Read BORANA BIBLE – KITAABA WAAQA 2 Samueli 24 Bible Online

2 Samueli 24 - BORANA BIBLE – KITAABA WAAQA bible

2 Samueli 24

¹AABBO Waaqi ammalle worra Israeliti dallane duuba Daudi worrati kaase waan jed'eeni, Beeni, worra Israelitiifi ka Yuda hedi,

²jennaani Daudini Yoabu gudda askarti isaa yaame waan jed'eeni, Beeni askarti tante fud'ad'i, gosa Israeli ch'ufa haga Dani iti keeyate Beershebati d'aabi, hedi, anini henna worraa haga beekhu fed'a.

³Yoabuni waan hayyichaani jed'e, Ee hayyicha, AABBO Waaqi kanke gosa Israeli harka d'ibba haga amma ira dabarse sile lubbu d'eerese si argisisina. Ammo Ee hayyicha atini maanifi aka henna akana tolchani feeta?

⁴Ammo hayyichi Yoabufi askarti isaa dubbi guuchisiise worri kae isa biraa yae worra Israeli heddu d'aqe.

⁵Duuba worri galaana Yordani taake Aroeri, dira bale Gadi keesa jiru, qubate. Arti mirga kaani Yaseriti qajeelani.

⁶Gileadi ira bahani, Kadeshi ta lafa Hititi iti d'aabatani. Ammalle arti kaani Daniti iti d'aabatani, artiti kaani Sidoni lafa Danini ila adu qajeelani.

⁷Achile bitaa iti d'aabatani, dira Tiro ka aka jajaba jaajaaraniti qajeelani, achile dira heddu worra Hivitifi ka Kanaaniti dabrani, duuba eege qit'isu Beersheba, ta lafa Yudatini bitaa, d'ufani.

⁸Akanaani eegi jia sagalifi bulti diddama lafa ch'ufa keesa marani Yerusalemuni bahani.

⁹Worri henna nama woraana guutu hayyichatini d'ufe waan jed'eeni, Nami Israeli 800,000, nami Yuda 500,000.

¹⁰Ammo Daudini Eegi henna namaa hobaase, heregi hamaani isa qatabe jennaani inni waan AABBO Waaqaani jed'e, Anini ka waan akana kana tolche ya guddo daallae waan hamtu tahe, biraa naa deemi.

¹¹Jennaani AABBO Waaqi waan raaga Daudi ka Gadi jed'aniini jed'e, Beeni d'aqi, Daudini waan jettu, AABBO Waaqi waan jed'u, waan sadi woli bira qabad'u ka feetu gula bahi kama tateefu siumaa tolcha. Boriyyaate Daudini lafaa kaanaani

¹³Gadini isati gad'ufe waan jed'eeni, Waan AABBO Waaqi siini jed'u kana kami fohata? Oola ganna sadi ta lafa tanteeti d'uftu mo? Jia sadi ka nyaapa kanke baqatu mo? Guyya sadi ka ch'iisi d'ukuba lafa teeti d'ufu? Duuba amma heregi, toko gula bahi qonqo anini AABBO Waaqatini deebiu nati himi.

¹⁴Daudini waan Gadini jed'e, Anini ya ufi jibbaadd'e, lubbuuni na d'ufte harka namaatiini duu imfed'u tanaafi AABBO Waaqumani, ka naasu qabu, ha waan fed'u nu tolchu.

¹⁵Jennaani AABBO Waaqi ch'iisa d'ukuba hama, ka haga diirama suni worra qabate guyya inni fohate kaaniti muumme bahe, worra Israeliti buuse, Danifi Beersheba jiddu nami kuma torbatama hobae.

¹⁶Malaikaani Waaqaa Yerusalemu balleesiti kurfefate, jennaani, AABBO Waaqa herega badi ka namaani balleesu suni jijirate, waan malaika worra hobaasu jirtuuni jed'e, Laki! ta qaraatu ya geete, yaalabai! Yo suni malaikaani oobdi Arauna, ka gosa Yebusi, d'aatu ejiti.

¹⁷Daudini malaika biyya fit'u jirtu arginaani waan AABBO Waaqaani jed'e, Nami wollaala qabu, ka wo balleese anuma, worri woma keesa injirre kunini maani yake? Atini sila anaafi worra kiyya balleesu malte.

¹⁸Guyyuma suni Gadini gara Daudi d'aqe waan jed'eeni, Beeni, oobdi Arauna d'aqi, achiti fulla sorio iti qalani AABBO Waaqa jaari

¹⁹Daudini jecha AABBO Waaqaa guute, akuma Gadini jed'eeni kaani kae tolche.

²⁰Araunani millate, hayyichafi jara isaa gugurda, ka gara isaa gad'ufu arge, jennaani Daudi durati gajed'e.

²¹Waan jed'eeni, Ee hayyicha, naguma arma d'ufte? Daudini waan jed'eeni, Naguma d'umne, oobdi tante tana bite, fulla sorio AABBO Waaqa iti qalani jaaru fed'a, aka ch'iisa d'ukuba hama kana balleesani.

²²Araunani waan jed'eeni, Fud'ad'u, AABBO Waaqa waan feetu ch'ufa irati baasiifi, ee hayyicha sangoleeni qotiyo ta atini gubde sorio baaftuleeni tana; qaamparafi mukhi mid'aani irati d'aanani ka atini aka qoraani bobosituleeni kanuma.

²³Waan akana ch'ufa Araunani hayyuti kenne waan jed'eeni, AABBO Waaqi waan atini baaftu kana ch'ufa ha sira fud'atu.

²⁴Ammo hayyichi waan jed'eeni, Laki, anini hori sii baasa; anini sorio woma iti imbaasini AABBO Waaqa kiyya baasu infed'u, duuba hayyichi oobdifi sangoota taani qarsi shantamatini iraa bite.

²⁵Jennaani fulla sorio iti qalani AABBO Waaqaa jaare, sorio gubanifi sorio wold'ageeti Waaqaa baase. Akanaani AABBO Waaqi kad'acha isaa d'agae ch'iisa d'ukuba hama suni worra iraa balleese.