Read BORANA BIBLE – KITAABA WAAQA 1 Odu duri 28 Bible Online

1 Odu duri 28 - BORANA BIBLE – KITAABA WAAQA bible

1 Odu duri 28

¹Daudini worra gugurda Israeli ch'ufa Yerusalemuti wolti yaame. Jennaani jara gugurda gosatifi jara gugurda hayyu hojatufi jaarole gosatifi jari mihaafi hori hayyuutifi ilmaani isaa qorqoratu — akasi jechaani nama mana hayyu keesa hojatu ch'ufafi worra gugurda askartitifi nami jajabaani ch'ufti — Yerusalemuti wolti bahe.

²Daudini olkae waan jed'eeni: Jaarole, gosa tiyya, na ch'aqasa. Anini mana jaba, Sanduqa Wold'aqisa keesa kayani, ka AABBO Waaqi miila keesa d'aabatu, jaaru fed'e. Anini miha mana isaatini jaaru kurfeese,

³ammo inni waan nani jed'e, mana keesati na kad'atani naa injaarini, wonti akanatiifi atini nama woraana, ka d'iiga nama heddu buuse.

⁴AABBO Waaqi Israeli anaafi d'aloota kiyya fohate, aka nu haga jiru jireenna Israeli mohanu. Inni gosa Yuda fohate, aka hayyuuni keesaa d'alatu, ammalle gosa Yudale keesa worra abba kiyya fohate, worra keennale keesa inni na jaalate, na fohate, hayyu gosa Israeli ch'ufa na tolche.

⁵Inni ilmaani heddu naa kenne, ilmaani suni keesale Solomoni fohate, aka inni barch'uma hayyuma ka Israeli gubbaa tae lafa AABBO Waaqa mohatu.

⁶Inni waan nani jed'e, Nami Mana na jaaru ilma kanke Solomoni. Anini ya isa fohad'e, aka inni ilma naa tahe, anileeni abba isaa tahu.

⁷Yo inni akuma amma na d'agayu kana aadaafi seera kiyya guute jabeese, anini hayyuma isaa haga jiru jireenna jabeesa.

⁸Tanaafi amma, gosa tiyya, Waaqa keennafi gumi worra AABBO Waaqa tana ch'ufa durati, seera AABBO Waaqa keenna kana ch'ufa jabeesa guuta, aka akasiini isani lafa dansa tana keesa teettani, ilmaani teesanileeni isani iraa d'aalte, haga jiru jireenna keesa teetu.

⁹Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa.

¹⁰Amma beekhu malte, aka AABBO Waaqi si fohate, atini Mana isaa qulqullo jaartu. Jabaad'i, huji suni guuti.

¹¹Daudini aka maneeni sunifi fulla miha keesati olkayanifi d'iibu isaa ch'ufafi Fulla Fulla Ch'ufa Ira Qulqullo ta artiti ch'ubbu nama araaramanifile jaaru malani, Solomoni garsiise t'aafe iti kenne.

¹²Ammalle inni aka qayeefi maneeni d'aatu jirtuufi mana mihaafi waan AABBO Waaqa baasani keesati olkayani jaaru malanile, isa garsiise t'aafe iti kenne.

¹³Ammalle Daudini aka qaaloleefi worri Lawi huji hojachu male isa garsiise, aka worri huji Mana Waaqa hojate, miha Mana Waaqale qorqoratu.

¹⁴Ammalle inni haga qarsifi worqiini mihaani mid'aasanifi ta ifseefi waan ifseeni ira ejitufi mesa qarsiini mid'aasanifi mesa worqiini mid'aasani, ka qit'a Waaqa baasani ira kayanileeni geetu garsiise ake mid'aasanile iti hime.

¹⁷Inni ammalle haga worqiini moqa filfilichafi qorifi muduunu mid'aasani gahu malte iti hime.

¹⁸Ammalle haga worqiini waan mesa fakaata, ka hit'aana irati aarsanifi gaari waan akheekha lubbu qaba, ka koola, ka Sanduqa Wold'aqisa AABBO Waaqa irati koola ballifte ejitule gohu malte, iti hime.

¹⁹Daudini waan jed'eeni, Wonti kunini ch'ufti waan mani sunini qabaachu male, ka AABBO Waaqi nati hime.

²⁰Daudini ammalle waan ilma isaa Solomonini jed'e, Ilaafini, garaa jabaad'i. Wonti tokoleeni si ind'owiini, huji suni hojad'i: wonti akanatiifi AABBO Waaqi kiyya si woliini jira. Inni si illakisu, yokhaani si biraa indeemu, haga atini huji Mana Waaqa suni ch'ufa hobaaftuti.

²¹Qaaloleefi worra Lawi yayu huji Mana Waaqa iti kenani. Nami hujitifi hogeeyini waan ch'ufa mid'aasitu kurfo jirti, aka si qarqaartu, ammalle gumifi jaaroleeni worraleeni ch'ufti dubbi tante d'ageete gula yaati.