Read BORANA BIBLE – KITAABA WAAQA 2 Hayyoota 6 Bible Online

2 Hayyoota 6 - BORANA BIBLE – KITAABA WAAQA bible

2 Hayyoota 6

¹Guyya toko gumiini raagoota ta Elishani iti gudda, waan isaani jette, Fullaani nu teenna tunini ya nuti d'ipate,

²ga nu d'iisi galaana Yordani d'anne mukha manani jaarani, ch'irre achiti jaarranna. Elishani, Hayye, beena jed'eeni.

³Jennaani worri nami toko waan isaani jed'e, kooti, atileeni woliini nu yaasi. Duuba inni, Ee jed'e,

⁴kaani woliini yaani, worri galaana Yordanitini bahe jennaani mukha ch'ire.

⁵Ato nami toko mukha muru jiru, d'agaraani isaa sukka keesaa bahe bisaani keesa bue. Inni waan Elishani jed'e, Aabbo, anini amma maani taha? D'agaraani kunini ka biyyaati.

⁶Elishani waan jed'eeni, D'agaraani eesa bue? Namichi fulla garsiise jennaani, Elishani ule murate bisaani keesa buuse d'agara kaani olbaase bisaani gubbaa deemsise.

⁷Inni Fuud'i jennaani namichi gajed'e, bisaani iraa fuud'e.

⁸Gaafa toko ka worri Shamutifi ka Israeli woli had'u hayyuuni Shamu worra askarti isaati mata wolti yaame, eegi mala woliini d'aatani, inni fulla worri qubatu fohate.

⁹Ammo Elishani qonqo gara hayyu Israeli erge waan jed'eeni, Fulla suni iti ind'iaatini, wonti akanatiifi worri Shamu artiti sii eegachu jira.

¹⁰Akanaani hayyuuni Israeli worra isaa ka fulla suni tau qonqo iti erge, worri beekate, nyaapa ufiraa eege. Wonti kunini maro heddu taate.

¹¹Jennaani hayyuuni Shamu guddo iraa laalefate garaa hammate; inni worra gugurda askarti isa wolti yaame waan jed'eeni, Isani keesa eenuti gama hayyu Israeli jira?

¹²Jennaani nami toko waan jed'eeni, nu nami waan kana isati himu injiru, ee hayyicha, raaga Elishati waan atini dinqa keesati dubbatu hayyu Israeliti hima.

¹³Duuba hayyichi waan jed'e, Beena, fulla inni jiru hubad'a, duuba anini nama isa qabu iti erga. Duuba worri d'ufe waan jed'eeni, Elishani dira Dothani jira.

¹⁴Jennaani inni askarti heddu ta fardaafi gaari qabdu, fulla suniti erge. Askartini suni d'ufte halkani dira suni marsite.

¹⁵Boriyya ganama hojattuuni Elisha lafaa kae manaa bahe jennaani askarti Shamu ta fardaafi gaari worraatini dira marsitu arge, inni Elishati deebie, Aabbo, ya banne, maani taana? jed'eeni.

¹⁶Elishani waan jed'eeni, Insodaatini, nama gama keennati ka worraa ira jira.

¹⁷Jennaani inni Waaqa kad'ate waan jed'e, Ee AABBO Waaqa, ila isaa bani ha arguuti! AABBO Waaqi kad'acha isaa d'agaye, jennaani hojattuuni Elisha olmillate fardaafi gaari ibida ka gaareeni gubba Elisha marse ch'iisu arge.

¹⁸Worri Shamu kaani dira suni had'e jennaani Elishani Waaqa kad'ate waan jed'e, Ee AABBO ila worra kana duduchi, AABBO Waaqi kad'acha isaa d'agaye, ila worra duduche.

¹⁹Jennaani Elishani gara worra d'aqe waan jed'eeni, Isani ya karaa baddani, dira isani barbaaddani kananiti. Na gula yaa, nama isani barbaaddaniti isani geesa, duuba kae worra lafa Samariati geese.

²⁰Akuma worri dira Samaria seeneeni Elishani waan jed'e, Ee AABBO Waaqa, ila worraa bani, ha wo arganiti. AABBO Waaqi kad'acha isaa d'agaye, ila worraa bane, worri aka Samaria keesa jiru ufi arge.

²¹Hayyuuni Israeli nyaapa suni arge jennaani waan Elishani jed'e, Aabbo, worra kana infit'a?

²²Inni waan jed'eeni, Hiyo infit'ini nyaapa boojianile infit'ani. Golochi, gara hayyu isaani galchi.

²³Jennaani hayyuuni Israeli sagale guddo worraa kenne, eegi worri nyaate d'uge hayyu Shamuti galche. Haguma gaafasiti asi worri Shamu lafa Israeli had'u lakise.

²⁴Eegi suni Benhadadini hayyuuni Shamu, askarti isaa ch'ufa wolti yaame, d'aqe dira Samaria had'e.

²⁵Maro dira suni marsani had'anifi sagale lafaa d'abani, lafti guddo beelofte, mata harreele qarsi saddeetamatini bitani, kille mid'aani diqo tokole qarsi shanini gurgurani.

²⁶Jennaani ato hayyuuni Israeli naabo d'akha ta diraani jaarani, gubbaa deemu, niitiini toko iti iyyite waan jetteeni, Ee hayyicha, na qarqaari!

²⁷Inni waan jed'eeni, Yo AABBO Waaqi si qarqaaru dide, anini eesa dandae si qarqaara? Anini dargaye yokhaani zabibu inqabu.

²⁸Gaargali kanke maani? Isiini waan jetteeni, Onana niitiini tunini, daima kanke arra nyaanne kiyyale bori nyaanna nani jette.

²⁹ Jennaani nu gurba kiyya d'aabanne nyaanne. Boriyyaate anini kenni, gurba kanke nyaanna jennaani isiini na d'ossite!

³⁰Hayyichi dubbi niiti suni d'agaye jennaani woya ufi tarsaase nami d'aatu isaa jiru ch'ufti aka inni ch'arqi woya isaa jalati keeyatu arge.

³¹Duuba inni waan jed'e, Waaqi na ijeesinna, yo anini arra mata Elisha iraa kutu baad'e!

³²Duuba inni nama erge Elisha yaame. Hojja suni Elishani jaarole keessuma tokooni woliini worra ufi jira. Ato namichi hayyuuni erge ind'ufini Elishani waan jaaroleeni jed'e me ilaala, hayyichi harka d'iiga kaani nama na ijeesu nati erguti jira! Amma yo nami suni armaani bahe, balbala iti ch'ufa, seenu d'owa. Hayyichileeni faanuma isaa jira.

³³Ato inni dubbi suni afaani qabu, Hayyichi d'ufe waan jed'e, Nami gaargala kana nutiini d'ufe AABBO Waaqa, anini maafi amma tana isa eega?