Read BORANA BIBLE – KITAABA WAAQA 2 Hayyoota 15 Bible Online

2 Hayyoota 15 - BORANA BIBLE – KITAABA WAAQA bible

2 Hayyoota 15

¹Ganna diddami torbeeso ka Yeroboamuni hayyu Israeli tahe, Uziani ilma Amazia hayyu Yuda tahe.

²Gaafasi ganni isa kud'ani jaa, duuba inni ganna shantami lama Yerusalemu keesa lafa mohate. Haad'a isaa maqaani Yekolia, isiini worra Yerusalemuti.

³Inni akuma abba isaa Amazia waan AABBO Waaqa gammachiisa tolche.

⁴Ammo fulla waaqa d'ara iti kad'atani, ta gaareeni gubbaa, imballeesine, biyyiti achiti sorio baafte hit'aana aarsu illakimne.

⁵AABBO Waaqi d'ukuba hama aka qomaat'a Uziati buuse, d'ukubi sunini haga inni jiru ch'ufa isa lakisu dide. Inni ka huji inhojanne manumati gale ufi iraa tae, ilmi isa Yothamu lafa mohate.

⁶Waan Uziani tolche ch'ufa kitaaba Odu Hayyoota Yuda keesati t'aafaniti t'aafani.

⁷ Uziani due jennaani irreesa hayyoota ka, dira Daudi keesati, isa awaalani. Jennaani ilmi isa Yothamuni fulla isa hayyu tahe.

⁸Ganna sodomi saddeeteeso ka Uziani hayyu Yuda tahe Zekariani, ilmi Yeroboamu, hayyu Israeli tahe, jia jaa Samaria keesa lafa mohate.

⁹Inni akuma nama isa durati hayyu tahe kaani ch'ubbu AABBO Waaqa durati tolche. Inni faani Yeroboamu, ilma Nabathi, ka worra Israeli ch'ubbu keesa buuse, bahe.

¹⁰Shalumuni, ilmi Yabeshi, hayyu Zekariati malate, dira Ibleamuti isa ijeese, fulla isa hayyu tahe!

¹¹Waan Zekariani tolche ch'ufa kitaaba Odu Hayyoota Israeli keesati t'aafaniti t'aafani.

¹² Duuba akasiini wonti AABBO Waaqi duri hayyu Yehuti kakhate guutamte: d'alooti kanke haga d'aloota afreeso hayyu Israeli taha.

¹³Ganna sodomi sagaleeso ka Uziani lafa Yuda mohate, Shalumuni, ilmi Yabeshi, hayyu Israeli tahe, duuba jia toko Samaria keesa lafa mohate.

¹⁴Menahemuni, ilmi Gadi, Tirsa bahe, Samaria d'aqe, Shalumu ijeese, fulla isaa hayyu tahe.

¹⁵Waan Shalumuni tolche ch'ufafi mala inni hayyu kaaniini ijeesele ch'ufa kitaaba Odu Hayyoota Israeli keesati t'aafaniti t'aafani.

¹⁶Ato Menahemuni Tirsa d'ufu jiru, inni dira Tapuatifi nama keesa jirufi lafa d'aatu isaa ch'ufa had'e balleese waan nami dira suni isati harka kennachu dideefi. Inni nad'eeni garaachale ch'ufa garaa babaqase.

¹⁷Ganna sodomi sagaleeso ka Uziani hayyu Yuda tahe, Menahemuni, ilmi Gadi, hayyu Israeli tahe, ganna kud'ani Samaria keesa lafa mohate.

¹⁸Inni faana Yeroboamu, ilma Nabathi, ka haga ufi jiru ch'ufa worra Israeli ch'ubbu keesa buuse, gula bahe, AABBO Waaqa durati ch'ubbu tolche.

