³Ammalle worri Benjamini, aka worri Israeli ch'ufti Mispati wolti bahe d'agaye, duuba worri Israeli namicha Lawi kaani gaafate waan jed'eeni, Aka hameenni kunini gula d'ufe nuti himi.

⁴Namichi Lawi, ka gaarayu isaa ijeesani kaani, waan jed'e, Anaafi gaarayuni tiyya dira Gibea, ka lafa Benjamini, bulle jennaani,

⁵worri Gibea d'ufe na had'e, mana keesati na marse na ijeesu fed'e, ammo eege gaarayu tiyya buufate ijeese.

⁶Anini reefa isii fuud'e gargari ch'ire, gosa kud'ani lama ta Israeli toko tokooni iti erge. Wonti anini akasi tolcheefi, worra kanati hameennaafi daba takuma inargini nu keesati tolche.

⁷Amma isani worri Israeli, dubbi tana dubbad'a.

⁸Jennaani nami ch'ufti olkae, woligale waan jed'e, Nu nami tokoleeni ka waarofi manati galuleeni worrati indeebiini.

⁹Wonti nu taanu tana: hit'a buufanne, nama Gibea had'u fohanna.

¹⁰D'ibba ch'ufa keesa nami kud'ani ka Israeli woreega worra duulatini d'ufe, kaaleni Gibea d'aqe haalo bafata, maro daba taka inargini ka Israeli keesati tolchani kaanifi.

¹¹Jennaani worri Israeli ch'ufti garaa tokooni wolti bahe, aka dira suni had'u.

¹²Gochiti Israeli ch'ufti nama ergaa lafa gosa Benjamini keesa ergite waan jette, Dabi hamani kunini maani, ka isani tolchitani?

¹³Hurrisa, worra algala hama daba kana hojatte nuti kenna, aka nu worra find'e hameenna kana gosa Israeli keesaa baamnu. Ammo worri Benjamini dubbi worra odula kaasu dide.

¹⁴Ammo dira lafa Benjamini ch'ufa keesaa bahani Gibea d'ufani, aka worra Israeli kaani d'ibi had'ani.

¹⁵Guyya suni worri nama kuma diddami jaa dira ch'ufa keesaa wolti yaame. Worra kana male, worri Gibea nama d'ibba torba ka ch'ufa bitaacha ka filani wolti baase. Worri sunini ch'uftinu guddo gulubaani d'akha darbu beekha rifeensa matale ind'abu.

¹⁶

¹⁷Gochiti Israeli taani nama duula, ka kuma d'ibba afuri, wolti baafte.

¹⁸Worri Israeli ch'ufti Betheli d'aqe, Waaqa gaafate waan jed'ani gochiti qara Benjamini haatu tami? AABBO Waaqi waan jed'eeni, Gosa Yuda.

¹⁹Jennaani worri Israeli boriyya lafa d'aatu Gibeati nanae.

²⁰Duuba worra Benjamini had'u d'aqani, askarti d'aatu dirati kurfeesani.

²¹Duuli worra Benjamini diraa gabahe, ato guyyaani inhobaini askarti Israeli kuma diddami lama hobaase.

²²Jennaani worri Israeli fulla Waaqa iti kad'atani taani d'aqe, haga galgala AABBO Waaqa durati bohe waan jed'eeni, Nu deebine oboleyaani teenna ta Benjamini inaana? Jennaani AABBO Waaqi ee jed'eeni. Duuba duuli Israeli garaa jabaate, askarti isaani fulluma qara worri kale jiruti deebise.

²³

²⁴Duula worra Benjamini maro lameeso had'ani.

²⁵Ammalle akuma suni worri Benjamini Gibea keesaa bahe, askarti Israeli ta guddo had'iisa barate, nama kuma kud'ani saddeeti, gate.

²⁶Jennaani worri Israeli Betheli d'aqe bohe, achiti worri AABBO Waaqa dura tae haga galgala ufi agabse, sorio gubanifi ta wold'ageeti AABBO Waaqaa baasani.

