Read BORANA BIBLE – KITAABA WAAQA Uumama 17 Bible Online

Uumama 17 - BORANA BIBLE – KITAABA WAAQA bible

Uumama 17

¹Ganni Abramu sagaltami sagali geennaani AABBO Waaqi isati mullate waan jed'eeni, Anini Waaqa Gudda. Na ch'aqasi, waan hamtu intolchini.

²Anaafi sii wold'aqisa woliini tolfanne ilmaani heddu sii kenna.

³Abramuuni Waaqa dura gajed'e, Waaqi waan jed'eeni,

⁴Anini wold'aqisa si woliini tolfad'e, abba gosa heddu taata.

⁵Arraa achi maqaani kanke Abramuniti ammo Abrahamu siini jed'ani, wonti akanatiifi anini ya abba gosa heddu si tolche.

⁶Anini si daraarse ilmaani tante gosa heddu sii tolche, ta garileeni hayyu taati.

⁷Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha.

⁸Lafa amma atini iti keessuma tana anini sifi ilmaani teeti kenna. Lafti Kanaani ch'ufti ta ilmaani teeti taati haga jiru jireennale, anileeni Waaqa worraa taha.

⁹Waaqi waan Abrahamuuni jed'e, Atileeni gama kanketiini, sifi ilmaani tante ta d'aloota d'ufu, wold'ageeti tiyya tana jabeesa.

¹⁰ Wold'ageetiini jiddu tiyyafi teesani, ta sifi ilmaani tante jabeesu maltani, tana: ilma d'iira keesani ch'ufa qabanqaba qabaafi.

¹¹Arraa achi ilma d'iira ka haga d'alate saddeeti bule, tisse worra keesani keesa d'alatte taanaani, ta horiini bitani taanaani, qabanqaba qabaafi. Wold'ageetiini tiyyafi teesani tanaani beekhani.

¹³Nama d'alate ch'ufa qabuufi malani, akanaani wold'ageetiini teenna nafa keesani ira mullatti, haga jiru jireenna.

¹⁴Ilma d'iira ka qabanqaba inqabatini gosati inheregani, waan inni wold'ageeti teenna injabeesiiniifi.

¹⁵Waaqi waan Abrahamuuni jed'e, Arraa achi niiti tante Sarai jette iyyaamiini, Sara jed'i yaami.

¹⁶Ani isii eebisa, aka isiini ilma sii d'altu. Ani isii eebise, isiini haad'a gosa heddu taate, ilmaani isiileeni ta gari hayyoota taati.

¹⁷Abrahamuuni Waaqa dura gajed'e, mame koble waan ufiini jed'e, Isii, nami ganna d'iba toko gahe akami ilma d'ala? Saraleeni d'ugumati ganna sagaltamati ilme ind'alti?

¹⁸Waan inni Waaqaani jed'e, Ishmaeliini na d'aale ho?

¹⁹Ammo Waaqi waan jed'eeni, Hiyo, intaatu. Niitiini tante Saraani ilma sii d'alti, atini maqa Isaaqo baasiifi. Anini isaafi ilmaani isaale wold'aqisa haga jiru jireenna woliini tolfad'a.

²⁰Anini kad'acha tante ta waan Ishmaeli la d'agaye, waan kanafi isaa eebise daraarse ijoolle heddu kennaafi. Inni abba jaallaba kud'ani lama tahe, anini d'aloota isaa gosa guddo tolcha.

²¹Ammo anini wold'aqisa kiyya ka ilma kanke Isaaqo woliini tolfad'u, ka Saraani mara woga tana sii d'altu, injabeesa.

²²Waaqi dubbi tana buufate jennaani Abrahamu biraa olgale.

²³Guyyuma suni Abrahamuuni ilma isaa Ishmaelifi nama d'iira ka worra isaa keesati d'alate, tisse mana isaa keesati d'alatte, ta horiini bitani wolumaani, qabanqaba qabeefi.

²⁴Abrahamuuni gaafa qabanqaba qabate ganni isaa sagaltami sagali,

²⁵ka ilmi isaa Ishmaeli kud'ani sadi.

²⁶Worri lachu, tissele worrale woliini, guyyuma taka qabanqaba qabate.