Read BORANA BIBLE – KITAABA WAAQA Uumama 32 Bible Online

Uumama 32 - BORANA BIBLE – KITAABA WAAQA bible

Uumama 32

¹Ato Yakobooni karaa deemu malaikooti Waaqaa fuula keesa d'ufte.

²Inni worra arge, Gumiini tunini gumi Waaqaa jed'e, fulla suni Mahanaimu maqa baase.

³Jennaani Yakobooni gara oboleesa isaa Esau, ka lafa Edomu jiru, ufi dura nama erge,

⁴d'aamate waan jed'e, Waan jettani, Aabbo kiyya, anini, hojattuuni tante, waan siini jed'u, Haga duri isani biraa deeme asi anini Labani woliini tae.

⁵Looni, harre, ree, hojattule inqaba. Qonqo d'eeta siti ergu jira, aka waan dabre ch'ufa atini biraa na deemtu.

⁶Jari ergani kaani dachae waan Yakobooni jed'e, Oboleesi kanke Esau ya garre; inninu nama d'ibba afuri fud'ate fuula keesa si d'ufu jira.

⁷Tana d'ageennaani Yakobooni nahe, lubbuuni d'ufte, nama isaa fulla lamati qoode hori isaa, ree, looni ammalle gaala karra lamati gargari baase,

⁸herege waan jed'e, Yo Esauuni d'ufe namafi karra qara taani had'e balleese, ta eege baqattefa baati.

⁹Duuba Yakobooni Waaqa yaamate waan jed'e, Ee Waaqa, Waaqa akhaakhu kiyya Abrahamutiifi abba kiyya Isaaqo, AABBO Waaqa, siti, Lafafi worra keesaniti deebii, nagaya si guuta naani jed'e;

¹⁰naasufi jaalala ta atini naa, hojattu tante, garsiifte anini himmalleefi. Anini duri gaafa galaana Yordani taake, ule tiyya male, woma tokole inqabu; amma gumifi hori karra lama kana qaba.

¹¹Amma si kad'ad'a, harka oboleesa kiyya Esau keesaa na baasi. Anini insodaad'a, aka inni d'ufe nu ch'ufa had'e balleesu, nad'eenifi ijoollele.

¹²Ammo atini qara waan jette, Anini nagaya si guute si daraarse ijoolle heddu ta aka maansa galaana si tolcha jette.

¹³Inni halkani suni bule jennaani hori oboleesa isaa Esau kennu fed'u hori ufii keesaa fohe:

¹⁴laleesa d'ibba lama, d'ad'alafi elemiye diddama,

¹⁵gaala aanani sodomafi ogore isaa, looni d'alo afurtamatiifi koromi kud'ani, harre d'ad'altu diddamatiifi mochole kud'ani.

¹⁶Hori kana karra karraani gargari baase hojattu isaati kenne waan jed'eeni, Na dura yaa, hori ch'ufa diqo woli hanqisa, oofa.

¹⁷Namichi hojattu toko ka hori mata keesa jiruuni waan jed'e, Hojja oboleesi kiyya Esauuni siini bahe, Atini hojattu eenu? Horiini kunini ka eenu? jed'e si gaafate,

¹⁸atini waan jettuuni, Horiini kunini ch'ufti ka hojattu tante Yakobooti, ka inni gudda isaa Esauu ergu. Innileeni faanuma teenna d'ufu jira.

¹⁹Akasuma ka lameesoleti d'aame, ka sadeesoleti d'aame, ammalle worra ira hafe kaanile, ka hori keesa jiruu d'aame; Waan kana inded'ina, jabeesa Esauti hima, yo inni fuula keesa isani d'ufe;

²⁰waan isani jettani, Hojattuuni tante Yakobooni eege teenna jira. Yakobooni waan ufiini jed'e, Anini hori kana ch'ufa Esauu kenne, aka yo woli arginu inni garaa naa laafe biraa na deemu.

²¹Akanaani hori Esau erge kaani ufi dura erge, ammo ufi eegeti hafe bule.

²²Halkanuma suni Yakobooni kae nad'eeni isaa lamaanifi nad'eeni hojattu lamaanifi ijoolle isaa kud'ani toko fud'ate galaana Yaboki taake.

²³Jari kuni taake jennaani horifi hojattu isaale ch'ufa taakisiise,

²⁴ufi koba eegeti hafe. Jennaani nami inni imbeenne d'ufe isaani wolwolaane, haga biiftuuni baatuti.

²⁵Nami suni aka Yakobo indabsanne arge jennaani tafa d'ae miitati buqise.

²⁶Inni waan Yakobooni jed'e, Lafti ya bariite, gadi na lakisi, indeema. Yakobooni, Illakisu, haga atini na eebiftuti jed'eeni.

²⁷Namichi waan jed'eeni, Maqaani ke eenu? Jennaani inni, Yakobo jed'e.

²⁸Namichi waan jed'eeni, Maqaani ke armaa achi Yakoboniti. Atini ya Waaqafi namaani wolmorkitani lachu dabsatte, tanaafi maqaani kanke Israeli taha.

²⁹Yakobooni waan jed'e, Amma maqa kee nati himi. Ammo namichi, Maafi maqa kiyya beekhu feeta? jed'e, eege Yakobo eebise.

³⁰Yakobooni fulla suni Penieli maqa baase waan jed'e, Ya Waaqaani fuula keesa wolargine iraa hafe.

³¹Aduuni banaani Yakobooni, ka tafa hokolu, Penieli keesaa bahe.

³²Haga arrale gochiti Israeli fooni tafa inyaattu, waan fulla suni Yakobo d'aanifi.