¹⁹Tiglath-Pilesari, hayyuuni Ashuru, lafa Israeli had'e, duuba Menahemuni, qarsi kilo kuma sodomi afuri isaa kenne, aka akasiini qarqaarsa isaa argate irre ufi, ta lafaani mohatu, jabeesu.

²⁰Menahemuni beese suni ch'ufa worra dureeyyi irreeni iraa fud'ate, nama ch'ufa qarsi shantama. Jennaani hayyuuni Ashuru kae lafa isati gale.

²¹Waan Menahemuni tolche ch'ufa kitaaba Odu Hayyoota Israeli keesati t'aafaniti t'aafani.

²²Inni due awaalani, ilmi isa Pekahiani fulla isa hayyu tahe.

²³Ganna shantameeso ka Uziani hayyu Yuda tahe, Pekahiani, ilmi Menahemuni hayyu Israeli tahe, ganna lama Samaria keesa lafa mohate.

²⁴Inni faana Yeroboamu, ilma Nabathi, ka worra Israeli ch'ubbu keesa buuse, gula bahe, AABBO Waaqa durati ch'ubbu tolche.

²⁵Namichi gudda askarti Pekahia toko, ka maqaani isa Peka, ilma Remalia, nama shantama ka Gileaditini wolti malatani, fulla jajabdu mana hayyu ka Samaria keesati Pekahia ijeese, fulla isa Hayyu tahe.

²⁶Waan Pekahiani tolche ch'ufa Kitaaba Odu Hayyoota Israeli keesati t'aafaniti t'aafani.

²⁷Ganna shantami lameeso ka Uziani hayyu Yuda tahe, Pekani, ilmi Remalia, hayyu Israeli tahe, ganna diddama Samaria keesa lafa mohate.

²⁸Inni faana Yeroboamu, ilma Nabathi, ka worra Israeli ch'ubbu keesa buuse gula bahe AABBO Waaqa durati ch'ubbu tolche.

²⁹Gaafa Pekani lafa Israeli mohate, Tiglath-Pilesarini, hayyuuni Ashuru, dira Iyoni fa, ka Abel-Bethi Maakafa, Yanoafa, Kedeshifa, Hazurifa ammalle lafa Gileaditifi ta Galilayatifi ta Naftalile had'e dabsate, worra lafa suni ch'ufa boojie, lafa Ashuruti galche.

³⁰Ganna diddameeso ka Yothamuni, ilmi Uzia hayyu Yuda tahe, Hosheani, ilmi Ela, hayyu Pekati malate ijeese, fulla isa hayyu tahe.

³¹Waan Pekani tolche ch'ufa Kitaaba Odu Hayyoota Israeli keesati t'aafaniti t'aafani.

³²Ganna lameeso ka Pekani, ilmi Remalia hayyu Israeli tahe, Yothamuni, ilmi Uzia, hayyu Yuda tahe.

³³Gaafasi ganni isaa diddami shani, inni ganna kud'ani jaa Yerusalemu keesa lafa mohate. Haad'a isa maqaani Yerusha, isiini dubra Sadoki.

³⁴Inni akuma abba isa Uzia waan AABBO Waaqa gammachiisa tolche.

³⁵Ammo tatule fulla waaqa d'ara iti kad'atani, ta gaareeni gubba, tokole imballeesine, biyyitileeni sorio baafte hit'aana aarsu illakimne. Nami balbala fullo Mana Waaqa ta mirga jaare Yothamu.

³⁶Waan Yothamuni tolche ch'ufa, kitaaba Odu Hayyoota Yuda keesati t'aafaniti t'aafani.

³⁷Gaafi Yothamuni lafa Yuda mohate suni, gaafa AABBO Waaqi qara hayyu Resini ka Shamutifi hayyu Peka ka Israeli, lafa Yuda had'iisaa erge.

³⁸Yothamuni due jennaani irreesa hayyoota, ka dira Daudi keesati, awaalani, ilmi isa Ahaziani fulla isaa hayyu tahe.