Read BORANA BIBLE – KITAABA WAAQA Uumama 7 Bible Online

Uumama 7 - BORANA BIBLE – KITAABA WAAQA bible

Uumama 7

¹Jennaani AABBO Waaqi waan Nuhuuni jed'e, Beena, siifi worri kanke ch'ufti hobolo seena, ani layu arge, nama lafa ke jiru ch'ufa keesa sii ch'allati nama d'ugaati.

²Bineensa nami nyaatu keesa, kormafi d'alale torba torba fuud'i, ammo bineensa nami inyaanne, kormafi d'ala, toko toko fuud'i.

³Ammalle simpirreefi allaati gosa ch'ufa keesa, kormafi d'altu torba torba fuud'i. Wonti atini akasi tolchitufi, aka bineensi kunini ch'ufti bahe taka tana d'alu.

⁴Eegi torbaani toko bokaya jabaa rooba, ka halkanifi guyya afurtama garagari inch'inne, aka waan lubbu qaba, ka anini mid'aase ch'ufa, lafa iraa balleesu.

⁵Nuhuuni, akuma Waaqi jed'eeni, waan ch'ufa tolche guute.

⁶Gaafa lolaani fach'ae lafa fud'ate ganni Nuhu d'ibba jaa.

⁷Duuba isa, niiti isaati, ilmaani worraatifi nad'eeni worraleeni aka fach'aa bisaani duraa bahani hobolo duudani.

⁸Bineensa nami nyaatufi ka nami inyaannele, simpirreefi bineensa garaani lafa ira lohule ch'ufa keesa,

⁹lama lamaani, d'alafi kormi, Nuhu woliini hobolo duudani, akuma Waaqi jed'eeni kaani.

¹⁰Eegi bulti torba lolaani fach'ae bisaani lafa fud'atani.

¹¹Gaafa ganni Nuhu d'ibba jaa, jia lameeso, guyya kud'ani torbeeso, guyya suni, bisaani jalaa olfarqatani gubbaale gabaafatani.

¹²Guyya afurtamatiifi halkani afurtama bokai akasuma lafa gubbati roobe.

¹³Guyyuma suni Nuhufi ilmaani isaa Shemufi Hamufi Yafethiini, ammalle niiti Nuhutiifi nad'eeni ilmaani isaa ch'ufumaani hobolo duudani.

¹⁴Ammalle worra woliini bineensi garaani lafa ira lohufi ka illoonneleeni, horifi simpirre gosa ch'ufale woliini tokochi qubaleeni inhamne, olduudani.

¹⁵Bineensi gosa ch'ufa ka lafa jiru, lama lamaani kormafi d'ala, Nuhu woliini hobolo duudani.

¹⁶Bineensi, kormafi d'alaani, ka gosa ch'ufa, akuma Waaqi Nuhuuni jed'e, olduude jennaani AABBO Waaqi balbala iti ch'ufe.

¹⁷Lolaani haga bulti afurtama fach'ae, bisaani lafa ira dabrani, hobolo lafa ira olfuud'ani.

¹⁸Bisaani guddatani lafa iraa guddo olbahani duuba hobolooni bisaani suni gubbaa deemte.

¹⁹Bisaani aka taka inargini guddatani gaareeni d'ed'eertule ch'ufa fud'atani d'ossani;

²⁰bisaani guddatani olbahani gaareeni d'ed'eertule d'und'uma kud'ani shanitiini oldabrani.

²¹Wonti lubbu qaba, nama taanaani, bineensa taanaani, simpirre taanaani, bineensa garaani lafa ira lohule taanaani, ch'ufti hobaate.

²²Wonti lubbu qaba, ka lafa gubbaa jira, haguma geetuuni hobaate.

²³AABBO Waaqi waan lubbu qaba, ka lafa gubba jira ch'ufa balleese — nama taanaani, bineensa taanaani, waan lafa ira lohule taanaani, ammalle simpirrele taanaani. Nuhufi waan isa woliini hobolo keesa jiru ch'allati hafe.

²⁴Ka diqole gadi inhiqiini, bisaani bulti d'ibba tokofi shantama lafa ira taani.