Read BORANA BIBLE – KITAABA WAAQA 1 Samueli 12 Bible Online

1 Samueli 12 - BORANA BIBLE – KITAABA WAAQA bible

1 Samueli 12

¹Jennaani Samuelini waan worra Israelitini jed'e, Anini yayu waan isani kad'atani ch'ufa isanii guute, hayyu isanii kenne,

²isati amma tana isani fide isaniini deema. Anini gama kiyyaani yayu jaare arrae, ilmaani tiyaaleeni tanuma, haguma kaimoma kiyyati asi isanuma dura deema.

³Anini amma kunooti hojja anini wo yake, amma tana na himad'a, AABBO Waaqafi hayyu inni muude kana durati, anini taka loonifi harre yayu nama ira fud'ad'e? Anini taka nama sobe yokhaani ya dabse? Anini taka yayu gumbo nama ira fud'ad'e? Yo anini waan kana tokole tolche ani amuma tana baasa.

⁴Biyyiti waan jette, Laki, atini taka nu sobde nu indabsine; atini taka nama tokole ira waan tokole infud'anne.

⁵Samuelini waan jed'eeni, AABBO Waaqafi hayyuuni inni fohate kunini ara d'ugaa na tahani, aka isani wollaala naraa d'abdani. Biyyiti waan jetteeni, Ee, d'uguma, AABBO Waaqati d'ugaa teenna.

⁶Samuelini ammalle waan jed'e, Nami Musafi Haruni fohate ababoota teesani lafa Misiri keesaa baase AABBO Waaqa.

⁷Amma fulluma jirtani tana ejaanja, duuba anini AABBO Waaqa durati isani qaabsisa waan jabdu AABBO Waaqi isanifi ababoota teesani aka isani baase tolche, isani garsiisa.

⁸Gaafa Yakobofi worri isaa Misiriti godaane, ka worri Misiri worra dabse, ababooti teesani qarqaarsa AABBO Waaqati boote, duuba inni Musafi Haruni erge, akasiini worra lafa Misiri keesaa baase, armaani d'ufe qubsise.

⁹Ammo biyyiti AABBO Waaqa isaani deete, tanaafi inni worra Filistitifi, hayyu Moabutifi Sisera, gudda askarti dira Hasori, iti erge, aka ababoota teesani had'ani dabsatani.

¹⁰Jennaani worri qarqaarsa AABBO Waaqati bohe waan jed'e, Nu yayu siti ch'ubbamne, Ee AABBO Waaqa waan siraa gore akheekha Baalitifi ka Ashtorethi kad'anneefi. Amma nyaapa keenna duraa nu baasi, nu duuba si gula yaana.

¹¹Jennaani AABBO Waaqi Gideoni, Baraki, Yefta erge, anale erge. Nu namu harka nyaapa keesaa isaani baafne, isani nagayaani teetani.

¹²Ammo isani aka hayyu Nahashini, ka Amoni isani had'u d'ufe d'ageennaani AABBO Waaqa aka hayyu keesani tolfachu diddani iti garagaltani waan naani jettani, Nu hayyu nu mohatu feena.

¹³Amma hayyuuni isani fohatani kunooti ka isani nuu kenna jettani kad'atani, amma Waaqi ya isa isanii kenne.

¹⁴Yo isani AABBO Waaqa keesani guddiftani isa hojattani, isa ch'aqaftani seera isaa ch'ufa guuttani isanifi hayyuuni keesani ka isa gula yaatani taatani, wonti ch'ufti isanii qajeelti.

¹⁵Ammo hojja isani ka AABBO Waaqa ch'aqasu diddani seera isaa ch'absitani taatani inni isanifi hayyu keesanile iti dallana.

¹⁶Tanaafi fulluma amma jirtani tana eja. Duuba waan jabdu AABBO Waaqi isanii tolchu inagartani.

¹⁷Amma lafti bona, akasiyu? Ammo anini inkad'ad'a duuba AABBO Waaqi amuma tana mandie bokaya nuu rooba, hojja wonti kunini taatu, isani aka ch'ubbu hamtu AABBO Waaqati tolchitani gaafa hayyu kad'atani, beetani.

¹⁸Jennaani Samuelini kad'ate, guyyuma suni AABBO Waaqi mandie bokaya roobe, jennaani suni gula worri AABBO Waaqafi Samuelile sodaate

¹⁹waan Samuelini jed'ani, Aabba AABBO Waaqa kanke nu kad'ad'i, aka nu indoone. Amma nu ya argine, ch'ubbu qara taani malele aka nu waan hayyu kad'anneefi ch'ubbu d'ibi keesa bune.

²⁰Samuelini waan jed'ani, Ato waan hamtu akana kana tatanile sodaattani AABBO Waaqa ira ingorina, ammo garaa keesani ch'ufaani isa hojad'a.

²¹Waaqoota d'ara gula iyyaina; waaqooti akasi sunini dandeete isani qarqaarte yokhaani isani imbaaftu, wonti akanatiifi isiini waaqoota d'ugatiniti.

²²AABBO Waaqi yayu kakhu jabdu kakhate, tanaafi inni isani illakisu. Wonti akanatiifi inni ya isani fohate nama ufii isani tolche.

²³Anini ufii gama kiyyani AABBO Waaqi na didinna aka anini isanii kad'achu lakise isati inch'ubbamne. Ammo fulla suni, anini kara dansaafi ka d'uga isani garsiise isani barsiisa.

²⁴AABBO Waaqaa saalfad'a, garaa tokochani isa hojad'a, illakisina, waan jabdu inni isanii tolchele qaabad'a.

²⁵Ammo yo isani ammalle ka ch'ubbu illakimne taatani, isanifi hayyu keesani imballeesani.