²⁷Gaafasi Sanduqi Wold'aqisa Waaqaa Betheli jira, Finehasi, ilmi Eleazari, ka akhaakhu Haruniti, huji isaa harkaa qaba. Biyyiti AABBO Waaqa gaafate waan jette ammalle yaane oboleyaani teenna ta Benjamini inhaana mo yala baana? AABBO Waaqi waan jed'eeni, Beena, had'a, bori indabsatani.

²⁸

²⁹Jennaani worri Israeli askarti gari Gibea dira d'aatuti d'osse,

³⁰duuba maro sadeeso duula Benjamini had'ani, akuma qara kaani askarti worra Gibea d'aatuti kurfeesani.

³¹Worri Benjamini akuma qara had'iisa gabahe jennaani sobani dira iraa fageesani. Duuba akuma qara kaani worri askarti Israeli had'e, ballinna lafa, kara Betheliti deemufi ka Gibeati deemu keesaleti, nama sodoma fit'ani.

³²Worri Benjamini waan jed'e, Akuma qara kaani yayu worra dabsanne. Ammo worri Israeli qara waan jed'e, Koota, duraa baqanne, dira worra ira fageesine, karaati d'ieesina.

³³Duuba duuli Israeli dudda duuba deebie. Baal-Tamariti ch'ibra tolfatani, jari Gibea marse kaani fulla iti d'okhate ta d'akhaye, ta d'aatu dira taani, gadi bafate.

³⁴Nami kuma kud'ani ka Israeli keesaa filani kaani aka jaba Gibeati woli had'ani. Worri Benjamini, aka badiini worra geete, kana inhubanne.

³⁵AABBO Waaqi askarti Israeli worra Benjamini dabsachiise. Worri Israeli nama kuma diddami shanitiifi d'ibba toko ijeese,

³⁶jennaani worri Benjamini aka dabsatani hubate. Wonti worri Israeli worra Benjamini duraa baqatefi, worri worra d'aatu Gibea d'okhate kaani abdate.

³⁷Jari d'okhate suni Gibea duude, dirati gargari bahe, nama ch'ufa hobaase.

³⁸Duuba duula Israeli kaanifi jari Israeli ka d'okhate kaani qara akheekha woli kenne, akheekhi sunini kana: hojja aara ibida ka aka dumansa olbahu argani.

³⁹Worri Israeli ka qara nyaapa duraa baqate kaani iti garagala. Yo suni worri Benjamini ya worra Israeli nama sodoma ijeese waan woliini jed'e, Akuma qara kaani ya worra dabsanne.

⁴⁰Jennaani akheekhi kaani mullate, aari guddaani aka dumansa dira keesa olbahe. Worri Benjamini kaani ufi duuba millannaani dira ch'ufa ka gubate bobau arge mame.

⁴¹Worri Israeli garagale jennaani worri Benjamini baddi ufi arge mudame,

⁴²worra Israeli duraa lafa diidati baqate, ammo worra duraa bahu dad'abe. Wonti akanatiifi worra yayu gama lachuyu marsani, worri dira keesa jiru kaani gabahe worra balleese.

⁴³Worri Israeli worra marse, duuba ato miila ind'aabatini, haga Gibeani ilaboru worra reebe karaati hobaase.

⁴⁴Nama kuma saddeeti ka Benjamini jajanna ch'alla fit'ani.

⁴⁵Jari kaani d'ibiini garagale, lafa diida ta d'akhaye Rimoniti baqate. Ammalle nama kuma shani karaati fit'ani. Ka hafele gara Gidomu gussani nama kuma lama keesaa fit'ani.

⁴⁶Nami Benjamini ka gaafasi fit'ani ch'ufti wolti nama kuma diddami shani, ka ch'ufti jajanna.

⁴⁷Ammo nami d'ibba jaa lafa aloo ta d'akha Rimoniti baqate bahe, haga jia afuri achi tae.

⁴⁸Worri Israeli garagale d'iirafi nad'eenifi ijoolle ammalle horile ch'ufa fit'e, dira arda suni ch'ufa gube.