Read BORANA BIBLE – KITAABA WAAQA 1 Odu duri 24 Bible Online

1 Odu duri 24 - BORANA BIBLE – KITAABA WAAQA bible

1 Odu duri 24

¹Kunini nama d'aloota Harunitifi gosa worraa iraa bahe. Harunini ilmaani afuri qaba: Nadaba, Abihu, Eleazari, Ithamari.

²Nadabufi Abihuni, ato abbaani isani jiru, duani, ka woma ind'aliini. Tanaafi oboleyaani isaani Eleazarifi Ithamarini qaalole tahani.

³Hayyu Daudini nama d'aloota Haruni kana ch'ufa fulla fullaati qoode huji iti kenne: Huji suni keesa, Sadoki ka d'aloota Eleazaritifi Ahimeleki ka d'aloota Ithamariti isa qarqaare.

⁴D'aloota Eleazari fulla kud'ani jaati gargari qoodani. Ammalle d'aloota Ithamarile fulla saddeetiti qoodani; wonti akasi qoodanifi, waan nami d'aloota Eleazari ka nad'eeni fuud'e, worra kaani d'ibi ch'ufa ira heddateefi.

⁵Waan hujiini worra d'aloota Eleazaritifi Ithamari ta Mana Waaqatifi, ta Waaqa hojjatanileeni taka taateefi, huji suni hit'aani worraa qoodani.

⁶Worri d'aloota Eleazaritifi ka Ithamari maro marooni hit'a suni fud'ate duuba nama fohatani, Shemaya ilma Nethaneli, ka worra Lawiti tatabe t'aafuti maqa worra t'aafa. Nami huji suni d'uga iti tahe: Hayyicha, worra huji isaati matati, qaallicha Sadoki jed'ani, Ahimeleki, ilma Abiahariti, ammalle worra worra qaaloleetifi ka Lawileeti mataa.

⁷Worri kunini, hit'a suni akuma wolti aanu kaanaani argate: Yehoyaribu, Yedaya, Harimu, Seorimu, Malkia, Miyamini, Hakosi, Abiya, Yeshua, Shekania, Eliashibu, Yakimu, Hupa, Yeshebeaku, Bilga, Imeri, Heziri, Hapisesi, Pethaiya, Ezekieli, Yakini, Gamuli, Delaya, Maazia.

¹⁹Jara kana ch'ufa, huji worraa gula, maqa t'aafani, aka worri Mana Waaqa d'aqe huji ababooni worraa Harunini jecha AABBO Waaqa Israeli gula duri worraa kenne hojatu.

²⁰Kunini worra d'ibi Lawiini d'ale, ka worrileeni mata worra isaani: Yedaya, ka Shebueli, ka Amramu;

²¹Ishiya ka Rehabia;

²²Yahathi, ka Shelomothi, ka Ishari;

²³ilmaani Hebroni, ta aka isiini wolgula d'alateeni maqa t'aafani tana: Yeria, Amaria, Yahazieli, Yekameamu;

²⁴Shamiri, ka Mika, ka Uzieli;

²⁵Zekaria, ka Ishia, ka oboleesa Mika, ka Uzieli;

²⁶Mali, Mushi, Yaasi, worri kunini ilmaani Merari.

²⁷Yaasini ilmaani sadi qaba: Shohamu, Zakuri, Ibri.

²⁸Malini ilmaani lama qaba, Eleazarifi Kishi. Eleazarini ilma inqabu, ammo Kishini ilma toko qaba, ka Yerameeli jed'ani.

³⁰Mushini ilmaani sadi qaba: Mali, Ederi, Yeremothi. Worri kunini nama d'aloota Lawiti.

³¹Nami hit'a suni fud'atu ch'ufti abbooti worraatifi oboleesa isaa ka maand'a ka taatefu, akuma fiit'aani worraa ta qaalole duri Harunini d'ale tolchite tolche. Nami huji suni iti d'uga tahe, hayyu Daudi, Sadoki, Ahimaleki, ammalle nama worra qaaloleetifi worra Lawiti mataa.