Read BORANA BIBLE – KITAABA WAAQA 2 Hayyoota 21 Bible Online

2 Hayyoota 21 - BORANA BIBLE – KITAABA WAAQA bible

2 Hayyoota 21

¹Ganni Manase kud'ani lama gaafa inni hayyu Yuda tahe ammalle Yerusalemu keesa haga ganna shantami shani lafa mohate. Maqaani had'a isaa Hefziba.

²Akuma gosa AABBO Waaqi duri worra duraa gusse ta waan hamtu taate isa durati ch'ubbu hamtu tolchite taani Manaseleeni AABBO Waaqa durati ch'ubbu tolche.

³Fulla waaqa d'ara iti kad'atani ta gaara ira, ta qara abbaani isaa Hezekiani ch'ach'abse, jaare ammalle fulla Baali iti kad'atani sorio baasanifi mid'aase, fakeenna waaqa Ashera jed'anile boch'e, akuma hayyuuni Israeli ka Ahabu jed'ani kaani tolche. Ammalle inni urjile ch'ufa gajed'e kad'ate.

⁴Inni Mana AABBO Waaqa ka Waaqi, na ch'alla keesati yaamad'a jed'e, keesati, fulla sorio waaqa d'ara irati baasani, jaare.

⁵Inni naabo lamaani ch'icha Mana Waaqa garaa keesati waan sorio irati baasani urji kad'atani jaare.

⁶Inni ilma isaa sorio gubani baase ammalle nama wohime, murma baafate, worra ayyaanatifi falfaltu d'ugeefate gula deeme. Inni ch'ubbu guddo hamtu tolche akasiini AABBO Waaqa dallansiise.

⁷Inni akheekha waaqa Ashera jed'ani mid'aase fuud'e Mana AABBO Waaqa ke kaye, Mana Waaqi duri Daudifi ilma isaa Solomonini; Yerusalemu keesa mana kana keesati fulla anini lafa gosa Israeli kud'ani lamaani taani keesaa fohad'e iti na kad'ad'a jed'e.

⁸Yo gumiini Israeli Seera kiyya guute Seera hojattuuni tiyya Musani kenneefi ch'ufa gula yaate, anini aka worra lafa anini ababoota worrati kenne taani keesaa baasani ee injed'u.

⁹Ammo gumiini Yuda AABBO Waaqa ch'aqasu didde, ammalle Manaseeni ch'ubbu guddo hamtu, ta ch'ubbu gosa worra AABBO Waaqi gumi isa ta Israeli duraa gusse taale iraa jirtu, tolchisise.

¹⁰AABBO Waaqi hojattu isaa raagootaani dubbate waan jed'e,

¹¹Hayyu Manaseeni yayu waan hamtu, ka waan worri Kanaani tolche kaanile ira hamtu tolche akasiini gosa Yuda ch'ubbu keesa buuse.

¹²Tanaafi, Anini AABBO Waaqi Israeli, gaargala guddaani Yerusalemufi Yudatini d'ufa, aka nami ch'ufti ka waan kana d'agau rifate bakhakhu.

¹³Akuma anini Samaria gaargalche kaani Yerusalemule tolcha, akuma duri hayyu Ahabu Israelitiifi d'aloota isale tolche. Gumi Yerusalemu ch'ufa lafa iraa hare balleese, akuma qori d'iqani lafati gombisani tolcha.

¹⁴Nama fiige bahe balleese harka nyaapa isati kenna, aka worra dabsatani lafa isaani ch'ufa keesaa boojiani.

¹⁵Wonti anini waan suni tolchufi waan worri nati ch'ubbame, haguma duri ababooti worraa lafa Misiriti baate haga arra na dallansiisefi.

¹⁶Manaseeni nama heddu ka wollaala womaatu inqamne hobaase, d'iigi aka galaana dibbise Yerusalemu keesa yae; tana malele inni worra Yuda waan boch'ani kad'atani kaani gula deebise AABBO Waaqa durati akanaani ch'ubbu keesa buuse.

¹⁷Waan Manaseeni tolche ch'ubbu inni tolche ch'ufale kitaaba Odu Hayyoota Yuda keesati t'aafaniti t'aafani.

¹⁸Manaseeni due jennaani oobru mana hayyu d'aatu, ta Uza jed'ani, keesati awaalani, ilmi isa, ka Amoni jed'ani, fulla isaa hayyu tahe.

¹⁹Ganni Amoni diddami lama gaafa inni hayyu Yuda tahe, ammalle inni ganna lama Yerusalemu keesa lafa Yuda mohate. Haati isaa Meshulemethi, ta dubra Haruzi, ta worra dira Yotba.

²⁰Akuma abba isaa Manase, innileeni AABBO Waaqa durati ch'ubbu tolche;

²¹wanuma abbaani isaa tolche kaani gula deeme waaqoota d'ara, ka abbaani kad'ate kaani, innileeni kad'ate.

²²Inni AABBO Waaqa ababooti isaa dide Seera AABBO Waaqa iraa gore.

²³Hojattuuni Amoni, isati malate mana hayyu keesati isa ijeefte.

²⁴Jennaani worri Yuda jara isaa ijeese kaani hobaase, ilma isaa ka Yosia jed'ani hayyu tolche.

²⁵Waan Amonini tolche ch'ufa kitaaba Odu Hayyoota Yuda keesati t'aafaniti t'aafani.

²⁶Amoni oobru Uza keesati awaalani, duuba ilma isa Yosiani fulla isaa hayyu tahe.