Read BORANA BIBLE – KITAABA WAAQA Jaallaboota 21 Bible Online

Jaallaboota 21 - BORANA BIBLE – KITAABA WAAQA bible

Jaallaboota 21

¹Gaafa worri Israeli Mispati wolti bahe, worri AABBO Waaqa durati kakhate, waan jed'e, Nu nami keenna tokoleeni dubra teenna worra Benjaminiti ingurguru.

²Duuba amatana worri Israeli suni Betheli d'aqe Waaqa dura haga galgala tae, lalabe laalalaani bohe waan jed'e,

³Ee AABBO Waaqa Israeli, wonti kunini maafi taate? Gochiti Benjamini maanifi gossa Israeli keesaa badu geeti?

⁴Boriyya ganama biyyiti lafaa kaate, waan sorio irati baasani jaarate, sorio gubanifi sorio wold'ageeti irati Waaqaa baasani.

⁵Worri waan wolgaafate, Gochiti Israeli ta AABBO Waaqa dura woldeenna Mispa ind'ufini jirti? (Worri yayu kakhate aka nama Mispati ind'ufini ijeesani.)

⁶Worri Israeli oboleyaani isaani ta gosa Benjaminiti nahe waan jed'ani, Arra Israeliini gosa isii toko yayu d'abde.

⁷Nu maani taana, aka worra Benjamini suni ka hafe dubra fuusimnu? Nu qara AABBO Waaqa durati kakhanne, aka dubra teenna worra infuusimne.

⁸Duuba wolgaafatani waan jed'ani, Eenuti gosa Israeli keesa woldeenna Mispa ind'ufini? Jennaani nama tokole ka Yabesh-Gileadi d'ufe d'abani.

⁹Jara duula tohatani jennaani worra Yabeshi keesaa d'abani.

¹⁰Jennaani gumiini nama kuma kud'ani lama ergite waan jette, Bena, worra Yabeshi ch'ufa nad'eenifi ijoollele woliini fit'a.

¹¹Waan isani taatani, d'iirafi nad'eeni ch'ufa fit'a ammo ijoolle dubra lakisa.

¹²Worra Yabeshi suni keesa dubra d'ibba afuri argani, fuud'ani Shilo ta lafa Kanaani keesatini d'ufani.

¹³Jennaani gumiini taani ch'ufti worra Benjamini, ka d'akha Rimoni jiru, qonqo iti ergite, koota ga gala, nagaya dubbanna jetteeni.

¹⁴Worri Benjamini gale jennaani dubra Yabeshi — ta boojiani taani qoodanifi, ammo dubarti sunini worraani inqit'omne.

¹⁵Biyyiti worra Benjaminiti naate, waan AABBO Waaqi gosa Israeli, gosa toko keesaa balleese, akasiini seleseefi.

¹⁶Jannaani jaaroleeni gumi waan jette, Nad'eeni tokoleeni gosa Benjamini keesati inhamne. Nu amma worra hafe kana eesaa dubra iti agarra?

¹⁷Israeliini gosa ufi toko qulqullo d'abu himmalle tanaafi mala gosa Benjamini daara badi d'owarru d'au malle.

¹⁸Ammo dandeenne dubra teenna infuusimnu wonti akanatiifi, nu qara kakhanne, aka nama keenna ka worra Benjaminiti dubra kennu abaaru.

¹⁹Jennaani heregani waan jed'ani jilti AABBO Waaqa ta ganna, ta Shiloti tolchani, ya d'iaate. (Shiloni suni Bethliini mirgaa, Lebonani bitaa, ammalle kara Bethelifi Sheimu jiddu bahuni ila boru.)

²⁰Duuba waan worra Benjaminitini jed'aani, Beena, oobru zabibu keesati d'okhad'a

²¹eega. Hojja dubarti Shilo guyya jila suni sirbaa d'ufte zabibu keesaa gadi baha isani namu ijoolle dubra suni irreeni buta, lafa teesani ta Benjaminiti galad'aani.

²²Yo abbootifi oboleyaani worra barbaadu d'ufte isani gaafate, waan jettaniini, D'iiro, nu eebisa, nu lola keesa isani ira infud'anne. Ammalle waan isani ufiini nu inkeniinifi isani kakhu teesani inch'absine.

²³Worri Benjamini akuma worri jed'e tolche; worri ch'uftinu dubra Shiloti sirbitu keesaa fuud'ani itiini d'aabatani. Jennaani lafa ufiti galani, dira ufi jaaratani keesa taani.

²⁴Bara suni worri Israelileeni kae, nami ch'ufti gosafi worraafi hori ufiti gale.

²⁵ Gaafasi Israeli keesa hayyuuni injiru, nami ch'ufti woma fed'i ufi taha.