Read BORANA BIBLE – KITAABA WAAQA 2 Odu duri 15 Bible Online

2 Odu duri 15 - BORANA BIBLE – KITAABA WAAQA bible

2 Odu duri 15

¹Lubbuuni Waaqaa Asaria, ilma odedi, ira buute,

²duuba inni kae gara Asa d'aqe waan jed'eeni, Asafi worra Yudatifi ka Benjamini, na ch'aqasa. AABBO Waaqi isani woliini jira, yo isani isa woliini jiraattani. Yo isani isa barbaaddani, isa ind'abdani, ammo yo isani isa lakiftani innileeni isani lakisa.

³Bara heddu worri Israeli d'uga iraa gore Waaqafi, qaalole worra barsiiftufi seerale lakise akasumati tae.

⁴Ammo gaargali d'umnaani AABBO Waaqa Israeliti deebiani isa barbaadani argani.

⁵Bara suni nami imaltu d'aqufi ka galuleeni nagayaani indeemu, wonti akanatiifi lafa suni ch'ufa keesa gaargala woraana hammaati jira.

⁶Gochiti gosani woli dabsite, dirileeni diraani woldabse, wonti akanatiifi Waaqati gaargalafi d'iba hama worrati buuse.

⁷Ammo isani ilaafina, garaa jabaad'a, hujiini isani hojatani lafati hafte imbaddu.

⁸Asani waan Azariani, ilmi odedi, fage d'agaye jennaani garaa jabaate. Inni Waaqa d'ara, ka harkaani mid'aasani, lafa Yudatifi ta Benjamini keesati kad'atanifi Waaqa d'ibi, dira inni boojie, ka lafa Efraimu ta gaareenile ch'ufa, balleese. Ammalle inni waan sorio irati baasani, ka d'aatu Mana Waaqa, ka qara ch'ach'abe, mid'aase.

⁹Nami hedduuni qara lafa Efraimutifi ta Manasetifi ta Simeoni keesaa bahe, lafa hayyu Asani fiduti d'ufe. Worri aka AABBO Waaqi isa woliini jiru arginaani iti d'ufe. Asani worra kanafi worra Yudatifi ka Benjaminile ch'ufa wolti yaame.

¹⁰Worri jia sadeeso ka ganna kud'ani shaneeso ka Asani lafa mohate dira Yerusalemu keesati wolti bahe.

¹¹Guyya suni worri hori boojie keesa looni d'ibba torbatiifi hooliye kuma torba sorio AABBO Waaqaa baase.

¹²Ammalle wold'aqisa woliini tolfatani, aka AABBO, Waaqa ababoota isaani ch'alla garaa tokofi qalbi tokooni kad'atani.

¹³Ammalle aka nama ch'ufa, diqaafi gudda yokhaani d'iirafi uwa, ka isa inkad'anne, fit'ani,

¹⁴lalabani, Waaqa durati kakhatani, iyyaani, magalata d'aani waan jed'ani, Nu wold'aqisa kana inguunna.

¹⁵Worri Yuda ch'ufti, maro wold'aqisa kana garaa tokooni tolfateefi, gammade. Duuba aka dansaa jabatani, AABBO Waaqa kad'atani, innileeni kad'acha worraa d'agayeefi, lafa worra ganna ch'ufa nagaya tolche.

¹⁶Hayyu Asani akko isaa, Maaka, waan isiini akheekha Waaqa hama Ashera jed'ani mid'aafatefi, guddinna hayyuma, ka isiini qabdu, iraa fuud'e. Inni akheekha suni ch'ach'abse, gargari ch'ire, laga Kidroni keesati gube.

¹⁷Ato inni fulla Waaqa iti kad'atani ch'ufa ta lafa keesa jirtu, balleesu baatele, inni haga jiru ch'ufa garaa tokooni AABBO Waaqa hojate.

¹⁸Inni waan abbaani isaa Abiyaani Waaqaa baase ch'ufafi waan worqifi qarsiini mid'aasani ka inni baase woliini, Mana Waaqa keesa kaye.

¹⁹Haga inni waan kana ch'ufa tolche asi haga ganna sodomi shaneeso ka inni lafa mohate, lafa suni woraani keesaa bade.