Read BORANA BIBLE – KITAABA WAAQA 2 Odu duri 26 Bible Online

2 Odu duri 26 - BORANA BIBLE – KITAABA WAAQA bible

2 Odu duri 26

¹Worri Yuda ch'ufti ilma Amazia, ka Uzia jed'ani, ka ganni isaa kud'ani jaa, fohate, fulla abba isaa hayyu tolche.

²(Eegi Amaziani due inni dira Elathi qabe, fulla hammate mid'aase jaare.)

³Uzia, gaafa inni hayyu tahe, ganni isaa kud'ani jaa, duuba inni ganna shantami lama Yerusalemu keesa lafa mohate. Haad'a isaa maqaani Yekolia, isiini worra Yerusalemuti.

⁴Inni akuma abba isaa Amazia waan AABBO Waaqa gammachiisa tolche.

⁵Inni, haguma Zekariani namichi kara Waaqa isaa barsiise kaani, jiru ch'alla, AABBO Waaqa hojate, Waaqileeni isa eebise.

⁶Uziani kae duula d'aqe worra Filisti had'e, naabo d'akha ta dira Gathitifi Yamniatifi Ashdodi ch'abse, dira jajaba d'ibi d'aatu Ashdoditifi lafa Filisti keesa fulla d'ibileti jaare.

⁷Waaqi isa qarqaare, duuba inni worra Filistitifi ka Arafti ka Gorbaali taufi, worra gosa Mennile dabsate.

⁸Worri Amoni gibira Uzia baase, inni guddo jabaate, gurri isaa lafa Misirileni bahe.

⁹Uziani doofi dira Yerusalemu keesati, fulla fullo Mogatifi fullo Baleetifi, fulla naaboni mokatuni jaare, akanaani dira suni jabeese.

¹⁰Ammalle inni doofi lafa aloo keesati jaare, haroole heddule qote; wonti akanatiifi inni looni ule heddu qaba, golbaafi gaareeni ila adutifi lafa diida keesale. Waan inni oobru jaalatufi, inni biyya zabibu oobrisise, lafa gaareeni keesati; ammalle lafa dansale qotachiise.

¹¹Ammalle Uziani askarti heddu, ta yo ch'ufa lolaa kurfo jirtu, qaba. Kitaaba waan askarti suni keesati t'aafani worra tatabe isaa t'aafu, Yeielifi Maaseyati, harkaa qaba; worra suni Hananiati iti mata; inni hojattu hayyuu.

¹²Askarti suni ch'ufa nama kuma lamafi d'ibba jaati iti mata.

¹³Worra jala askarti nama kuma d'ibba sadiifi torbatiifi d'ibba shaniti jira, ka aka dansaa hayyu qarqaare, irreeni nyaapa had'u.

¹⁴Uziani askarti ch'ufa wonte, woraana, koofia sibiilatifi kooti sibiilatifi t'iyaafi guube, d'akha gullubale qoodeefi.

¹⁵Yerusalemu keesa hogeeyini isaa miha t'iyaafi d'akha gugurdaani darbani mid'aasite doofifi naabo ira nat'e, aka achi iraa darbani. Gurri isaa fagaate fulla ch'ufa gahe, maro qarqaarsa Waaqatifi inni guddo jabaate.

¹⁶Ammo Uziani jabaate jennaani kiyyibe, akasiini baddi ufitini d'ufe. Inni fed'i AABBO Waaqa isaa dide, Mana Waaqa seene aka, fulla hit'aana irati aarsani irati hit'aana aarsu.

¹⁷Ammo qaallichi Azariani, qaalole jajanna nama saddeetama woliini, faana yaani,

¹⁸isa d'owani waan jed'aniini, Uzia, aki atini AABBO Waaqaa hit'aana aarsitu diqole fullaniti. Nami hit'aana aarsu ilmaani Haruni ch'alla, ta eebisani huji tana iti kennani. Fulla qulqullo tana keesaa bahi. Atini ya AABBO Waaqati wollaalte, amma deebite eeba isaa inargattu.

¹⁹Uziani hojja suni Mana Waaqa keesa, fulla hit'aani iti aarsani, waan hit'aanaani aarsani harkati qabate eja. Inni qaaloleeti dallane jennaani hojuma suni d'ukubi hamani aka qomaat'a addaani bahe.

²⁰Qaallicha gudda Azaria jed'anifi qaaloleeni taani ch'ufti hayyu millate, d'ukuba hama aka qomaat'a adda isaa irati garte Mana Waaqa keesaa irreeni isa baafte. Innileeni akasuma hurrise bahu fed'a, wonti akanatiifi AABBO Waaqi ya d'ukuba hama isati buuse.

²¹Duuba hayyu Uziani haga jiru ch'ufa d'ukubuma hama aka qomaat'a sunini tae. Maro inni dandae deebie Mana Waaqa inseenefi, inni koba manati gale, jennaani ilmi isaa Yothamuni worra isaa fide lafale mohate.

²²Waan Uziani tolche ch'ufa, haguma geetunu, raaga Isaya ilma Amoziti t'aafe.

²³Uziani doonaani irreesa hayyoota d'aatuti awaalani, wonti akanatiifi inni nama d'ukuba hama aka qomaat'a qabu. Ilmi isaa Yothamuni fulla isaa hayyu tahe.